Səudiyyə Ərəbistanı İranla barışır? - ABŞ-ın məyus etdiyi vəliəhd Pakistan və İraqa minnətçi düşüb
Rəsmi Tehran: “Danışıqlara hazırıq”
Ötən ay Səudiyyə Ərəbistanının neft obyektləri İran silahları ilə vuruldu. Hücum Yəməndəki husi-şiə üsyançıları tərəfindən həyata keçirildi. Onlar isə İranın təsiri altında fəaliyyət göstərir. Heç şübhəsiz ki, bu hücum İranın sifarişi idi. Və bu hücum neft bazarında ciddi çaxnaşma yaratdı.

Sirr deyil ki, Səudiyyə Ərəbistanı ilə İran arasında on illər ərzində artan düşmənçilik və nüfuz uğrunda rəqabət Yaxın Şərqi müharibə həddinə gətirib çıxarıb. Gərginliyi azaltmaq üçün səy göstərmək lazım idi və belə bir addım atıldı.

ABŞ-ın ən nüfuzlu qəzetlərindən olan “The New York Times” bu məsələ ilə bağlı geniş təhlil yazısı hazırlayıb. Həmin məqalənin diqqətçəkən hissələrini təqdim edirik.

Səudiyyə Ərəbistanı ilə İran arasındakı hər hansı bir barışığın əldə olunması bölgədəki qarşıdurmanın azalmasına gətirib çıxara bilər.

Prezident Tramp Səudiyyə və digər varlı körfəz ölkələrinin təkidi ilə İrana qarşı qisas əməliyyatı keçirməkdən imtina etdi. Üstəlik, anti-İran mövqeyi ilə tanınan milli təhlükəsizlik üzrə müşaviri Con Boltonu istefaya göndərdi. Analitiklərin fikrincə, bu amil Səudiyyə Ərəbistanını münaqişənin həlli üçün yeni variant tapmağa sövq etdi. Bu isə cənab Trampın İranı təcrid etmək üçün bir Ərəb İttifaqı qurmaq səyinin iflası deməkdir.

b_400_300_16777215_00_http___teref.az_uploads_posts_2019-10_1570383649_2.jpg

Son həftələrdə Səudiyyə Ərəbistanının vəliəhd şahzadəsi Məhəmməd bin Salman İraq və Pakistan rəhbərlərinə üz tutdu. Hər iki ölkənin liderindən iranlı həmkarları ilə bu mövzusunda danışıqlara başlamaq üçün rica edildi.

İran isə daha öncə Səudiyyə Ərəbistanı ilə danışıqlara hazır olduğunu açıq şəkildə ifadə etmişdi.

Cümə günü “The New York Times” qəzetinə verdiyi açıqlamada Səudiyyə hökuməti yetkilisi İraq və Pakistana iki ölkə arasında vasitəçilik etmək təklifində bulunduqlarını etiraf etsə də vəliəhd Məhəmməd Salmanın bu təşəbbüsdə iştirakını təkzib etdi.

İrana qarşı “maksimum təzyiq” kampaniyası aparan Səudiyyə rəsmi Tehranın nüvə proqramını məhdudlaşdırmağa və Yaxın Şərqdə dəstək verdiyi bəlli mərkəzlərlə İranın əlaqələrini zəiflətməyə çalışırdı.

b_400_300_16777215_00_http___teref.az_uploads_posts_2019-10_1570383606_3.jpg

Pakistanın Baş naziri İmran Xan keçən ay Ciddə şəhərində Səudiyyə Ərəbistanının de-fakto hökmdarı Şahzadə Məhəmməd ilə görüşdü. Günlər sonra BMT Baş Məclisində iştirak edən baş nazir jurnalistlərə şahzadə Məhəmmədin İranla danışıqlar aparmaq üçün ondan xahiş etdiyini söylədi.

"Müharibədən çəkinmək istəyirəm", vəliəhd baş nazirə belə deyib. Baş nazir isə BMT Baş Məclisində İran prezidenti Həsən Ruhani ilə görüşüb və vəliəhdin mesajını ona çatdırıb.

İraqın baş naziri Adil Əbdül Mehdi Səudiyyə Ərəbistanına səfərdə olarkən ona da eyni məsələ ilə bağlı vasitəçilik etmək üçün müraciət olunub. İraq baş naziri Bağdada döndükdən sonra jurnalistlərə bildirib ki, vəliəhd İraq paytaxtını Səudiyyə-İran danışıqları üçün uyğun bir məkan hesab edir. Cənab Adil Mehdi bu prosesin müsbət sonluqla yekunlaşacağına inamını da ifadə etmişdi.

b_400_300_16777215_00_http___teref.az_uploads_posts_2019-10_1570383672_4.jpg

İran parlamentinin rəhbəri Əli Laricani isə “Al-Jazeera”yə bugünlərdə belə demişdi: “İran Səudiyyə Ərəbistanı və bölgənin digər ölkələri ilə danışıqlara açıqdır. İran-Səudiyyə danışıqları bölgədə mövcud olan siyasi və təhlükəsizliklə bağlı problemlərin bir çoxunu həll edə bilər”.

“The New York Times” xatırladır ki, vəliəhd bir vaxtlar İranı Yaxın Şərqdə mövcud olan bütün problemlərin səbəbkar kimi təqdim edirdi. O, İranın ali dini liderini Hitlerlə müqayisə etməkdən belə çəkinməmişdi: “Biz İran rejiminin əsas hədəfiyik”, 2017-ci ildə vəliəhd belə demişdi. “Biz gözləməli deyilik ki, İran Səudiyyə Ərəbistanına hücum etsin. Əksinə, biz çalışacağıq ki, bu müharibə İran ərazisində olsun”.

Tehranı təmsil edən siyasi analitik Səid Şəriəti deyir ki, Səudiyyə və İran gərginliyin son həddinə çatıb. Hər iki tərəf bu gərginliyin ölkə maraqlarına zidd olduğunun fərqindədir.

Prezident Həsən Ruhani isə BMT-də etdiyi çıxışında ərəb ölkələrinə müraciət edərək dedi ki, İran İslam Respublikası sizin qonşunuzdur, Amerika yox. Biz həmişə bir yerdə olacağıq.

Elbəyi Həsənli, Sürix

Bölmənin digər xəbərləri

15 Oktyabr 2019 Qarabağ münaqişəsi Bakının lehinə həll oluna bilər – SENSASİON AÇIQLAMA
15 Oktyabr 2019 Özbəkistan Prezidenti: "Azərbaycanın ərazi bütövlüyü çox mühümdür"
15 Oktyabr 2019 Ərdoğan Bakıda elan etdi: BİZ ALTI DÖVLƏT, TƏK MİLLƏTİK - Video
15 Oktyabr 2019 “Azərbaycana qarşı Qərbdən hansı təzyiqlərin olduğunu…” – Çavuşoğlu
13 Oktyabr 2019 Birinci vitse-prezident Mehriban Əliyeva : Şahmatçımız Aydın Süleymanlının qalib olması xəbəri hər birimizə ancaq qürur və sevinc hissi yaşada bilər
11 Oktyabr 2019 ABŞ və Rusiya BMT TŞ-da Türkiyə əleyhinə bəyanata veto qoyub
11 Oktyabr 2019 TÜRKİYƏNİN “BARIŞ PINARI” ƏMƏLİYYATI HANSI LEGİTİMLİYƏ SÖYKƏNİR? –“Amerika bizə qarşı çıxmayacağını bildirib”
10 Oktyabr 2019 Ərdoğan Trampla görüşü nəzərdə tutur
03 Oktyabr 2019 “Rusiya-ABŞ münasibətlərdə hələlik heç bir irəliləyiş yoxdur” - Putin
26 Sentyabr 2019 Lavrovdan Avropa etirafı: Uğursuz oldu!
25 Sentyabr 2019 Quterreş və Abe Koreya yarımadasındakı vəziyyəti müzakirə ediblər
25 Sentyabr 2019 Türkiyə, İran, Rusiyanın Xarici İşlər nazirləri Suriyanı müzakirə ediblər
24 Sentyabr 2019 Nikolas Maduro Rusiyaya rəsmi səfərə hazırlaşır
24 Sentyabr 2019 Nyu-Yorkda Azərbaycan və Ermənistan XİN rəhbərləri arasında görüş başlayıb
23 Sentyabr 2019 Elmar Məmmədyarov Nyu-Yorkda Minsk Qrupu həmsədrləri ilə görüşüb
20 Sentyabr 2019 Elmar Məmmədyarov macar həmkarı ilə görüşüb
16 Sentyabr 2019 Trampın müşaviri ABŞ və İran prezidentlərinin görüşü imkanından danışıb
12 Sentyabr 2019 Putin Netanyahu ilə Soçidə görüşəcək
02 Sentyabr 2019 ABŞ-ın vitse-prezidenti Varşavada Zelenski ilə görüşüb- "AMERIKA UKRAYNANI DƏSTƏKLƏYİR"
31 Avqust 2019 «Biz, əl açıb ABŞ-ın qabağına qaçmırıq» – Belorus XİN

Dünyapress TV

Xəbər lenti