“Gömrük elə işləsin ki, ölkəmizi xaricilərə rüşvətxor və talançı yer kimi təqdim etməsin”
Ötən ilin sentyabrın 21-dən qüvvəyə minən qaydalar Dövlət Gömrük Komitəsinə qarşı etirazlara səbəb olmuşdu. Belə ki, qərara görə hər bir vətəndaşın özü ilə xaricdən rüsumsuz gətirə biləcəyi malın dəyəri 1500 dollardan 800 dollara, internetdən ala biləcəyi məhsulun dəyəri isə 1000 dollardan 300 dollara endirilib. Onu da deyək ki, bir nəfər ölkəyə bu qayda ilə sadəcə ayda bir dəfə mal idxal edə bilərdi.

Bu il isə əsasən, sadə vətəndaşlarla bərabər sahibkarlar da gömrük xidmətindən narazılıq edirlər. Onlar ölkəyə idxal etdiklərinin 2-3 qat artıq dəyərini gömrüyə verdiklərini, nəticədə isə iflas etdiklərini deyirlər. “Daha deyin ki, ölkəyə heç nə gətirməyin”- söyləyən sahibkarlar xaricdən gətirilən mallara gömrükdə ciddi maneələr, üstəlik, həddən çox “rüsum” tələb olunmasından narahatlıqlarını ifadə edirlər.

Bildirilir ki, tələb olunan qiymətlərdən dövlət rüsumunun xəbəri belə yoxdur.

Mövzu barədə “Şərq”ə danışan iqtisadçı-ekspert Kazım Məmmədov isə deyir ki, belə olan halda sadə vətəndaşlarla bərabər həm iş adamları, həm dövlət, həm də ölkə iqtisadiyyatı uduzur:

“Hələ pandemiyanın ölkədə kəskin yayıldığı bir dönəmdə DGK ölkəyə rüsumsuz gətirilə bilən malların dəyərini təxminən ikiqat aşağı saldı. Bu qərar bir tərəfdən ona görə doğru idi ki, ölkəyə nə qədər az məhsul daxil olarsa, həmin karqoya bulaşıb gələ biləcək virus, eləcə də virusa yoluxma halları da minimum olardı.

Lakin hazırkı dönəmdə pandemiya ölkədə nəzarətə alınıb. Ölkəyə gətirilən hər məhsul dezinfeksiya edilir, insanlar vaksinasiya olunur. Bu halda dövlət sahibkarlara xüsusilə şərait yaratmalıdır ki, onlar şəxsi biznesləri də olsa ölkə iqtisadiyyatını inkişaf etdirsinlər.

Xüsusilə də postpandemiya dövrünə hazırlaşmaq, ölkənin pandemiya dövründə iqtisadi azalmalarını hazırkı dönəmlə balanslaşdırmaq üçün Gömrük Xidməti xərcləri minimuma endirməlidir, nəinki əlavə pul almaq”.

İqtisadçı K.Məmmədov onu da dedi ki, ölkənin sərhədləri gömrüklərdən başlayır, əsas nəzarət ora edilməli, mütləq islahatlar aparılmalıdır:

“Gömrükdən tək Azərbaycan vətəndaşları yox, digər ölkələrin nümayəndələri də keçirlər. Gərək gömrük xidmətçiləri elə işləyə ki, Azərbaycan xalqının rifahını üstün tuta, ölkəmizi xarici vətəndaşlara rüşvətxor və talançı yer kimi təqdim etməyələr.

Çünki bir dəfə gələn xarici qonaq elə ölkənin girişindən bu tip hallarla qarşılaşsa, o çətin ki, ölkəyə ikinci dəfə gəlmək istəsin. Bu da turist axınına çox mənfi təsir edəcək. Bu minvalla ziyan yenə də ölkə iqtisadiyyatına dəyəcək”.

Bölmənin digər xəbərləri

03 Mart 2021 "OBA" marketlər şəbəkəsindən açıqama gəldi
03 Mart 2021 Enerji şirkətlərinin rəhbərləri: "Neftə tələbat artacaq"
02 Mart 2021 Məmurlar saxta QHT-lər vasitəsilə milyonlar mənimsəyirlər
02 Mart 2021 RED BULL şirkəti iflasa uğrayıb?- Şirkət böhrandan çıxmaq üçün satışa çıxarılıb ?
01 Mart 2021 Nə vaxta qədər ki KTN-yə İnam Kərimov başçılıq edir... - Fermerlərdən NARAZILIQ
01 Mart 2021 “Araz“ marketlər şəbəkəsində süni qiymət artımı...
28 Fevral 2021 ABŞ iqtisadiyyatı 1,9 trilyon dollarlıq stimullaşdırılacaq
28 Fevral 2021 Nazirliyin tender maxinasiyası: FHN 126 min manatlıq it yemi alır - Foto
27 Fevral 2021 Bu yarmarkalarda məhsullar ucuz satılır - ÜNVANLAR
27 Fevral 2021 FHN iş adamlarına niyə mane olur? - Kəmaləddin Heydərovun qardaşı monopolistdir
27 Fevral 2021 "Kapital Bank" qazilərə yardım adı ilə məcburi köçkünlərdən 5 manat tutub" - Ekspert
26 Fevral 2021 Sahibkarlar hökumətdən yeni - GÜZƏŞTLƏR İSTƏYİRLƏR - SİYAHI
26 Fevral 2021 SON DƏQİQƏ! Əhaliyə xoş müjdə gecə saatlarında açıqlandı - RƏSMİ
26 Fevral 2021 zərbaycan: Böyük Şərqdə ilk dünyəvi dövlət
26 Fevral 2021 Azərbaycan ən çox üç ölkənin məhsullarına üstünlük verir
26 Fevral 2021 Çin lideri: "Ölkəmiz yoxsulluğa qalib gəlib"
25 Fevral 2021 Azərbaycanda Çörəyin Qiyməti Qalxdı: Bunu Kim Edir?
25 Fevral 2021 İnam Kərimov fermerlərə sahib çıxsaydı... - Milyonlarla ziyan dəyib...
25 Fevral 2021 Strateji gediş: Rusiya ABŞ-ın dövlət borcuna bir milyard dollar yatırdı
24 Fevral 2021 "AZAL-ın monopoliyasına son!”, “Rəqabətli mühit, ucuz biletlər istəyirik!” – Narazılığın pik həddi

Dünyapress TV

Xəbər lenti