Ayrı-seçkilik, yaxud yerində edilən təklif: Onlar təhsil haqqından azad edilməlidirlərmi?
Təmiz Dünya Qadınlara Yardım İctimai Birliyinin sədri Mehiban Zeynalova isə qızların ödənişli təhsildən azad edilməsinə ümumilikdə müsbət təşəbbüs kimi baxır
Bir neçə gün öncə Milli Məclisin deputatı Musa Quliyev bütün tələbə qızların ödənişli təhsildən azad olunması təklifi ilə çıxış edib. Deputatın fikrincə, ödənişli əsasla qəbul olmuş bütün qızlar təhsil haqqından azad edilməli və bu məsələni dövlət öz üzərinə götürməlidir. O, bildirib ki, xüsusilə, istər özəl, istər dövlət təhsil müəssisələrində atası olmayan qız uşaqlarının xərcləri birinci növbədə dövlət tərəfindən ödənilməlidir.

Musa Quliyev səsləndirdiyi təklifin qanuniləşməsini də vacib sayıb. Deputat deyib ki, bu il təhsil xərcləri üçün büdcədən 2 milyard 285 milyon manat vəsait ayrılıb: "Odur ki, fikrimcə, gələn ilin büdcəsinə əlavə 100 milyon manat ayrılarsa, yaxud, 4,3 faizlik artım edilərsə, bütün qız tələbələrin təhsil haqlarının dövlət tərəfindən qarşılanması mümkün olar və problem öz həllini tapmış olar".

Millət vəkilinin bu təklifinə münasibət birmənalı deyil. Bəziləri deputatın bu təklifini dəstəkləyir, digər qisim isə bunun ayrı-seçkiliyə səbəb olacağı qənaətindədir.

Əməkdar müəllim Asif Cahangirov Sputnik Azərbaycan-a açıqlamasında bildirib ki, bu məsələyə vahid standartdan yanaşılması doğru olmaz. A.Cahangirov deyib ki, bu, ali təhsil müəssisələrinin maddi imkanlarına bağlı məsələdir:

"Fikrimcə, bunu bütün qız tələbələrə şamil etmək olmaz. Bu məsələyə, tələbənin təlim nəticəsinə və ailə vəziyyətinə görə baxmaq lazımdır. Əks halda, mən bütün qız tələbələrin ödənişli təhsildən azad edilməsində bir məna görmürəm. Düşünürəm ki, bu məsələyə fərdi yanaşılmalıdır. Əgər hansısa qızın təhsil nəticəsi yaxşıdırsa, üstəlik ailə vəziyyəti onun ödənişli əsaslarla oxumasına imkan vermirsə, ali məktəb rəhbərliyi o tələbəyə güzəşt edə bilər".

Təmiz Dünya Qadınlara Yardım İctimai Birliyinin sədri Mehiban Zeynalova isə qızların ödənişli təhsildən azad edilməsinə ümumilikdə müsbət təşəbbüs kimi baxır. Həmsöhbətimiz deyir ki, bəzən qızların ödənişli təhsil almasına qarşı çıxan valideynlər olur: "Ailə bunu maddi imkanının olmaması ilə əsaslandırır. Cəmiyyətdə təhsilli qadınların sayı nə qədər çox olarsa, bu cəmiyyətin xeyrinə olar. Ona görə də, qızlara ali təhsil üçün geniş imkanlar yaratmaq yaxşıdır. Amma mən də düşünürəm ki, bunu kütləvi halda tətbiq etmək lazım deyil. Ali təhsil müəssisələri mütləq aztəminatlı ailələrin övladlarına imkan daxilində güzəştlər etməlidir".

Bölmənin digər xəbərləri

15 Fevral 2020 Azərbaycanda KİV-lərin sayı AÇIQLANDI
14 Fevral 2020 Prezidentdən güzəştli mənzillərlə bağlı MÜHÜM FƏRMAN
14 Fevral 2020 İctimai nəqliyyatda tələbələrə və pensiyaçılara güzəşt gözlənilirmi?
12 Fevral 2020 Qış məktəbinin iştirakçıları "Azərterminalkompleks" Birliyinə və Kinoloji Mərkəzə səfər ediblər
11 Fevral 2020 Azərbaycanda gəncləri intihara sürükləyən mərc saytları: vergidən yayınan işbazlar
09 Fevral 2020 Azərbaycanda 8 saatlıq iş rejimi tələbinə niyə əməl olunmur? - “Sahil Babayev indiki vəziyyəti aradan qaldırmaq iqtidarında deyil”
09 Fevral 2020 “Artım yalnız əmək pensiyalarını əhatə edir” – EKSPERT
08 Fevral 2020 Rusiyanın məşhur bakılı xadimi pensiyasından danışdı
07 Fevral 2020 Xəyalə Əhmədova diplomla təltif olundu
04 Fevral 2020 Seçicilərlə musiqili görüş - Bərdə stadionu
04 Fevral 2020 Prezident: Kasıb təbəqə üçün nəzərdə tutulan iş yerlərinin pulunu mənimsəmək böyük vicdansızlıqdır
04 Fevral 2020 Vəkillərə hüquqi yardımla əlaqədar vəsait ödənilməsi qaydası dəyişib- Nazirlər Kabineti
03 Fevral 2020 Xəyalə Əhmədova Qəhrəmanlı kəndində seçicilərlə görüşdü - FOTO
02 Fevral 2020 Aqil Məmmədov Qarabağ əlilləri, veteranlarla görüşdü - Foto
02 Fevral 2020 Bərdəli seçicilərin seçimi Xəyalə Əhmədovadır
01 Fevral 2020 DİLŞAD BAYRAMOVANIN NÖVBƏTİ UĞURU
31 Yanvar 2020 Qaraqoyunlu camaatı namizəd Xəyalə Əhmədovanı böyük coşğuyla qarşıladılar - Foto
31 Yanvar 2020 Ünvanlı yardım üçün müraciət zamanı tələb olunan məlumatların sayı azaldılır
30 Yanvar 2020 Rəşad Bayramov: “Pulsuz səhiyyə kağız üzərindədir”/ Elçin Qurbanov: “Tibbi xidmətlərdə ƏDV-nin vergi dərəcələri azaldılsın!”
29 Yanvar 2020 Aqil Məmmədov Qəbələ və Oğuzda izdihamlı görüşlər keçirib - FOTO

Dünyapress TV

Xəbər lenti