 |
|
|
"ABŞ administrasiyası İran və Çində insanların dinc etirazlarda iştirak etmək hüququnu dəstəkləyir".
"Report" xəbər verir ki, bu barədə ABŞ-ın dövlət katibi Entoni Blinken CNN telekanalının efirində bildirib.
O, jurnalistin ABŞ administrasiyasının Çindəki etirazçılara dəstək olub-olmaması ilə bağlı sualına “Bəli, əlbəttə” deyə cavab verib.
"Biz hər yerdə, istər Çində, istər İranda, istərsə də başqa yerdə insanların dinc şəkildə etiraz etmək, öz fikirlərini çatdırmaq, narazılıqlarını bildirmək hüququnu dəstəkləyirik. Və əgər hər hansı ölkədə bu və ya digər şəkildə yatırılırsa, o zaman öz sözümüzü deyirik, buna qarşıyıq”, - dövlət katibi qeyd edib.
O xatırladıb ki, Vaşinqton əvvəllər etirazlarla əlaqədar İran rəsmilərinə qarşı sanksiyalar tətbiq edib.
Rusiya XİN başçısı Sergey Lavrovun Qarabağın Azərbaycan ərazisi olması barədə bəyanatı, həmçinin müharibədən öncə rayonların qaytarılması və statusun müəyyənləşməsi haqda ("5+2 rayon" təklifi) Kremlin vaxtilə təkliflər irəli sürməsi, İrəvanın razılaşmaması, 44 günlük müharibədən sonra isə vəziyyətin dəyişdiyini deməsi xüsusilə rusiyayönlü ermənilərdə şok effekti yaradıb.
Teref.az axar.az-a istinadən bildirir ki, erməni müxalif siyasilər və ekspertlər Lavrovun "bu qədər açıq danışmasının səbəbini" müəyyən etməyə çalışırlar.
S.Lavrov eyni zamanda Soçidə Rusiyanın sülh sazişinin imzalanması, Qarabağın "statusu"nun isə "gələcək nəsillərə saxlanması" barədə təkliflə çıxış etməyə hazırlaşdıqlarını da bildirib. Lakin deyib ki, İrəvan Praqa və Vaşinqtonda 1991-ci il Almatı bəyannaməsi ilə Azərbaycanın ərazi bütövlüyünü tanımaqla bu təklifin üstündən xətt çəkmiş oldu. Belə ki, Almatı bəyannaməsi keçmiş DQMV-nin Azərbaycan ərazisi olduğunu təsdiqləyir, öz ərazisindəki muxtar qurumu salayıb-saxlamamaq isə birbaşa Azərbaycanın işidir.
Mövzu ilə bağlı danışan "Ermənistan" blokunun deputatı Geqam Manukyan da bildirib ki, Praqa görüşündən sonra, Soçi görüşündən əvvəl onlar İrəvanın Qarabağı Azərbaycan ərazisi olaraq tanıdığı "narahatlığını" bildirmişdilər:
"İndi, təəssüf ki, bu barədə Rusiyanın xarici işlər naziri də danışır. Bamayaraq ki, mən Lavrovun Almatı bəyannaməsinin Qarabağın Azərbaycanın tərkib hissəsi olduğunu təsdiqlədiyi barədə interpretasiyası ilə razı deyiləm".
O deyib ki, indiyə qədər heç kim Almatı bəyannaməsi ilə Azərbaycanın ərazi bütövlüyünün tanındığını gündəmə gətirməmişdi. Yalnız Paşinyan bunu bildirməklə, əslində Qarabağın Azərbaycan ərazisi olduğunun indi deyil, 31 il öncə tanındığını elan edib.
"Nikol Paşinyan Soçi görüşü öncəsi demişdi ki, Rusiyanın öz təklifini verməsi yaxşı olardı. Təsəvvür edirsinizmi, Ermənistan Qarabağ məsələsini qaldırmır, Paşinyan bütün məsuliyyəti Rusiyanın çiyinlərinə qoyur. Bununla da İrəvan Soçidə Rusiya tərəfini çox pis situasiya ilə üz-üzə qoydu".
Lavrovun bu qədər açıq və sərt danışığına gəlincə, Manukyan deyib ki, Ermənistanda hər şeydə Rusiyanın günahlandırılmasından Moskva artıq bezib.
ABŞ Prezidenti Co Bayden Ukraynadakı münaqişənin genişlənməsinin qarşısını almağa çalışır, ABŞ Rusiya ilə müharibə istəmir.
Teref.az Trend-ə istinadən bildirir ki, bunu ABŞ Dövlət katibi Entoni Blinken “France 2” telekanalında deyib.
“Bayden üçün Ukraynada münaqişənin genişlənməsinin qarşısını almaq lazımdır. Biz münaqişəni tamamlamaq istəyirik, amma heç bir şəkildə onu genişləndirmirik. Biz Rusiya ilə müharibə istəmirik, xüsusən də Üçüncü dünya müharibəsini istəmirik. Səy göstərdiyimiz bu deyil”, – deyə Blinken bildirib.
Eyni zamanda o, ABŞ-ın Kiyev üçün Rusiya ilə danışıqların şərtlərini müəyyən etməyəcəyini, ancaq ukraynalıların qərarını dəstəkləyəcəyini bildirib.
E.Blinken həmçinin qeyd edib ki, ABŞ Rusiya ilə təmasdadır, dialoqun aparılması zəruri olan mühüm mövzular var.
“Məsələn, biz Rusiya ilə əlaqə saxlamağa davam edirik, çünki onun nüvə silahından istifadə edəcəyindən qorxuruq, bu, fəlakət ola bilər”, – deyə E.Blinken vurğulayıb.
Onun sözlərinə görə, ABŞ Rusiyanın bu istiqamətdə fəaliyyətini hələ görməsə də, narahatlıqlar qalmaqdadır.
“ATƏT-in Minsk Qrupunu fransızlar və amerikalılar basdırıb”
Rusiyanın xarici işlər naziri Sergey Lavrov Amerika Birləşmiş Ştatları, Fransa və Avropa İttifaqını Minsk qrupunun “dəfnində” ittiham edərək, onların Rusiya ilə hər hansı formatda əməkdaşlıqdan imtina etdiklərini qeyd edib.
Dekabrın 1-də Avropanın təhlükəsizlik məsələlərinə həsr olunmuş mətbuat konfransında Lavrov bildirib ki, Minsk Qrupunu artıq heç kim xatırlamır.
“Qərb bəyan edib ki, Rusiya ilə heç bir formatda əməkdaşlıq etməyəcək. Bununla da ATƏT-in Minsk Qrupunun artıq fəaliyyətini başa vurduğunu bəyan etdilər. Minsk Qrupu vaxtilə regionda nüfuzu olan, həm İrəvana, həm də Bakıya siqnal göndərə bilən, Rusiya və ABŞ-ın sədrliyi ilə işləməyə razılıq verən ölkələri bir araya gətirmək üçün yaradılıb. Fransa da müəyyən mərhələdə ATƏT-in Minsk qrupunun həmsədri oldu. Həmsədrlər o zamandan bu yana çox faydalı işlər görüblər, onlar Ermənistan və Azərbaycan liderləri ilə həm ayrı-ayrılıqda görüşüblər, həm də birgə tədbirlər keçiriblər”, – Rusiya XİN rəhbəri bildirib.
Lavrov vurğulayıb ki, 2020-ci ildə baş verən 44 günlük müharibədən sonra Rusiyanın vasitəçilik səyləri ilə atəşkəs əldə olunub, Rusiya, Ermənistan və Azərbaycan liderlərinin yüksək səviyyəli görüşləri nəticəsində bir sıra digər razılaşmalar əldə olunub. O, bununla yanaşı əlavə edib ki, “biz digər oyunçuların bu proseslərə qoşulmaq üçün əsəbi cəhdlərinin şahidi olduq”:
“Bizim bununla bağlı heç bir problemimiz yoxdur. İrəvan və Bakı ilə təmaslarımızda qeyd etdiyimiz yeganə şey o oldu ki, Qərb xüsusi hərbi əməliyyata başlayandan sonra Vaşinqton və Parisin dili ilə Rusiya ilə heç bir yerdə, heç bir formatda əməkdaşlıq etməyəcəyini bəyan etdi. Bununla da ATƏT-in Minsk Qrupunun artıq fəaliyyətini başa vurduğunu bəyan etdilər. Ona görə də, erməni tərəfdaşlarımız hərdən Minsk qrupunun adını çəkəndə deyirik ki, bu məsələ bizə ünvanlanmamalıdır. Bu sual ABŞ-a, Fransaya ünvanlanmalıdır, çünki onlar bundan sonra bu qrupu toplamayacaqlarını bəyan ediblər. Və təbii ki, sual Azərbaycana ünvanlanmalıdır, çünki Azərbaycanın iştirakı olmadan hər hansı vasitəçilik səyləri mənasızdır”.
Lavrov qeyd edib ki, Brüsseldə demarkasiya komissiyasının iclası keçirilir, nəzakətli insanlar olan ermənilər və azərbaycanlılar iclasa qatılırlar. Lakin Brüsseldə keçmiş sovet ölkələrinin xəritələri yoxdur, onlar yalnız Rusiya Silahlı Qüvvələrinin Baş Qərargahındadır.
“Sülh müqaviləsi ilə də eynidir. Onlar Avropa Siyasi Birliyi Forumu üçün Praqaya getdilər, burada demarkasiya və sülh sazişinin BMT Nizamnaməsinə və 1991-ci ilin dekabrında qəbul edilən Alma-Ata Bəyannaməsi ilə müəyyən edilmiş sərhədlərə əsaslanmasına dair sənəd imzaladılar. Bütün keçmiş sovet respublikaları Alma-Ata Bəyannaməsi ilə Müstəqil Dövlətlər Birliyini yaratdılar və Sovet İttifaqının müttəfiq respublikaları arasında mövcud olan sərhədlərin toxunulmazlığını təsdiq etdilər. Başqa sözlə, o zaman Dağlıq Qarabağ Muxtar Vilayəti birmənalı olaraq Azərbaycan SSR-in tərkibində idi. Və sənəd çərçivəsində həm Ermənistan, həm Azərbaycan, həm Fransa, həm də cənab Mişel Alma-Ata Bəyannaməsini ilkin şərt olmadan tanıdıqları təsdiqləyəndə, bu, əlbəttə ki, sonrakı işi asanlaşdırdı. Çünki Qarabağın statusunun necə olacağı məsələsi öz həllini tapdı. Əbəs yerə deyil ki, Ermənistan rəhbərliyinin son vaxtlar daha çox statusdan deyil, Qarabağın erməni əhalisinin hüquqlarının təmin olunmasının zəruriliyindən danışır. Azərbaycan tərəfi buna hazırdır, onlar Azərbaycanın digər vətəndaşlarının malik olduğu hüquqlara təminat verməyə hazırdırlar. Minsk qrupunu isə heç kim xatırlamır”, – Lavrov bildirib.
Press Klub
ABŞ Prezidenti Cozef Bayden rusiyalı həmkarı Vladimir Putinlə danışıqları mümkün hesab edir, ancaq o şərtlə ki, o, Ukraynaya qarşı müharibəni dayandırmaq niyyətindədir.
“Report” xəbər verir ki, bu barədə “Politico”nun jurnalisti Eli Stokols tviterdə yazıb.
“Mən Putinlə danışmağa hazıram, əgər həqiqətən də onda maraq varsa - o, müharibəni bitirmək üçün yol axtarır. Hələlik o, bunu etməyib", - ABŞ lideri bildirib.
Bayden onu da əlavə edib ki, onun Putinlə danışıqları yalnız NATO müttəfiqlərinin belə bir təşəbbüsü təsdiqlədiyi halda mümkündür.
Prezident vurğulayıb ki, Rusiya Prezidenti “bütün məqamlar üzrə səhv hesablamalar aparıb” və onun Ukrayna üzərində qələbəsi ilə bağlı fikirlərini “təsəvvür etmək belə mümkün deyil”.
Qazaxıstandakı sonuncu prezident seçkisindən qalib çıxan Kasım-Jomart Tokayev ilk xarici səfərini Rusiyaya etdi və Kremlin divarları arasında həmkarı Vladimir Putinlə danışıqlar apardı.
Tokayev Rusiyanın Ukraynadakı müharibəsinə görə Moskvaya dəstək göstərmir və bu, Kremldən Astanaya istiqamət alan təhdidlərin yaranmasına gətirib çıxarır.
Rusiya ötən aylarda Qazaxıstan neftini Avropaya daşıyan neft kəməri əməliyyatlarını müvəqqəti dayandırmışdı, bunun ardınca isə xüsusi təlimat alan siyasi çevrələr Moskvanın işğal siyahısında növbəti yerdə Qazaxıstanın olması barədə hədələr səsləndirdilər.
Ancaq məharətli Tokayev oyun qurmağı bacarır, Qərblə Rusiya arasındakı tarazlığı saxlamaq xəttinin Qazaxıstanın təhlükəsizliyi üçün həyati əhəmiyyətli olduğunu dərk edir.
Yəni Tokayev nə qədər Rusiyaya qarşı küləklər əsdirsə də, Astana təhlükəsizlik qayğıları səbəbi ilə Rusiyanın çətiri altındakı plakatları üstün tutur, Qazaxıstan liderinin seçkidən sonra ilk səfərini Moskvaya etməsi də bunun əyani sübutu kimi qiymətləndirilməlidir.
Rusiya ilə Qazaxıstanın birgə maraqları enerji dəhlizləri, təhlükəsizlik sferasında birləşir, amma Ukraynadakı müharibənin gedişatı və Moskvanın qazanclarını xərcləməsi Tokayevin fərqli şüura keçidi üçün mərhələdir.
Bununla belə, ikili əlaqələrdəki iplər qırılmayıb, Putin də həmin bağların çürüməməsindən ötrü Qazaxıstanı əlində tutmağı bacarmalıdır.
Rusiya Ukraynada indiki period üçün strateji məğlubiyyətə düçar olmasa da, onun taktiki biabırçılıqları iqtisadi gücünün aşınmasını da kəskinləşdirir.
Putin üçün Tokayevin səfəri güc itkilərinin bərpası, dərinləşən siyasi təcriddə boşluqda qalmamaq baxımından böyük bir tutuma malikdir.
Çünki Qazaxıstan Türkmənistanla yanaşı, Mərkəzi Asiyanın neft gücüdür, Çin, Qərb və Türkiyə ilə dərinləşən əlaqələrə sahibdir. Qərbin və Çinin ölkədə investisiyalarının həcmi şişdikcə isə Rusiya Astananı itirmək təhlükəsi ilə üzləşir.
Putin Kreml üçün qarışıq bir vəziyyətdə Astananı itirmək yox, əksinə, onun mövqeyindən və şaxələnən siyasətindən fayda qoparmaq istəyir, məsələn, Astana hansısa mərhələdə Moskvanı gizli kanallar vasitəsilə hansısa maddiyyatla təmin edə bilər.
Tokayev balansa dair təəssüratları saxlamaq məqsədilə Qərbin bir parçası olan, lakin Moskva ilə isti münasibətlərə malik Fransaya səfər edib və Emmanuel Makronla masa arxasına əyləşib.
Qazaxıstanın Qərb, Rusiya, yoxsa Çinə inteqrasiya şüuru ilə inkişaf edib-etməməsi Fransa üçün maraqlı deyil, Parisi maraqlandıran özünün Hind-Sakit okean regionunda sıxışdırılmasının qarşısını almaqdır.
Mümkündür ki, Rusiya ilə Fransa oyun qurub regionda ABŞ-Britaniya tandeminin sıxışdırılmasına, Mərkəzi Asiyaya nisbətdə isə Qazaxıstanın yerini özlərinə tərəf sürüşdürməyə nail olmaq üçün məxfi tədbirlər planı hazırlasınlar.
Bu mənada Qazaxıstanın yerləşdiyi coğrafiya Fransa üçün də cəlbedicidir və Parisi düşündürən digər bir nüans Qazaxıstanın Kollektiv Təhlükəsizlik Müqaviləsi Təşkilatı daxilində Ermənistana yerini göstərməsidir. Bu, Parisin İrəvana olan sevgisini bütün parametrlər üzrə göstərməsinə əngəllər deməkdir.
Makron bağlı qapılar arxasında Tokayevdən Ermənistana dəstək verilməsini rica edə və bunun qarşılığında hansısa şirnikləndirici vədlər verə bilər, ancaq Tokayev çox ehtiyatlı, siyasi tədbirliliyi olan adam kimi Parisin hissi davranışlarını əsas tutmaz.
Tokayevin Parisə səfəri zamanı Fransa-Qazaxıstan strateji tərəfdaşlığını yeni mərhələyə keçirəcək danışıqlar aparılmasına baxmayaraq, Tokayev uzunmüddətli perspektivi hesabladığından Parislə hesablaşmaq məcburiyyətində deyil.
NƏTİCƏ: Rusiya Ukraynadakı müharibənin nəticələrini gözləmədən ehtiyatı əldən verməmək üçün Mərkəzi Asiyadakı nüfuzunun dairəsini Qazaxıstan vasitəsilə geniş saxlamaq istəyir.
Qazaxıstan Rusiyaya qarşı Qərbin kampaniyasına qoşulmasa da, Moskva əleyhinə bir sıra tədbirlər kompleksinə dəstək verir və siyasətindəki tarazlığı Avro-Atlantik məkanın xeyrinə dəyişdirmək istəyir.
Hər iki lider – istər Putin, istərsə də Tokayev çox ehtiyatlıdır, Kreml başçısı Qazaxıstanın “Moskvanın vitrinindən düşməsindən”, ikinci isə Moskvadan gələ biləcək təhdidlərdən ehtiyat edir.
Aqşin Kərimov - DİA.AZ
Fransa prezidenti Emmanuel Makronun ABŞ-a 5 günlük rəsmi səfəri başlayıb.
Makronun səfəri dekabrın 3-də bitəcək. Ağır səfər olacaq, çünki Parislə Vaşinqton arasında müxtəlif mövzularla bağlı fikir ayrılıqları var. Parisin Avropanın Amerikadan asılılığını azaltması tələbini illərdir gündəmdə saxlaması da Vaşinqtonun xoşuna gəlmir.
Teref.az yazır ki, bunu politoloq Elxan Şahinoğlu yazır.Daha sonra politoloq fikirlərini şərh edərəkjm yazır:
Azərbaycan prezidenti İlham Əliyevin Ermənistanın baş naziri Nikol Paşinyanla növbəti görüşü dekabrın 7-də Brüsseldə planlaşdırılmışdı. Paşinyan “görüşdə Makron da iştirak etsin” tələbini gündəmə gətirməklə Brüsselin vasitəçiliyinə zərbə vurdu.
Çünki İlham Əliyev Brüsseldəki görüşdə Makronun iştirakının əleyhinədir. Fransalı jurnalistlərdən biri gərək Makronun özündən soruşa ki, ağır Vaşinqton səfərindən dərhal sonra Paşinyanın tələbiylə Brüsselə getməyə hazırdırmı?
Teref.az
Fransa parlamenti palatalarının Azərbaycana qarşı sanksiyaların tətbiqinə çağıran qətnamələri Parisin rəsmi mövqeyini əks etdirmir.
Bunu jurnalistlərə Fransa Xarici İşlər Nazirliyinin nümayəndəsi bildirib.
“Parlamentarilərin bu təşəbbüsü Fransa hökumətinin rəsmi mövqeyi deyil və tamamilə müstəqil şəkildə, hakimiyyət bölgüsü prinsipinə uyğun olaraq qəbul edilib”, - diplomat bəyan edib.
Onun sözlərinə görə, Fransa hökumətinin mövqeyi hamıya məlumdur. O, xarici işlər naziri Ketrin Kolonnanın “Fransa sülhə nail olmaq fürsətindən istifadə etmək üçün tərəfləri danışıqlarda irəliləməyə təşviq etməyə davam edəcək” ifadələrini xatırladıb.
Mənbə: TASS
"Siyasi partiyalar haqqında" yeni qanun layihəsi müzakirəyə çıxarılıb: deputatın biri partiya sədrlərini, biri qanunu tənqid etdi
Milli Məclisin bu gün keçirilən iclasında "Siyasi partiyalar haqqında" yeni qanun layihəsi birinci oxunuşda müzakirəyə çıxarılıb. Layihə barədə Milli Məclis sədrinin müavini, İctimai birliklər və dini qurumlar komitəsinin sədri Fəzail İbrahimli məlumat verib.
Komitə sədri deyib ki, partiyalar haqqında yeni qanun layihəsinin hazırlanmasına ehtiyac var idi: “Ötən qanun layihəsinin qəbul edilməsindən uzun zaman keçir. Qanunun yenilənməsinə ehtiyac hiss olunurdu. Bunun üçün də qanun hazırlandı. Yeni qanun layihəsi beynəlxalq təcrübələrə əsaslanır. Dünyanın 20 qabaqcıl ölkəsinin təcrübəsi öyrənilib, ölkənin siyasi sisteminin və milli xüsusiyyətlərinin, bununla yanaşı, Avropa Şurası Venesiya Komissiyasının siyasi partiyaların fəaliyyətinin tənzimlənməsi haqqında tövsiyələri nəzərə alınıb. Qanun lahiyəsində son variantda 66 dəyişiklik edilib”.
Birinci vitse-spiker: “Yalnız bir nəfər qanun layihəsinin əleyhinə səs verib”
“Bizim komitənin “Siyasi partiyalar haqqında” qanun layihəsi ilə bağlı fikirləri müsbətdir. Yalnız bir nəfər qanun layihəsinin əleyhinə səs verib. Bu gün qanun layihəsini konseptual baxımdan müzakirə edirik. Normativ hüquq aktlar haqqında konstitusiya qanunundan sonra “Siyasi partiyalar haqqında” qanuna baxılması zərurəti yaranmışdı”. Bu sözləri isə Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli deyib.
Vitse-spiker qanunun qəbulunda ikinci zərurət kimi bu illər ərzində bir sıra Avropa və postsovet ölkələrində “Siyasi partiyalar haqqında” qanunların dəyişməsini, müasirləşdirilməsini göstərib.
“Qanun hazırlanarkən Avropa Şurası Venesiya Komissiyasının həmin ölkələrə verdiyi tövsiyələr öyrənilib: “Qanunu qəbul etməkdə bir məqsəd də qabaqcıl təcrübələri bizim də qanunvericiliyə gətirməkdir. Aydındır ki, birləşmək hüququna və azadlığına təminat verilməlidir. Qanun bu təminatı verir. Xüsusilə, vurğulayım ki, 3.2 maddəsi Avropa İnsan Haqları Konvensiyasının tələbini ehtiva edir”, - deyə Ə.Hüseynli söyləyib.
Birinci vitse-spiker qeyd edib ki, qanun layihəsi ictimai müzakirədən keçib: “Bu müzakirələrdə komitə üzvü olmayan deputatlar da iştirak ediblər. Əminəm ki, qanun qəbul ediləcək”.
“Qanunla bağlı bütün müddəalar beynəlxalq standartlara cavab verir”
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov da bildirib ki, "Siyasi partiyalar haqqında" qanun layihəsinin yenidən tərtib olunması vacib idi: “İlk qanun layihəsi 1993-cü ildə qəbul olunub. 30 ildən artıq zamanda bu qanuna təkcə 70 dəyişiklik edilib, amma müzakirələr zamanı 66 dəyişiklik olunub. Bu isə təbii ki, göstərilən diqqətin nəticəsidir”.
“Eyni zamanda, “Siyasi partiyalar haqqında” qanunun bütün müddəaları Milli Məclisin saytında qeyd olunur. Müddəalardan da görünür ki, qanunla bağlı bütün müddəalar beynəlxalq standartlara cavab verir”, - Z.Əsgərov əlavə edib.
Deputat: “Elə partiya sədri var ki, həyat yoldaşı onun hansı partiyanın sədri olduğunu bilmir”
Müzakirələr zamanı Demokratik Maarifçilik Partiyasının rəhbəri, deputat Elşən Musayev partiyalar haqqında maraqlı fikirlər səsləndirib.
Millət vəkili bəzi partiyaların fəaliyyətinə irad bildirərək qeyd edib ki, cibində beş partiyanın vəsiqəsini daşıyan adamlar tanıyır: “Elə partiya sədri var ki, təşkilatının möhürünü hara qoyduğunu bilmir. Adamlar tanıyıram ki, cibində 5 partiyanın vəsiqəsini daşıyır. Elə partiya sədri var ki, həyat yoldaşı onun hansı partiyanın sədri olduğunu bilmir. Bunlar gülməlidir, amma reallıqdır”.
“Hər kəs partiya yaradır. Baxırsan partiya qurub, amma öz tanışları, dostları onu ciddiyə almır. Belə qeyri-ciddiyyət olmaz. Partiyalar var ki, adındakı hərflərin sayı üzvlərinin sayından çoxdur. On agörə də reyestr məsələsinin olması vacibdir. Adama deyərlər, partiya ciddi məsələdir, bunun üçün tərəfdarların olmalıdır. Partiya ciddiliyini anlamırsansa, üzv toplaya bilmirsənsə, bir az adam yığ futbol komandası yarat”, - deyə deputat irad səsləndirib.
“Xalqın adından çıxış etməyim?”
Böyük Quruluş Partiyasının başqanı, deputat Fazil Mustafa müzakirə zamanı qeyd edib ki, "Siyasi partiyalar haqqında" qanun layihəsi yeganə qanundur ki, hazırlıq müddətində bu qədər dəyişikliklər edilib: “Ümumiyyətlə, heç bir qanun mükəmməl deyil. Zamanın tələbinə uyğun olaraq, müəyyən dəyişikliklər edilir, bundan sonra da olacaq. Qanunda müəyyən məhdudiyyətlər var ki, onları qeyd etmək lazımdır. Məsələn, qeyd olunur ki, xalqın adından danışmaq olmaz. Bu müddəa düzgün deyil. Necə yəni, xalqın adından danışmaq olmaz? Bu gün mən deyirəm ki, Fransa Senatının Azərbaycan haqqında çıxışlarını lənətləyirəm. Bu, xalqın adından danışılan məsələdir. İndi bunu deməyim? Xalqın adından çıxış etməyim? Bu müddəada uyğunsuzluqlar var. Hesab edirəm ki, bu kimi məsələlər nəzərə alınmalıdır”.
Müzakirələrdən sonra qanun layihəsi birinci oxunuşda qəbul edilib.
Müəllif: Anar Bayramoğlu
Slovakiya uzun müddətdir ki, əsas silahları dezinformasiya, qaz təchizatı, xüsusi xidmətlər və müxtəlif təxribat fəaliyyətləri olan hibrid müharibənin hədəfidir.
Bunu Slovakiya Prezidenti Zuzana Çaputova respublikadakı vəziyyətlə bağlı çıxışı zamanı deyib.
“Bu hibrid müharibənin məqsədi dövlət institutlarını zəiflətmək, demokratiyaya inamı sarsıtmaq, Slovakiyanı siyasi Qərbdən qoparıb Rusiyanın təsir dairəsinə qaytarmaqdır. Bir çoxları hələ də dezinformasiya və sui-qəsdlərin sadəcə müasirliyin, sosial şəbəkələr və internet fenomeninin məhsulu olduğuna inanırlar. Təəssüf ki, belə deyil - onların əhəmiyyətli bir qismi məqsədyönlü təbliğatın bir hissəsidir”, - Çaputova bildirib.
Slovakiya prezidenti Ukrayna müharibəsinə də toxunub.
“Təhlükəsizlik baxımından biz Slovakiyanın müasir tarixinin ən riskli dövrünü yaşayırıq. Qonşu Ukraynada Rusiya rejimi müharibəyə başlayıb, Avropa təhlükəsizliyinin bütün prinsiplərinə meydan oxuyur və Avropada sülh üçün ən böyük təhlükəyə çevrilib”, - Zuzana Çaputova vurğulayıb.
O, bu vəziyyətdə məmurların, parlamentdəki xalq deputatlarının, ictimaiyyətin əksəriyyətinin haqlı mövqe tutmasını yüksək qiymətləndirib. Dövlət başçısı qeyd edib ki, ölkəsinin Şimali Atlantika Alyansına üzvlüyünün faydaları heç vaxt indiki qədər aydın olmayıb.
Mənbə: eurointegration.com.ua