Son günlər Kənd Təsərrüfatı Nazirliyində bir neçə kadr dəyişikliyi ondan xəbər verir ki, Məcnun Məmmədov islahatlara başlamağa qərar verib.
AzFakt.com-un əldə etdiyi məlumata görə, KTN-də işdən çıxarılacaq şəxslərdən biri də nazirliyin nəzdində fəaliyyət göstərən Bitki Mühafizə və Texniki Bitkilər Elmi Tədqiqat İnstitutunun direktoru İbrahim Cəfərovdur.
Kənd təsərrüfatı elmləri doktoru, professor və AMEA-nın müxbir üzvü olan 68 yaşlı İbrahim Cəfərovun adı işdən çıxarılacaq şəxslərin arasında hallanır.
Məlumata görə, 70 yaşına qədər direktor vəzifəsində qalacağına əmin olan İbrahim Cəfərov işdən çıxarılacağını xəbərini eşidəndən sonra hərəkətə keçib. Onun hökumətdəki yüksək vəzifəli şəxslərdən direktorluqda qalması üçün xahiş etdiyi deyilir.
Qeyd edək ki, İbrahim Cəfərovun adı ölkə mətbuatına yad isim deyil. Belə ki, onun Azərbaycan Dövlət Aqrar Universitetinin rektoru işlədiyi dövrdə rəhbərlik etdiyi qurum haqqında xeyli mənfi məlumatlar, şikayətlər dərc olunub.
Son aylar isə İbrahim Cəfərovun həm Dövlət Aqrar Universitetinə rəhbərlik etdiyi dönəmdə aparılan təmir-tikinti zamanı ciddi maliyyə israfçılığı və mənimsəməsi , həmdə Bitki Mühafizə və Texniki Bitkilər Elmi Tədqiqat İnstitutunda tender məsələləri ilə bağlı ilginc məlumatlar mətbuatda yayılmışdı.
Məsələ ilə bağlı Bitki Mühafizə və Texniki Bitkilər Elmi Tədqiqat İnstitutu mövqe bildirmədi.