Məşədibaba özünü niyə yandırdı? –
Məşədibaba Aydəmirov 1971-ci ildə fevral ayının 13-də Bakının Maştağa qəsəbəsində anadan olub. Uşaq yaşlarından şeirə maraq göstərən Məşədibabanın istedadı şeiriyyatda özünü göstərməyə başlayır. Valideynləri Məşədibabanın bu istedadını görüb onu məktəbdən çıxarırlar. Balaca Məşədibaba bütün vaxtını bədii kitablar oxumağa, şeir yazmağa ayırır. Səsi ilə hər kəsi heyran edən Məşədibaba gənc yaşlarından məşhurlaşır. Yazdığı qəzəlləri meyxanaya çevirir.
Qısa zamanda qəsəbə camaatı arasında hörmət qazanan meyxanaçı kasıb ailədə böyüdüyü üçün kənddə bir çox imkansızların toyuna təmənnasız gedirmiş. Ustadı olmayan meyxanaçı özü haqqında belə deyirmiş: "Bu meyxanə belə şeydi ki, bunun ustadı yoxdur, yəni ki, insanın özündən asılıdır, əgər sənin bacarığın varsa, deyəcəksən, bacarığın yoxdursa, lap 50 il sənə bir ustad dərs versin, xeyri yoxdur. Bu tamam Allahın vergisidir, varsa səndə var, yoxdursa insanlar sənə kömək eləyə bilməz."

Məşədi Baba yaman dəcəlmiş, dalaşqanmış məktəbdə. Tez-tez müəlliməyə söz qaytararmış. Müəllimə də dinc durmur əvəzində. Qədim mollaxanalardakı kimi, uşağın ayaq pəncələrini keçirir bir növ fallaqqaya. Xətkeşlə Məşədi Babanın ayaq pəncələrinə vurur. Bu hadisədən sonra onun sümükləri zədələnir, bir neçə dəfə əməliyyat olunur.

Maştağadakı toy adətlərindən biri də toyun axırına yaxın qüdrətli meyxana ustasının böyrünə bir stul da əlavə edərlər ki, görsünlər çoxmu boş qalacaq o? Gözü qızmış bir cayıl, nəhayət, gəlib oturacaqmı bu boş stulda? Meyxana deməyə cürət edəcəkmi ağır-sanbal el ustaları hüzurunda? Bir gün Ağasəlim Çıldağın böyrünə belə bir boş stul qoyurlar. Deyirlər ki, bəs yenə əvvəlki kimi boş qalacaq o. Ancaq bu dəfə həmin stul boş qalmır. Əvvəl Məşədi Baba, sonra Elçin gəlib oturur Ağasəlimin böyründə adətən boş qalan həmin stulda. Qafiyəni götürüb başlayırlar səhərəcən meyxana deməyə.

***

Məşədibaba əmisi qızına istəkli olub. Onunla nişanlanır. Toylarına çox az qalmış yaxın dostu və rəqibi meyxanaçı Elçin Atakişiyevilə aralarında mübahisə yaranır. Mübahisə zamanı Məşədibaba dostunu bıçaqlayır. Lakin, bu bıçaq zərbəsi ölümcül olmur. Deyilənə görə Elçini xəstəxanaya çatdırmalı olan adamlar bilərəkdən ləng davranıblar. Nəticədə Elçin dünyasını dəyişib, Məşədibaba isə həbs olunub. Məhkəmə zamanı Elçinin atası öz ifadəsi ilə çoxlarını təəccübləndirərək deyir: "Bir oğlum məzara getdi, o birini də qazamata göndərməyin".

Deyilənə görə Elçinlə Məşədibaba arasında yaranan ixtişaşda dövrün məşhur meyxanaçıları müəyyən mənada maraqlı olurlar. Məqsəd isə hər iki meyxanaçını aradan götürmək, onların şöhrətinin qarşısını almaq imiş.

***

Məşədibaba altı il azadlıqdan məhrum olunur. 2000-ci ildə həbsdən azad edilir. Şahidlərin sözlərinə görə həbsxanadan çıxan kimi Məşədibababnın ilk getdiyi yer Elçinin məzarı olub.

Əsərlərinin çoxunu həbsdə olarkən yazır. Həbsdən çıxandan sonra əmisi qızı ilə ailə həyatı qurur. Bir il sonra onların Mircəlal adlı övladları dünyaya gəlir. Məşədibabanın içkiyə aludə olması ailəsində soyuqluq yaradır. İçkiyə qurşanan Məşədibaba ailəsini unudur və 9 il sonra ailə dağılır. Həyat yoldaşı uşağını da götürüb evdən gedir.

***

Rəqibləri belə etiraf edirmişlər ki, Məşədibaba toyda ayağa qalxanda bütün toyxana onu alqışlayıb, başına pul səpirmişlər.

Deyilənə görə çox böyük ürək sahibi olub. Ona nisyə şərab verməyən mağaza sahibini yadında saxlayır. Bir gün toydan qayıdanda mağazaya girərək nisyə dəftərindəki hər kəsin borcunu ödəyib, dəftəri cırdırır.

***

Sevdiyi qadını evinə qaytara bilməyən 39 yaşlı Məşədibaba qayınatasının evinin qarşısında üstünə benzin tökərək özünü yandırır. 95 faiz yanıqla xəstəxanaya çatdırılan Məşədibaba orda can verir.

Gənc həmrkarı Pünhan Əzimli deyir ki, biz xəstəxanaya çatanda o, hələ sağ idi. Amma artıq gözlərini aça bilmirdi. Həkimlər dedi ki, son söz olaraq iki bənd şeir deyib./azerinfo.tv/

Bölmənin digər xəbərləri

25 Yanvar 2021 "Qədrimi öləndən sonra biləcəklər"
23 Yanvar 2021 “Biz də çox pul qazana bilmirik, amma kiminsə qapısını döyüb, nəsə istəmirik” – Ayan
22 Yanvar 2021 Tanınmış aktrisadan ŞOK ETİRAF: "Ərim pornoulduz olsa, fəxr edərəm” - VİDEO
22 Yanvar 2021  “Uzun müddətdir ki, kənara çəkilib, dilimi qarnıma qoymuşam...”
19 Yanvar 2021 “Böyük danışmamaq lazımdır” - Barışdılar
19 Yanvar 2021 “O boyda halınla belə qısa geyinmək lazım deyil”-Mina sərt tənqid edildi
17 Yanvar 2021 Kirkorov və Şufutinskinin Litvaya girişi qadağan olunub
16 Yanvar 2021 “Sizə nə axı kim öz yatağında öz bədəni ilə nə edir? ” - Nura Suri
15 Yanvar 2021 “Tacir ustad sənətkardı, fəxri ad onun haqqıdır, amma o cür müraciəti qəbul etmirəm...”
15 Yanvar 2021 Şubasını satan, evini hərraca çıxaran, qazan reklamı edən... – Toy müğənnilərinin karantin faciəsi
14 Yanvar 2021 Xalq artisti: “Həyat yoldaşım mənə aldığı avtomobili başqa qadına bağışladı” - VİDEO
13 Yanvar 2021 “Nizamidən də oxuyaram, Füzulidən də. Kimə nə?“
12 Yanvar 2021 Sevgilisindən müğənniyə maraqlı sürpriz - Foto
12 Yanvar 2021 "Mən şikayət etməyi sevmirəm, amma sözsüz ki, nəsil böyükdür"
11 Yanvar 2021 Könül Kərimova izləyiciləri təhqir etdi
08 Yanvar 2021 Məşhur modelin ölüm səbəbi açıqlandı
07 Yanvar 2021 Şəbnəm Tovuzludan izləyicilərinə təhqir - "Üç şərəfisz..." VİDEO
07 Yanvar 2021 Dadaşlinskinin Əzizindən möhtəşəm ifa: “Qalx-qalx, benzinim qalx!” - VİDEO
07 Yanvar 2021 “Öz səviyyənizə endirmək istəyirsiniz, çünki onların səviyyəsinə qalxa bilmirsiniz?!”
06 Yanvar 2021 Nura Suri: “Az qalmışdınız, Aynişanı top-tüfənglə vurasınız, o, şəhid qızıdır”

Dünyapress TV

Xəbər lenti