Rektorun bankında 300 min dollarlıq fırıldaq – Prezidentə şok müraciət
Ağdam və Zəngilandan olan məcburi köçkünlər ölkə başçısı İlham Əliyevə müraciət edib. “Yeni Sabah” xəbər verir ki, məcburi köçkünlərin müraciətində “Muğanbank” ASC-nin müdhiş kredit fırıldağından bəhs edilir:
“Cənab prezident, Abbasov Bəxtiyar Abbasqulu oğlu tərəfindən “Zirə-Kəndli Fermer Təsərrüfatı” təsis edilib. Həmin təsərrüfat iri və xırda buynuzlu mal-qaranın saxlanılması, kökəldilməsi ilə məşğul olub. Bəxtiyar Abbasov kredit almaq üçün “Muğanbank” ASC-nin “Dostluq” filialının müdiri Samir Ələkbərova müraciət edib. Samir Ələkbərov Bəxtiyar Abbasovun qohumudur. Samir Ələkbərovun qardaşı isə həmin dövrdə bankın idarə heyətinin sədri olub. Bəxtiyar Abbasov şəxsi münasibətlərdən faydalanaraq bank filialından uzun müddətli və aşağı faizli kredit ayrılmasını xahiş edib.

“Muğanbank” təsərrüfata 19 sentyabr 2007-ci il tarixdə F125 saylı kredit müaviləsi ilə 45 min manat, 2007- ci il 26 oktyabr tarixdə F134 saylı müqaviləsi ilə Babayev Yelmar Qulu oğlunun adına 45 min manat, 05 dekabr 2007-ci il tarixdə F139 saylı müqaviləsi ilə 20 min manat, 15 dekabr 2007-ci il tarixdə H57 saylı müqavilə ilə 130 min manat kredit ayırıb.

Samir Ələkbərov Bəxtiyar Abbasovdan 75 min manat alıb ki, gələcəkdə həmin kreditlər birləşdiriləcək və illik 7 faizlə hesablanacaq. Həqiqətən də həmin məbləğlər birləşdirlib və 300 min dollar kreditin verilməsi ilə bağlı təsərrüfatla bank arasında 7 may 2008-ci il tarixdə H 58 saylı kredit müaviləsi hesablanıb.

Müqaviləyə uyğun olaraq 300 min dolların 7 illiyə və 13 faizlə verilməsi rəsmiləşib. Ancaq faktiki olaraq pul təsərrüfatın hesabına köçürülməyib və bununla bağlı heç rəsmi sənəd də yoxdur.

Bankın guya 300 min dollar kreditin təsərrüfata verilməsi ilə bağlı məhkəmə iddiasını 26 dekabr 2018-ci ildə Bakı Apellyiyasiya Məhkəməsi rədd edib təsərrüfatı haqlı çıxardıb. Ancaq bu qərarı Ali Məhkəmənin Mülki Kollegiyası ləğv edərək işi baxılmaq üçün yenidən Apellyasiya məhkəməsinə göndərib”.

Müraciət müəllifləri deyir ki, qətnamə Ali Məhkəmənin sədri Ramiz Rzayevin göstərişi ilə ləğv edilib və əsas kimi, bankın nizamnamə kapitalının 50 faizinin “Paşabank”a məxsus olması göstərilib:

“Cənab prezident, “Paşabank” tərəfindən Ramiz Rzayevə bu məsələ ilə bağlı hər hansı bir tapşırıq verilməyib. Bu Ali Məhkəmə sədrinin özbaşınalığıdır. Xahiş edirik, bu məsələni şəxsi nəzarətinizə götürüb, hüquqlarımızın bərpasına yardım edəsiniz”.

Müraciəti Zəngilandan olan məcburi köçkünlər Bəxtiyar Abbasov, Təranə Ərizanova, Eldar Cəfərquliyev, Ağdamdan olan məcburi köçkün Yelmar Babayev imzalayıb.

“Muğanbank” ASC “Odlar Yurdu” universitetinin retktoru Əhməd Vəliyevin nəzarətindədir. Bankın Müşahidə Şurasının sədri və səhmlərin 63.5 faizinin sahibi Əhməd Vəliyevin kürəkəni Mehdiyev Elmir Maqbet oğludur.

Əhməd Vəliyevin qızı Vəfa Vəliyeva isə səhmlərin 12,05 faizinə, rektorun qudaları Mehdiyev Maqbet Rəhim oğlu səhmlərin 13.10 faizinə, Mehdiyeva Fəridə Cahandar qızı isə11.35 faizinə sahibdir.

Bölmənin digər xəbərləri

26 May 2020 Avropa İttifaqı vətəndaşlarının 60 faizi maliyyə problemləri yaşayır- Koronavirus böhranına görə
26 May 2020 Deputat köməkçilərinin maaşı açıqlandı
26 May 2020 Ev tikənlərə ŞAD XƏBƏR: Qiymətlər endi - VİDEO
26 May 2020 2020-ci ildə mobil rabitə xidmətlərindən əldə edilən gəlir 2,6% azalacaq
24 May 2020 Pandemiya zamanı ən çox qazanan milyarderlərin adları açıqlandı
24 May 2020 AZAL: "Sərnişinlərə aviabiletin dəyərində vauçerlər və ya pul vəsaitinin qaytarılması təklif olunur"
24 May 2020 Ölkəyə gətirilən tibbi ləvazimatlara görə daha bir ay gömrük rüsumu ödənilməyəcək
24 May 2020 Acarıstan “yaşıl zona” elan edildi
23 May 2020 Azərbaycanla Türkiyə bəzi mallara görə rüsumları sıfırlayacaqlar
23 May 2020 Bakının ictimai iaşə dövriyyəsi 27%-dən çox azalıb – Statistika İdarəsi
22 May 2020 DİQQƏT: Bu mağazalarda ƏDV-ni geri almaq olur
22 May 2020 Rusiyanın ən varlı varisi azərbaycanlıdır! Forbes belə deyir
22 May 2020 STP tarixində ilk dəfə olaraq Misirə məhsul ixrac edib
21 May 2020 Bakıda “Kənddən Şəhərə” Ramazan yarmarkası keçiriləcək
21 May 2020 Pandemiya kölgə iqtisadiyyatını necə faş etdi… – Təkcə Azərbaycanda deyil, o cümlədən ABŞ-da
20 May 2020 Bazarda sürətlə bahalaşma – VİDEO
20 May 2020 Bank əmanətlərinin qaytarılmasında “OTKAT” MEXANİZMİ: - “Rüşvət müqabilində güzəştlər...”
20 May 2020 Türkiyə Çinin yerini tuta bilər - Ekspertdən inanılmaz
20 May 2020 Koronavirus onları da "vurdu": "İstənilən qiymətə satmağa hazırıq"
19 May 2020 Almaniya və Fransa Avropanın iqtisadiyyatını xilas etmək istəyir

Dünyapress TV

Xəbər lenti