d957dc0e2e8efdcdd9352050902e4df4.jpg

Şirkəti ermənilərə un göndərib?

Sabiq deputat, tanınmış iş adamı  Əsabil Qasımovun adı yenidən mətbuatın gündəmindədir. Bu dəfə onun adı Qarabağın ərazisində yaşayan ermənilərə paylanan un məhsulları ilə bağlı gündəmə gəlib. Məsələ burasındadır ki, Xankəndində yaşayan ermənilərə Rusiya tərəfindən göndərilən humanitar yardımla bağlı yayılan fotolarda qalaqlanmış un kisələrinin üzərində aydın şəkildə “Karmen” sözü oxunur.

“Karmen” ticarət markası keçmiş deputata məxsus “Karat” MMC-yə məxsusdur və onun çoxsaylı dəyirmanlarında istehsal olunan un və un məhsulları bu adla satışa çıxarılır. Rusiya Müdafiə Nazirliyinin yardımla bağlı yaydığı fotolardan birində görünür ki, Əsabil Qasımovun şirkətinin istehsal etdiyi “Karmen” unu ermənilərin istifadəsindədir. Həmin unların kisələrlə Rusiya tərəfindən humanitar yardım olaraq Xankəndinə aparıldığı və ya ermənilərin digər mənbədən əldə etdikləri bilinmir.

Əsabil Qasımov deputat olduğu zamanlardan bəllidir ki, o, Azərbaycandan kənarda özünə geniş biznes yaradıb. Sabiq deputatın 2010-cu ildən Qazaxıstanda “Carkulskiy Elavator” taxıl kombinatı fəaliyyət göstərir. “Carkulskiy Elavator” Qazaxıstanın ən böyük taxıl istehsalçısı olan Kustanay vilayətinin Fyodrovka rayonunda yerləşən 4 iri kombinatdan biridir. Günlük taxıl qəbulu, qurudulması və təmizləmə gücü 6 min ton təşkil edir.

“Carkulskiy Elavator”un əsas səhmdarları eks-deputata məxsus “Karat”, “Karmen”, “Aveta” və “Gəncə Dəyirman” məhdud məsuliyyətli cəmiyyətləridir. Digər səhmdarlar arasında fiziki şəxslərdən Əsabil Qasımov və 10-a yaxın qohumu var. Həmin məhsulların Rusiya tərəfindən Qazaxıstandan alınaraq Ermənistana, oradan isə Xankəndində yaşayan ermənilərə çatdırılması istisna deyil.

Digər bir versiyaya görə, Xankəndinə “Karmen” unları Gürcüstandan aparılıb. Əsabil Qasımovun Gürcüstanda 3 min hektara yaxın torpaq sahəsinin olduğu deyilir. Bu baxımdan “Karmen” un və un məhsulları məhz Gürcüstan vasitəsilə Ermənistana, oradan isə Xankəndinə aparıla bilər. Gürcüstan bazarının un tələbatının 50 faizinin Əsabil Qasımovun şirkətinin nəzarətində olduğu haqda da məlumatlar var. Gürcüstan bazarından ermənilər tərəfindən un alınaraq, Ermənistan ərazisi vasitəsilə Dağlıq Qarabağda olan mülki ermənilərə satılır. Bu problem əvvəllər də yaranıb. Son 10 il ərzində Əsabil Qasımov Milli Məclisin üzvü olduğu dönəmlərdə də dəfələrlə onun şirkətinin istehsalı olan un və un məhsullarının Ermənistanda satışda olması haqda xəbərlər, fotofaktlar yayılıb.

Əsabil Qasımov ermənilərə “Karmen” unu göndərir? - FOTO | No Comment

Hətta Əsabil Qasımov deputat kreslosunda oturduğu günlərdə belə iddialar da vardı ki, “Karmen” sözündəki ilk hərfi, yəni “K”nı çıxdıqda “Armen” sözü alınır və ticarət markası olaraq da adın seçilməsi bu məqamdan qaynaqlanıb. 

Bununla belə, uzun illərdir ki, Əsabil Qasımovun müxtəlif dövlətlərin ərazilərində yerləşən şirkətlərinin istehsalı olan un məhsullarının Ermənistanda satılmasına münasibəti bəlli deyil. Onun bu məsələdə biznes maraqlarını, yoxsa milli maraqları əsas götürməsi də bilinmir. Gedişat belə ehtimal irəli sürməyə imkan verir ki, eks-deputat daha çox biznes maraqlarına üstünlük verir.

Deputatın milyonluq “oyunu”: “Pulumu yeyiblər”

Xatırladaq ki, Əsabil Qasımovun sahibi olduğu “Karat Holdinq”in tərkibinə-Karat MTK, İdeal MMC, İzmir MMC (tikinti şirkətləri); Azinvest Tikinti Şirkəti; Everest-M, Şin Servis (armatur alğı-satqısı); Karmen MMC (dəyirman və un alğı-satqısı); Hökməlidə Makaron Fabriki, Hökməlidə Kisə Fabriki; ASTEL MMC (Məhəmmədi, Mehdiabad və Şamaxıda Quşçuluq Fabrikləri), Taxıl Anbarları və Dəyirman Kompleksləri (Şəkidə, Kürdəmirdə, Marneulidə və Gürcüstanın müxtəlif bölgələrində); Gəncə Fatoğlu (un dəyirmanı); Bakı şəhəri, Zərifə Əliyeva küçəsində 18 mərtəbəli iki Marina Plaza oteli; Zərifə Əliyeva küçəsində ikimərtəbəli restoran; Bakı şəhəri Səməd Vurğun küçəsində Ağ Saray Binası; Bakı şəhəri Xan Şuşinski küçəsi 12, İmran Qasımov küçəsi 16, Qulu Quliyev küçəsi 21, Süleyman Rüstəm küçəsi 61-də yerləşən 18 mərtəbəli dörd bina; İzmir küçəsi 7A və 7B-də yerləşən 19 mərtəbəli iki bina; Zərifə Əliyeva küçəsi 53-də yerləşən 23 mərtəbəli bir bina, Süleyman Rüstəm küçəsi, 61-də yerləşən “Premium Market” daxildir. Gürcüstan bazarını nəzarətdə saxlamağa imkan verən un dəyirmanları da Əsabil Qasımovun ailə şirkəti olan “Karat Holdinq”ə məxsusdur.

E.MƏMMƏDƏLİYEV,
“Yeni Müsavat”

Instagram
 

Bölmənin digər xəbərləri

20 Yanvar 2021 "Balaca padşah"ların yeni QÜRUB DÖNƏMİ... - Bu dəfə kimlərin "başı kötüyə qoyulacaq"...
20 Yanvar 2021 Əli Həşimov borcunu “Lotu Quli”nin məzarı üstündə həyatı ilə ödədi
20 Yanvar 2021 20 Yanvar hadisələrindən 31 il ötür
19 Yanvar 2021 Fevral ayından ali və orta məktəblər açıla bilər - MÜZAKİRƏ
19 Yanvar 2021 AMEA institutlarında yeni rəhbər vəzifələr yaradılıb - AÇIQLAMA
19 Yanvar 2021  Vüqar Səfərli ilə Nadir Məmmədov “içəri”də”, Mehrac Babayev isə...
19 Yanvar 2021 Hacıbala Abutalıbov “Azİmport”la əlbir olub vətəndaşın mülkiyyətini dağıdıb - QALMAQAL
19 Yanvar 2021 Bulvarda heyrətləndirən mənzərə - Xəzərdəki bu vəziyyət nədən xəbər verir? - VİDEO
19 Yanvar 2021 Bu hava axırımıza çıxacaq - ekspertlərdən bədbin proqnoz
18 Yanvar 2021 "Azəriqaz"ın Gəncədəki oyunbazlığı... - İDDİA
18 Yanvar 2021 Əli Həsənov indi onu söyən keçmiş baş redaktorlarından danışdı: "O fikirdə deyiləm ki, hər şeyi ideal etmişəm..."
18 Yanvar 2021 İki gün əvvəl ordudan tərxis olunan könüllü əsgər dünyasını dəyişib - FOTO
18 Yanvar 2021 BU GÜNDƏN SƏRT KARANTİN REJİMİ YUMŞALDILDI - SMS icazə ləğv edildi
18 Yanvar 2021 Aleksey Navalnı Moskvada belə saxlanıldı VİDEO
18 Yanvar 2021 Misirdə üzərində ginekoloji əməliyyat izi olan mumiya aşkarlanıb
17 Yanvar 2021 Milyarder Bencamin Rotşild vəfat edib – FOTO
16 Yanvar 2021 Fevralın 1-dən kafe, restoran və digər məkanlarda müştərilərə yerində xidmətlər bərpa olunur - QƏRAR
16 Yanvar 2021 Azərbaycanda "SMS" icazə ləğv olunur - Operativ Qərargah
16 Yanvar 2021 “Az-Granata”da BÖHRANLI GÜNLƏR... -.. Kütləvi ixtisarlar gözlənilir.
16 Yanvar 2021 Əli Həsənov obyektini 3 milyona satışa çıxarıb

Dünyapress TV

Xəbər lenti