Avqustun 21-də saat 03 radələrində Sumqayıt şəhəri Corat qəsəbəsində 1986-ci il təvəllüdlü Zülfüqarova Günay Əhməd qızının kəsilmiş-deşilmiş xəsarətlərdən ölməsi və 2012-ci il təvəllüdlü oğlunun xasarət alması barədə polisə məlumat daxil olub.

DİN-in mətbuat xidmətindən Modern.az-a bildirilib ki, polis əməkdaşları tərəfindən cinayət əməlini törətməkdə şübhəli bilinən şəxsin saxlanılması istiqamətində tədbirlər görülür.

Əlavə məlumat veriləcəkdir.

Hadisə ilə əlaqədar Sumqayıt Şəhər Prokurorluğu da məlumat yayıb.

"Avqustun 21-i saat 03 radələrində Sumqayıt şəhəri Corat qəsəbəsində 1986-cı il təvəllüdlü Günay Zülfüqarovanın kəsilmiş-deşilmiş xəsarətlərdən ölməsi, azyaşlı oğlunun isə xasarət alması faktı üzrə Cinayət Məcəlləsinin 120.1 (qəsdən adam öldürmə) və 29,120.2.7-ci (iki şəxsi qəsdən öldürməyə cəhd etmə) maddələrilə cinayət işi başlanıb.

Hazırda cinayəti törətməkdə şübhəli bilinən şəxs və ya şəxslərin müəyyən olunaraq məsuliyyətə cəlb olunması istiqamətində istintaq-əməliyyat tədbirləri davam etdirilir.

Nəticəsi barədə əlavə məlumat veriləcəkdir", - məlumatda bildirilir.

İspaniya Kralı VI Felipe və Kraliça Letiziyanın 17 yaşlı qızı şahzadə Leonor hərbi təhsil və təlimlərə başlayıb.

Teleqraf.com xəbər verir ki, gənc şahzadənin hərbi məktəbdə ilk gündə çəkilmiş fotoları İspaniya mətbuatında dərc olunub.

İspaniya taxt-tacının varisi Leonor krallıq ənənələri çərçivəsində üç il hərbi məktəbdə təhsil alacaq.

Şahzadə Leonorun Saraqosa Hərbi Akademiyasında ilk günündə hərbi formada çəkilmiş fotoları ölkəsində gündəm olub.

Dəbli geyimləri ilə anası Kraliça Letiziyanın yolunu davam etdirən şahzadənin bu fərqli imici maraqla qarşılanıb.

Salyanda 25 yaşlı qadın qətlə yetirilib.

Belə ki, avqustun 16-da saat 15:00 radələrində Salyan rayonunun Arbatan kəndində 1998-ci il təvəllüdlü Günel Qurban qızı İbrahimovanın kəsilmiş-deşilmiş xəsarətlərdən ölməsi barədə polisə məlumat daxil olub. Daxili İşlər Nazirliyinin (DİN) Mətbuat Xidmətinin regional qrupundan verilən məlumata görə, Qaraş İbrahimov könüllü polisə gələrək təslim olub.

Faktla bağlı araşdırma aparılır. Təəssüf doğuran məqam budur ki, son illər qadın cinayətlərinin sayı artıb. Cari ilin yanvar-iyun ayları ərzində qadınlara qarşı törədilmiş cinayətlərin sayı 9,0 faiz artıb. 2021-ci ildə 46, 2022-ci ildə isə qəsdən adam öldürmə hadisələri nəticəsində 79 qadın zərər çəkib. Rəqəmlərin artmasının bir çox səbəbləri var.

TEREF.AZ bildirir ki, hüquqşünas Əsabəli Mustafayev Cebhe.info-ya açıqlamasında bu sahədə olan boşluqlardan danışıb:

"Məişət zorakılığına məruz qalan şəxslərin müdafiə mexanizmi çox zəifdir. Mühafizə orderi gec verilir, bəzən məhkəməyə müraciət ediləndə, dövlət rüsumu istənilir. Bu da qanundakı boşluğu göstərir. Qısamüddətli orderi icra hakimiyyətləri verməlidir, lakin QHT nümayəndələri, vəkillər orderlərin alınmasında çətinlik çəkir. İcra hakimiyyətinin rəhbərləri bu orderlərin verilməsindən yayınır.

Hesab edirlər ki, bu rayonun statistikasını korlayır, məşiət zorakılığını açıb-ağartmaq istəmirlər. Polislər də bu yanaşmanı bilirlər. Ona görə də məişət zorakılığı barədə onlara şikayət ediləndə dərhal ciddi tədbirlər görmürlər".

Onun sözlərinə görə, polislər üçün də məişət zorakılığına məruz qalan vətəndaşlarla işləmək üçün prosesual təlimat qaydası yoxdur:

"Ümumiyyətlə, polislərin hansı prosesual qaydada işləməsinə dair təlimat yoxdur. Biz deyirik ki, xüsusi təlimat olmalı və polislər o təlimat əsasında fəsliyyət göstərməlidir. Amma göstərilən fəaliyyətdə çox ciddi yanlışlıqlar var. Məişət zorakılığının qurbanı olan insanlarla, onu törədənlərlə necə rəftar etmək lazımdır- bununla bağlı vahid sənəd yoxdur. Polislər də çox zaman hesab edir ki, bu, məişət məsələsidir, barışdırmağa çalışırlar. Hətta deyərdim ki, bir çox polis müəssisələri bilmir ki, məişət zorakılığının qurbanları üçün sığınacaq var, qurbanların həyatı da təhlükədədirsə, onları dərhal sığınacağa yerləşdirmək lazımdır".

O, sığınacaqların sayının artırlması məsələsinə də toxunub:

"Ölkədə də sığınacaqların sayı həddən artıq azdır. Məişət zorakılığı da artır, ağır faciələlərlə sonlanır. Böyük şəhərlərdə, region mərkəzlərində sığınacaqların sayını artırmaq lazımdır ki, şəxslər öldürülmədən sığınacağı yatırılsın. Birincisi, məişət zorakılığı ilə mübarizə üzrə polislərin fəaliyyəti üçün təlimat hazırlanmalıdır, mühafizə orderlərinin verilməsi prosesi sadələşdirilməlidir, əlçatan olmalıdır, sığınacaqların sayı artırılmalıdır. Hökumət məişət zorakılığı ilə mübarizə sahəsində çalışan ictimai təşkilatların genişlənməsinə dəstək verməlidir. Təəssüf ki, bunu çox görmürük".

Ə.Mustafayevin fikrincə, psixoloqlar da bu məsələdə yardıma açıq olmalıdır:

"Sığınacaqlarda psixoloqlar var. Ora yerləşdirsələr, qurbanların reabilitasiyası aparıla bilər. Ya da heç olmasa, yardım mərkəzləri yaratmaq lazımdır. Buna çoxdan ehtiyac var. Xaricdə belə bir təcrübə var ki, bir dəfə zorakılıq törədən şəxs qeydiyyata alınır, onunla da polislər, psixoloqlar davamlı işləyir. Qurbanlar öz yerində, amma zorakılığa məruz qalan şəxslərlə də psixoloqlar, polislər müntəzəm olaraq işləməlidir. Bunun üçün də dövlət tərəfindən addım atılmalıdır ".

Britaniyalı tibb bacısı Lyusi Letbi yeddi yeni doğulmuş körpəni öldürməkdə və daha altı körpəni öldürməyə cəhddə günahkar bilinib.

Belə bir hökmü işə 2022-ci il oktyabrın 10-dan baxılan Mançester Məhkəməsinin münsiflər heyəti elan edib.

Letbinin 2015-ci ilin iyun ayından 2016-cı ilin iyun ayına qədər Çester Xəstəxanasında işlədiyi müddətdə etdiyi hərəkətlər məhkəmənin diqqət mərkəzində olub. Ümumilikdə, hazırda 33 yaşlı qadına qarşı 22 ittiham irəli sürülüb və münsiflər heyətinə nəticə çıxarmaq üçün 110 saatdan çox müşavirə lazım olub. Qəzetinin məlumatına görə, ittihamların hər biri üzrə nəticələr ötən günlərdə verilib, lakin bütün məlumatlar yalnız cümə günü açıqlanıb, çünki bundan əvvəl onun qismən dərcinə qarşı qadağa var idi.

Nəşr Letbini müasir Britaniya tarixində uşaqların ən pis seriyalı qatili adlandırır. Onunla bağlı yekun qərar avqustun 21-də açıqlanacaq. Günahkar olduğu cinayətlərin məcmusuna əsasən, keçmiş tibb bacısı qalan günlərini dəmir barmaqlıqlar arxasında keçirməlidir.

Eyni zamanda, polis qızın digər qətllərdə də əli ola biləcəyinə inanır və Letbinin 2012-ci ildən 2016-cı ilə qədər işlədiyi iki xəstəxananın - Çester və Liverpulun neonatal şöbələrində 4 minə yaxın uşağın qalması ilə bağlı məlumatları yoxlayır.
The Daily Telegraph

ABŞ-də erməni təxribatının qarşısını alan həmvətənimiz Aludə Zeynalova məhkəmə qarşısına çıxarılacaq.

"Report"un ABŞ bürosu xəbər verir ki, ABŞ-ın Nyu-York şəhərində həmvətənlərimizə qarşı erməni təxribatı davam edir.

İki gün əvvəl BMT-nin mənzil-qərargahı önündə dinc aksiya keçirən azərbaycanlılara qarşı təxribat törədən erməniləridən biri Meri Cobanyan aksiyada iştirak edən həmyerlimiz Aludə Zeynalovadan şikayətçi olub. M.Cobanyan A.Zeynalovanı onu üçüncü dərəcəli xəsarət yetirməkdə təqsirləndirib. A.Zeynalova Nyu-York polisi tərəfindən saxlanılıb.

Bu gün A.Zeynalova Nyu-York Əyalətinin Cinayət Məhkəməsində (“New-York County Criminal Court”) hakim qarşısına çıxarılacaq. ABŞ dövlətinin A.Zeynalova hüquqlarının müdafiəsi üçün təyin etdiyi vəkil, Cənubi Azərbaycan əsilli Doran Khoıee Abbası həmyerlimizin bu gün məhkəmə zalından azadlığa buraxılacağını, ancaq şikayət üzrə prosesin davam etdiriləcəyini deyib.

Azərbaycan ABŞ-dəkı səfirliyindən “Report”a bildirilib ki, diplomatik nümayəndəlik baş verənləri yaxından izləyir, A.Zeynalovanın hüquqlarının müdafiəsi üçün bütün lazımı addımlar atılıb və bundan sonra da atılacaq. Qeyd olunub ki, səfirlik əməkdaşları Nyu-Yorkdadır və A.Zeynalova ilə bağlı baş verənləri yaxından izləyirlər.

Xatırladaq ki, iki gün əvvəl Nyu-Yorkda yaşayan azərbaycanlılar Ermənistanın Azərbaycanın Laçın yolunu bağlanmaqla humanitar böhran yaratdığına dair iddialarına etiraz məqsədilə BMT-nin mənzil-qərargahı önündə dinc aksiya keçiriblər. Bir qrup erməni dinc aksiyanı pozaraq həmvətənlərimizə qarşı təxribat törədib. Ermənilərin Azərbaycan bayraqlarını çırmaq istəmələri həmvətənlərimizin ciddi etirazı ilə qarşılanıb. Bu zaman qarşıdurma baş verib. Həmvətənlərimiz Aludə Zeynalova və Amerika-Azərbaycan Qadınlar Cəmiyyətinin rəhbəri Münəvvər Vahabova hadisə ilə bağlı dindirilmək üçün polis bölməsinə aparılıb. M.Vahabova polis bölməsində dindirildikdən sonra sərbəst buraxılıb. Həmvətənlərimizə qarşı təxribat törədən və hadisə yerində həbs olunan Sulyanı Cobanyan polis tərəfindən dindirildikdən sonra azadlığa buraxılıb.

Ərini sifarişlə öldürtdürməkdə ittiham olunan Əzizə Seyidova, qətlin icraçıları kimi təqsirləndirilən Mehdi Məmmədov, Bəxtiyar Fərzəliyev və Elnur Əliyevin məhkəmə baxışı başlayıb.

APA-nın xəbərinə görə, Bakı Ağır Cinayətlər Məhkəməsində hakim Siyavuş Hacıyevin sədrliyi ilə keçirilən prosesdə təqsirləndirilən Əzizə Seyidovanın vəkili vəsatətlə çıxış edib. O, vəsatətində cinayət işinin yenidən ibtidai istintaqa qaytarılmasını istəyib.

Məhkəmə vəsatəti təmin etməyib. Daha sonra prokuror ittiham aktını elan edib.

İttihama görə, Əzizə Seyidova həyat yoldaşı Əli Seyidlini ona xəyanət etməsinə görə öldürmək istəyib. O bu məqsədlə "siçan dərmanı" alaraq Əli Seyidlinin yeməyinə qatmaq istəyib. Sonradan bu fikrindən daşınaraq onu qətlə yetirmək qərarına gəlib. Bu məqsədlə Əzizə Seyidli tanışı Mehdi Məmmədliyə ərinin ölümünü sifariş verib. 2022-ci ildən etibarən Əzizə Seyidli Mehdi Məmmədli ilə "Instagram" vasitəsilə mütəmadi danışıb, ona ərinin evə gəlib-getmə vaxtlarını deyib. 15 mart 2023-cü ildə o, Mehdi Məmmədli ilə danışıb və ərinin həmin gün öldüməyi tapşırıb. M. Məmmədli də sifarişə uyğun olaraq, dostları ilə birlikdə gecə saat 00:00 radələrində Əli Seyidlinin yaşadığı ünvana gələrək gozləyib. Əli Seyidli evinə daxil olarkən M. Məmmədli və dostları onun qarşısını kəsərək çoxsaylı bıçaq xəsarətləri ilə qətlə yetirib.

İttihama münasibət bildirən Əzizə Seyidova özünü təqsirli bilməyib.
Digər təqsirləndirilən Mehdi Məmmədli, Elvin Əliyev və Bəxtiyar Fərzəliyev özlərini qismən təqsirli bilib.

Qeyd edək ki, qətl hadisəsi bu ilin martın 15-də paytaxtın Sabunçu rayonu, Maştağa qəsəbəsində baş verib. 1993-cü il təvəllüdlü Əli Seyidli yaşadığı evin qarşısında öldürülüb. Toplanmış sübutlar əsasında cinayətin Əli Seyidlinin arvadı Əzizə Seyidovanın sifarişi əsasında Mehdi Məmmədov, Bəxtiyar Fərzəliyev və Elvin Əliyevin törətdikləri məlum olub.

Əzizə Seyidovaya Cinayət Məcəlləsinin 32.3, 32.4, 120.2.1, 120.2.4, 120.2.5-ci (qabaqcadan əlbir olan bir qrup şəxs halında, xüsusi amansızlıqla, tamah məqsədilə və sifarişlə qəsdən adam öldürməyə təhrik etmə və cinayəti təşkil etmə), Mehdi Məmmədov, Bəxtiyar Fərzəliyev və Elvin Əliyevə isə həmin Məcəllənin 120.2.1, 120.2.4, 120.2.5-ci (qabaqcadan əlbir olan bir qrup şəxs halında, xüsusi amansızlıqla, tamah məqsədilə və sifarişlə qəsdən adam öldürmə) maddələri ilə yekun ittiham elan edilib.

Feministlərin gender məsələlərindən sülh quruculuğuna belə sürətli sıçrayışının gerçək səbəbi yeni, perespektivli, gəlirli qrant layihəsidir

“Feminist Sülh Kollektivi” platforması adından “Total müharibə, blokada və hökmranlığa qarşı Qarabağla/Artsaxla həmrəy olmalıyıq” başlığı ilə yayılan bəyanat Azərbaycan ictimaiyyətində haqlı olaraq ciddi emosional etiraz doğurdu. Azərbaycan cəmiyyətini bir sıra azərbaycanlı feminist fəalların separatçı təşəbbüsləri müdafiə etmək, ölkəmizin haqlı mövqeyini uydurma arqumentlərə şübhə altına salmaq, son 30 il ərzində ermənilərin xalqımıza qarşı törətdiyi insanlıq əlyehinə cinayətləri gözəl ibarələrlə gizlətmək səyləri hiddətləndirdi. Qarabağ münaqişəsinin tarixçəsinə az da olsa bələd olan istənilən şəxsdə feministlərin sərgilədiyi bu cür nihilist yanaşma məhz belə reaksiya doğurmaya bilməz.

Bu analizdə emosional çalarlar və yanaşmadan fərqli olaraq “Feminist Sülh Kollektivi”nin yanaşması, bəyanatlarının nə dərəcədə obyektiv olması, sülhquruculuğu, yaxud digər məqsədlərə xidmət etməsi təhlil edilib.

“Feminist Sülh Kollektivi” platforması hansı məsələləri qeyd etmək istəmir?

Bir qrup azərbaycanlı feminist fəallın Qarabağda yaşayan ermənilərin Azərbaycan Respublikasının yursdiksiyası altında yaşamaları perespektivi, onların Ermənistanla əlaqələri, Azərbaycan cəmiyyətinə inteqrasiyası və s. məsələlərlə əlaqədar keçmişdə baş verənləri obyektiv dəyərləndirmədən həll yolu təklif etməsi mümkün deyil. Bu azərbaycanlı feministlər elə mövqedən çıxış edirlər ki, sanki, Azərbaycan torpaqları 27 il ərzində Ermənistan tərəfinin işğalı altında qalmayıb. Dağlıq Qarabağ bölgəsi işğal edilməyib və bu ərazidə heç bir ölkə tərəfindən tanınmayan separatçı rejim yaradılmayıb. Hətta, 2015-ci il iyunun 16-da Avropa İnsan Haqları Məhkəməsinin Böyük Palatası azərbaycanlı məcburi köçkünlərin şikayəti üzrə (“Çıraqov və başqaları Ermənistana qarşı”) açıqladığı qərarında Dağlıq Qarabağ bölgəsinin işğalında Ermənistanın rolunu, iştirakını qeyd edib.

Bu günümüzə qədər sülh quruculuğuna konseptual yanaşmalarda əhəmiyyətli dəyişikliklər baş versə də, əsas prinsiplər və mahiyyəti təşkil edən formullar dəyişməyib: “Münaqişə tərəfləri arasında barışığı təşviq etməklə və onun əsas səbəblərini aradan qaldırmaqla davamlı sülhün (pozitiv sülh) əldə olunması”.

Davamlı olaraq “sülh təşəbbüsləri” ilə çıxış edən “Feminist Sülh Kollektivi” platformasında bir araya gələn azərbaycanlı feministlər, sülh çağırışlarına imza atan ictimai fəallar isə artıq keçmişdə qalan Qarabağ münaqişəsinin məhz Ermənistanın və Qarabağda məskunlaşan ermənilərin Azərbaycan Respublikasına ərazi iddilarından qaynaqlandığı, bunun hətta Ermənistan Konstitusiyasında əks olunduğunu qeyd etməyi unudurlar.

BMT və bütün dünyanın Azərbaycanın ərazi bütövlüyünü qeyd şərtsiz tanıdığı halda Ermənistanın və Qarabağ regionunda məskunlaşan ermənilərin bu məsələdə xüsusi şərtlərlə çıxış etdiyini, bunun isə beynəlxalq hüquqa, mövcud praktikaya tamamilə zidd olduğunu bəyan etməyi yaddan çıxarırlar.

Dinc birgəyaşayışın əsası kimi ilk növbədə Azərbaycanın suverenliyi və ərazi bütövlüyünün Qarabağ erməniləri tərəfindən tanınmasının əsas müəyyənedici, təməl şərt olduğunu vurğulamırlar. Azərbaycanın Qarabağ bölgəsində məskunlaşmış ermənilər, ümumiyyətlə Azərbaycanın tərkibində digər etnik azlıqlar kimi yaşamaq perespektivini müzakirə etməkdən imtina edirlər və bu vacib, əhəmiyyətli, konseptual məsələ azərbaycanlı feministlər tərəfindən müzakirəyə çıxarılmır.

Sülüh çağırışları edən azərbaycanlı feministlər bütün keçmişdə törətdikləri cinayətlərə rəğmən Azərbaycanın Qarabağda məskunlaşmış ermənilərə qeyd-şərtsiz vətəndaşlıq təklif etdiyini və bunun müharibədə qalib gəlmiş ölkə tərəfindən isrəli sürlüməsini sülh üçün böyük güzəşt və imkan olduğunu demirlər.

“Feminist Sülh Kollektivi” platformasında bir araya gələn azərbaycanlı feministlər Qarabağ ermənilərinin irəli sürdüyü şərtlərin BMT-nin 193 üzv ölkəsinin heç birində olmadığını qeyd etmirlər. BMT üzvü heç bir ölkədə onun beynəlxalq birlik tərəfindən tanınmış ərazilərində məskunlaşmış etnik azlıqların elektrik enerjisi, təbii qaz təminatı və s. xarici ölkə tərəfindən təmin olunmur. Bu etnik azlıqlar başqa ölkənin, dünyada heç kimin tanımadığı separatçı rejimin verdiyi pasportları daşımır, xarici ölkənin pul vahidi tədavüldə deyil, xarici ölkənin büdcəsi hesabına maliyyələşmir və s. Bir nümunə belə yoxdur.

“Feminist Sülh Kollektivi” sülh quruculuğunun əsas, başlıca prinsipini tərksilah və qanunsuz silahlı birləşmələrin buraxılması, tərksilah edilməsi məsələsini gündəliyə gətirmir. Azərbaycanın beynəlxalq birlik tərəfindən tanınmış ərazisində on minə yaxın silahlının olduğunu qeyri-qanuni silahlı birləşmənin qalmasının yolverilməz olduğunu, bunun sülh üçün ən böyük əngəl olduğunu diqqət mərkəzinə gətirmirlər.
Ətraflı

“Feminist Sülh Kollektivi” Ermənistandan, Qarabağdan və işğal olunmuş Azərbaycan ərazilərindən qaçqın və məcburi köçkün düşən bir milyondan çox azərbacanlının yarıdan çoxunun qadın olduğunu və onların təməl hüquqlarının pozulduğunu və bunun da əsas səbəbinin erməni təcavüzü olduğunu bəyan etməkdən çəkinirlər.

“Feminist Sülh Kollektivi” ermənilərin mina terror və onun sadə insanlar, o cümlədən qadınlar üçün böyük təhlükəsini, ekoloji cinayətlərini qeyd etmir.

“Sülpərvər” azərbaycanlı feministlər hətta Aİ Şurası prezidentinin, ABŞ Dövlət Departamentinin bəyanatlarında “Artsax”, “artsax xalqı” ifadəsinin işlədilmədiyini, Azərbaycanın Qarabağ bölgəsində yaşayan ermənilərin təminatı üçün Ağdam-Xankəndi yolunu təqdim etdiyini görməzdən gəlirlər.

“Feminist Sülh Kollektivi” platforması niyə yaradılıb?

Platforma 2020-ci ildə 44 Günlük Vətən Müharibəsi dövründə Lalə Darçınova, Səadət Abdullazadə və Sevinc Səmədzadə tərəfindən yaradılıb. Daha çox xarici qrantlar, donorların dəstəyi, beynəlxalq təşkilatlar üçün aktual olan, maraq göstərdikləri, gender problematikası, feminizm, LGBT+ məsələləri ilə bağlı layihələrdə işləyiblər, karyera qurublar. Donorları cəlb edəcək, Azərbaycan reallığı üçün cəsarətli sayılacaq müxtəlif ideyalar düşünüblər, layihələr ediblər və buna görə qrant alıblar, adını da qoyublar feminist aktivliyin təşviqi, dünyagörüşünün formalaşdırılması və s.

Sevinc Səmədzadə son illərdə Y-Peer Azərbaycan: Pozitiv Dəyişiklik üçün Gənclərin Gücləndirilməsi şəbəkəsinin Azərbaycan üzrə koordinatoru olub. Şəbəkə 2015-2021-ci ilərdə aktiv fəaliyyət göstərib. Avropa Demokratiyaya Yardım Fondu (EED) tərəfindən maliyyələşdiririlib. Y-Peer Azərbaycan ABŞ səfirliyinin dəstəyi ilə sonuncu dəfə 2019-cu ildə “FilmAkt Qısa film festivalı” layihəsini həyata keçirib. S.Səmədzadə 2021-ci ildə Səadət Abdullazadə ilə birlikdə “Menstruasiya kitabı” hazırlayıb. 2021-ci ildə “99% üçün feminizm manifest” kitabının Azərbaycan dilinə tərcümə edən iki nəfərdən biri olub. Səadət Abdullazadə Y-PEER Azərbaycanda könüllü kimi çalışıb. S.Səmədzadə ilə birlikdə layihələrdə çalışıb. Lalə Darçınova Mərkəzi Avropa Universitetinin Hüquqşünaslıq fakültəsinin məzunudur. Qeyd edək ki, Univesitet 1991-ci ildə Corc Sorosun maliyyə dəstəyi ilə yaradılıb. O, hazırda Imagine Dialoq və Münaqişələrin Transformasiyası Mərkəzi ilə işləyir. Açıq Cəmiyyət Fondunun 2020-ci il üzrə Vətəndaş Cəmiyyəti Liderliyi Mükafatını alıb. 2017-2018-ci illərdə layihələrdə gender hüquqları üzrə təlimçi kimi iştirak edib. Feminist, LGBT+ icmasının hüquqlarını müdafiə edən vəkil kimi çıxış edir.

İndiyə qədərki təcrübələrinin təhlili deməyə əsas verir ki, hər üç xanım “sülhyaratma, sülh təşəbbüsləri, qadınların sülh yaradıcılığında iştirakı, icmaların sülh yaradıcılığında iştirakı” kimi beynəlxalq donorlar üçün aktual olan məsələlərdə təşəbbüskar olmaqla yeni qrant vəsaitləri cəlb etməyə çalışırlar. Hər üç şəxs 2019-cu ilə qədər Azaərbaycanda həyata keçirilən iri qrant layihələrindən bəhrələniblər, bu layihələrlə karyera qurublar. Bu layihələr bitib və hazırda Azərbaycanda onların rol ala biləcəyi, maliyyə əldə edəcəkləri böyük layihələr yoxdur və məhz bu səbəbdən yeni, beynəlxalq donorlar üçün aktual mövzularda təşəbbüslərə başlayıblar.

Son üç ilə qədər əsasən gender, feminizm movzularına fokuslanmışdılar. İndi isə gender, feminizm movzularını daha aktual və gəlirli sülh yaradıcılığı kontetesktində gündəliyə gətirməyə çalışırlar. Bu cür təşəbbüslər həm maliyyə təmin edir, həmçinin ölkədən kənara çıxmaq imkanı yaradır. Reallıqda sepratçı mövqedən çıxış edən erməniləri müdafiənin gerçək səbəbi budur.

“Sülhpərvər” feministlər niyə həqiqəti deyə bilmirlər?

Sevinc Səmədzadənin məqalə və analizlərində bir dəfə olsun Ermənistanın təcavüzü faktı çılpaqlığı ilə qeyd olunmur. Bir dəfə də olsun azərbaycanlıların üzləşdiyi dəhşətli cinayətlərdən söz açılmır. Həmçinin, feminist diskurs, gündəlik, reallıq yaratdıqlarını deyən Səadət Abdullazadə, Lalə Darçınova münaqişənin yüzminlərlə azərbaycanlı qadın qurbanının hüquqlarını pozulmasının gerçək və başlıca səbəbinin erməni təcüvüzü olduğunu müzakirə etmirlər, bəyan etmirlər.

Bütün bu qeyd olunanların başlıca bir səbəbi var, donorlar bu yanaşmanı qəbul etmirlər, donorlar bu cür obyektiv mövqedən çıxış edənlərə qrant vermirlər. Qrant və maliyyə almaq üçün beynəlxalq təşkilatlar və donorların gündəliyi irəi sürülməlidir. “Feminist Sülh Kollektivi” platformasının yaradılması da məhz yeni, perespektivli, gəlirli qrant layihəsidir. Ona görə mensturasiya məsələlərindən sülh quruculuğuna belə sürətli sıçrayış baş verib. “Artsaxa dəstək”, - deməklə də donorların etibar və etimadını tam şəkildə təmin edilir və artıq orta perespektivdə maliyyə dayanıqlığını tamamilə təmin edilir. Artıq sən onlardan biri olursan, özününküləşirsən, vətən isə özgələşir...

“Veritas” Siyasi Analiz və Tədqiqatlar Mərkəzi

Xalq artisti Aygün Kazımovanın müğənni qızı İlqarə Kazımova yeni fotoları ilə gündəmə gəlib.

Xeyli çəki atan İlqarə saçlarını sarıya boyayıb.

Yeni imicdə obyektiv qarşısına keçən İ.Kazımova çəkdirdiyi şəkillərini sosial şəbəkə hesabında izləyiciləri ilə bölüşüb.
İlqarənin yeni görünüşü isə sosial şəbəkə əhli tərəfindən bəyənmə ilə qarşılanıb.