Elini ürküt, axsağından yapış və ya əcnəbilərdən boşanmanın ən pis üzü
"Əcnəbi ilə ailə həyatı qurub, bir müddət sonra boşanan şəxslər arasında da biz bu cür problemləri müşahidə edirik, uşağı anadan alaraq öz ölkələrinə aparmaq istəyirlər" - Rahil Süleymanzadə

Əcnəbilərlə azərbaycanlıların qurduqları ailələr son zamanlar daha davamsız olub. Ötən il əcnəbilər və vətəndaşlığı olmayan şəxslərlə bağlanmış 187 nikahın pozulması halı qeydə alınıb. 2018-ci ildə belə boşanmaların sayı 149, 2017-ci ildə 195 olub.

2019-cu ildə Azərbaycan vətəndaşları ilə əcnəbilər və vətəndaşlığı olmayan şəxslər arasında 2270 nikah bağlanıb. 2018-ci ildə belə nikahların sayı 2256, 2017-ci ildə 2429 olub. Bu barədə Ədliyyə Nazirliyindən Sputnik Azərbaycan-a məlumat verilib. Bildirilib ki, ötən il əcnəbi və vətəndaşlığı olmayan şəxslərlə nikah bağlayanların 1160-ı qadın, 1110-u kişi olub.

Ötən il Azərbaycan vətəndaşı olan qadınlar əsasən Rusiya, Gürcüstan, Ukrayna, Qazaxıstan, Özbəkistan vətəndaşları ilə, kişilər isə əsasən Rusiya, Türkiyə, Gürcüstan, İran, Ukrayna vətəndaşları ilə nikaha daxil olublar.

Ailə, Qadın və Uşaq Problemləri üzrə Dövlət Komitəsinin Hüquqi təminat şöbəsinin baş məsləhətçisi Rahil Süleymanzadə Sputnik Azərbaycan-a açıqlamasında əcnəbilərlə boşanmaların əsas səbəblərindən danışıb: "Boşanmaların əsas səbəblərindən biri insanların bir-birlərini başa düşməməsi, yəni xarakterlərinin üst-üstə düşməməsidir. Bundan başqa, tərəflərin bir-birini tanıması üçün kifayət qədər vaxtın olmaması da boşanmalara səbəb olan amillər sırasındadır".

"Boşanmalar zamanı ən çox zərər çəkən qadınlar olur. İlkin olaraq bu problem özünü aliment məsələsində büruzə verir. Nəticədə, atalar hətta uşaqların analarının əlindən alınması ilə bağlı da müraciət edirlər. Əcnəbi ilə ailə həyatı qurub, bir müddət sonra boşanan şəxslər arasında da biz bu cür problemləri müşahidə edirik, uşağı anadan alaraq öz ölkələrinə aparmaq istəyirlər", - deyə o əlavə edib.

R.Süleymanzadə bildirir ki, boşanmalarda əcnəbilərlə formal evlilik faktoru rol oynamır: "Biz bu cür hadisələrin şahidi olmamışıq".

Onun sözlərinə görə, yerli vətəndaşlar, eləcə də əcnəbilərlə boşanmalara səbəb olan amillər arasında fərq yoxdur:

"Əcnəbilər, vətəndaşlığı olmayan şəxslərlə nikahın bağlanması zamanı tərəflər məlumatlı olmalıdırlar. Vətəndaşlığı olmayan şəxs Azərbaycan qanunvericiliyi ilə nikaha daxil ola və boşanmaya görə müraciət edə bilər. Şəxslər nikah pozularkən nə edə bilərlər - bu haqda da məlumatlı olmalıdırlar. Əcnəbilər diplomatik idarələrdə, konsulluqlarda da nikah bağlaya bilərlər. Onlar Azərbaycan Respublikasının qanunvericiliyinə uyğun olaraq nikahın pozulması üçün də müraciət edə bilərlər".
"Nikah Azərbaycanda bağlanıbsa, ölkə qanunvericiliyinə uyğun olaraq əcnəbilər, vətəndaşlığı olmayan şəxslər də bərabər hüquqlardan yararlanaraq əmlak və qeyri-əmlak hüquqlarından istifadə edə bilərlər", - deyə o əlavə edib.

Bölmənin digər xəbərləri

05 Aprel 2020 Qubad İbadoğlunun adil koronavirus təklifləri
05 Aprel 2020 50 min ictimai iş yeri yaradılır - Azərbaycanda
03 Aprel 2020 Bu xidmət əhali üçün pulsuz olacaq
02 Aprel 2020 “Ola bilməz ki, işləyənlərə nəsə verək, rəsmi işləməyənlərə yox” – Vahid Əhmədov
02 Aprel 2020 Bakı Media Mərkəzinin hazırladığı videoçarx İtaliyada böyük maraqla qarşılandı
01 Aprel 2020 Mətbuat Şurası və DİN jurnalistlərlə bağlı monitorinq qrupu yaratdı
31 Mart 2020 Xüsusi karantin rejimində KİV-lərin fəaliyyətinə icazə verilib
30 Mart 2020 Vətəndaşların sosial müdafiəsi ilə bağlı - Nazirlikdən açıqlama
30 Mart 2020 DİM onlayn sınaq imtahanlarını ödənişsiz etdi - SİYAHI
30 Mart 2020 Vətəndaşlara pul yardımı ediləcək? - Nazirlikdən AÇIQLAMA
29 Mart 2020 Hökumətdən günəmuzd işləyənlərlə bağlı açıqlama
28 Mart 2020 Fonda daha hansı nazirlər nə qədər ianə etdi? – SİYAHI
28 Mart 2020 DOST könüllüləri tənha yaşlıların xidmətində - FOTO
26 Mart 2020 DSMF dövlətin əlillərə ayırdığı vəsaiti mənimsəyir... - İTTİHAM
25 Mart 2020 Zövqlərimizi, duyğularımızı, hisslərimizi idarə edən biri var: bir barmaq uzaqda
25 Mart 2020 Əhaliyə hansı güzəştlər ediləcək? - Kreditlərin silinməsi, ərzaq yardımı... - AÇIQLAMA
24 Mart 2020 İşləyən 65 yaş üstü şəxslərlə bağlı açıqlama
22 Mart 2020 DEPUTATLAR PREZİDENTİN TƏŞƏBBÜSÜNƏ QOŞULDULAR – Fonda vəsait köçürəcəklər
22 Mart 2020 AMEA “Facebook”da akademik Ramiz Mehdiyevin adına saxta hesab yaradılması ilə bağlı açıqlama yaydı
20 Mart 2020 Dövlət Miqrasiya Xidməti əcnəbilər üçün elektron xidmətlər təqdim edir

Dünyapress TV

Xəbər lenti