Göygöl ilə Maralgöl arasında basabas  7 kilometrlik yola görə 1 manatlıq “hamam” haqqı
Teref.az yazır ki, doğma Azərbaycanımızın ən görməli-gəzməli yerlərindən birinin, bəlkə də birincisinin Murovdağın quzeyində yerləşən Göygöl olması sirr deyil. Bu gözəl yurd yerinə “dağlar gözəli “ Göygölün tamaşasına gələnlər onun kiçik “bacısı” Maralgölə də baş çəkmək fürsətini əldən vermirlər. Di gəl, iki göl arasındakı 7 kilometrlik yolu qət etmək problemə çevrilib. Özəlliklə tur gəzintisinə çıxanlar vaxt çatışmazlığından, yaşlı və xəstə insanlar sağlamlıq imkanları yol vermədiyindən ayaqla yola çıxmaqdan imtina edirlər. Avtobusların ümidinə bel bağlayanlar isə əsl “hamam effekti” ilə üzləşirlər. Təsəvvür edin, 22 yerlik “Hyunday” avtobusları 60 -a yaxın sərnişini bir -birinin belində elə “daşıyır” ki, heç kimin cınqırı da çıxmır. Qayıdanda da basabasdan ürəyi tutanlar, nəfəsi tıncıxanlar yetərincədir. Özünü avtobusun, 14 yerlik “Qazel”in içinə dürtə bilənlər özlərini elə xoşbəxt sanırlar ki, elə bil bəy hamamına düşüblər. Belə “turist xidməti”ndən kim inciyər ? Pulu pul, minnəti də minnət. 1 manatını ver get basabasla Maralgölü gör, 1 manat ver qayıt eyni basabasla Göygölə. Görəsən, bu basabasa son qoymaq kimin üzərinə düşür? Burada qayda yaratmağı hansı qurum təmin etməlidir?

Xatırladaq ki, bu turizm obyektini daha çox xarici qonaqlar ziyarət edir, “basabas” mədəniyyətimizin hansı durumda təsəvvür edilməsi çətin olmaz. Maralgölə qalxan, kiminin 293, kiminin 363 saydığı pillələri qalxmaqdan bu “basabas mədəniyyəti”nin “hamam effekti” daha çətindir. Pillələri qalxmaq üçün 3-4 manatlıq rahat “at xidməti”ndən yararlanmaq mümkün olsa da, iki göl arasındakı yolu rahat getməyə nəqliyyat vasitəsi tapmaq mümkün deyil.

Görəsən, “ basabas effekti” turistlərdən özgə kimsəni rahatsız edirmi? Yoxsa, bu rahatsızlıqdan qazananlar var. Hər halda 15 dəqiqəyə ortalıq 80 manat gəlir az məbləğ deyil. ..

Məğrur Bədəlsoy
Teref.az

Bölmənin digər xəbərləri

06 Aprel 2020 "Pandemiya şəraitində belə addımlar xəyanət kimi qəbul ediləcək" - Prezident
06 Aprel 2020 İlham Əliyev tibbi maska istehsalı müəssisəsinin açılışını etdi
06 Aprel 2020 Qarabağ əlilinə kassasiya şikayəti verməyə vəkil ayılmır , Ali Məhkəmənin işə baxmasına mane olunur
06 Aprel 2020 "Deputat özünü 15 yaşlı oğlan kimi hiss edir" - DEPUTATIN KÖMƏKÇİSİNDƏN- AÇIQLAMA
06 Aprel 2020 Sumqayıtda yol polisi əməkdaşı qəza törədib - FOTO
06 Aprel 2020 İzacə üçün SMS: 284 min mesaj təsdiq olunmadı - Səbəb
06 Aprel 2020 Deputat:“Milli Məclisdə amnistiya təklifi irəli sürülə bilər”
06 Aprel 2020 Rayonlarda karantin rejimini pozanlar cərimələndi
06 Aprel 2020 SMS müraciətlərində gecikmələrlə bağlı RƏSMİ AÇIQLAMA
05 Aprel 2020 ABŞ-dan DƏHŞƏTLİ GÖRÜNTÜLƏR gəlir - Küçələrdən cəsədlər toplanır və... - FOTOLAR
05 Aprel 2020 Yanğın zamanı özünü binadan atan qadın öldü
05 Aprel 2020 İsgəndər Həmidovun qırxıdır, amma keçirilməyəcək
05 Aprel 2020 Azərbaycana giriş-çıxış tam dayandırılır - RƏSMİ
05 Aprel 2020 Azərbaycanda ailə münaqişəsi - Qadının əl və ayaqları yandı
05 Aprel 2020 "Araz" supermarketində ENDİRİM FIRILDAĞI - FAKT
05 Aprel 2020 Sabahdan yalnız bu taksilər işləyə biləcək
05 Aprel 2020 Azərbaycanda bu şəxslərin də sərbəst hərəkətinə icazə verildi - QAYDALAR
05 Aprel 2020 Türkiyədən korona ilə bağlı xoş xəbər: 800-ə yaxın insan...
04 Aprel 2020 Azərbaycanda koronavirusa yoluxan bölgələr - SİYAHI
04 Aprel 2020 Aprelin 20-dək koronavirusla bağlı vəziyyətdə dönüş nöqtəsi yaranarsa... - İbrahim Məmmədov

Dünyapress TV

Xəbər lenti