Təcavüzkar amerikalı milyarderin türmədəki ölümü ilə bağlı şok iddialar
Tramp nəyə eyham vurur – yaxın dostunun ölümündə günahkar hesab etdiyi şəxslər kimlərdir?
Aralarında yetkinlik yaşına çatmayan qız uşaqlarını da olduğu çox sayda insana qarşı cinsi istismar etmək və seks məqsədi ilə insan qaçaqçılığı etməkdə ittiham edilən aemrikalı milyarder Cefri Epsteynin şənbə günü türmədə ölü tapılması paralel olaraq komplo teoriyalarını da yaradıb. 

Musavat.com Türkiyə mediasına istinadən xəbər verir ki, aralarında ABŞ prezidenti Donald Tramp, Şahzadə Endru və eks ABŞ prezidenti Bill Klintonun da olduğu çoxlu sayda nüfuzlu şəxslə yaxın münasibəti olduğu bildirilən Epsteynin Nyu Yorkdakı türmə kamerasında özünü asaraq intihar etdiyi açıqlanmışdı.
b_400_300_16777215_00_http___teref.az_uploads_posts_2019-08_1565640053_2.jpg
Nyu Yorkdakı federal prokurorlar 2002-2005-ci illər arasında Nyu Yorkdakı evi və Floridadakı malikanəsində aralarında 14 yaşlı qız uşaqlarının da olduğu, yetkinlik yaşına çatmayan şəxslərə pul qarşılığında cinsi münasibətə girməklə bağlı iddiaların yer aldığı iddia ərizəsini keçən ay gündəmə gətirib. Epsteynə 2007-ci ildə də bənzər ittihamlar yönləndirilmişdi. Prokurorluqla anlaşan və əxlaqsız qadınlarla münasibəti, insan alveri ilə bağlı ittihamları qəbul edən Epsteyn mümkün olacaq ömürlük həbs cəzasının yerinə 13 ay həbsə məhkum olmuşdu.

Amerika mediasına görə, 6 iyulda Epsteynin malikanəsində həyata keçirilən axtarış zamana ordan böyük miqdarda nəğd pul, çox sayda brilyant, adına hazırlanmış, yaşayış yeri olaraq Səudiyyə Ərəbistanın göründüyü, vaxtı keçmiş bir saxta pasport ilə yüzlərrlə gənc qadının intim fotoları tapılmışdı. 

Yeni ittihamların ardınca Epsteyn Nyu Yorkdakı evində göz həbsində saxlanmağı tələb edib. Prokuror bu tələbi rədd etdu və Epsteyn iyul ayında həbsə girdi. Epsteyn 23 iyulda boynunda izlər tapıldığı üçün intihar nəzaətinə alınmışdı. İzlərin intihara cəhd, yoxsa hücuma məruz qaldığı üçün yarandığı üzə çıxmaçışdı. Epsteyn türmə rəhbərliyinə bildirdi ki, türmədə pedofik olmaqda ittiham olunduğu üçün döyülüb. Həyata keçirilən psixoloji dəyərləndirmədən sonra, iyul ayında Epsteynin intihar nəzarətindən çıxarıldığı açıqlandı.

CNN telekanalına danışan Cek Danson adlı bir həbsxana psixoloqu intihar nəzarətinin normalda bir-iki gün davam etdiyini bildirərək, “peşə həyatım boyunca bir həftədən artıq davam edən intihar nəzarəti görmədim. Bu tətbiqetmədə məhkum səkkiz saatlıq üç iş günü ərzində, ümumən 24 saat boyunca izlənir. Bu səbəbdən də Epsteynin intihar nəzarəti altında ikən intihar etdiyi iddiaları həqiqət deyil”.

Musavat.com xatırladır ki, intihar nəzarəti məhbusun özünə zərər verməyəcəyi nəticəsinə gəlincə, ortadan götürülür. Amma həm demokratlar, həm də cümhuriyyətçilər “Epsteynin intiharının qarşısı alına bilərdi” deyir. 

Trampın vəkillərindən eks Nyu York Bələdiyyə sədri Rudi Giuliani isə deyib ki, "Epsteynin intihar nəzarətindən çıxarılması bir axmaqlıq idi”. 
Demokrat Partiyasının prezidentliyə namizədlərindən senator Kirsten Gillibrand və Elizabet Varren, bu mövzuda istintaq başladılmasını istəyib. Senator Ben Kardin də “Niyə intihar nəzarətində olmadığını anlamaq çətindir” deyərək, istintaqın nəticələrinin cəmiyyətə açıqlanmasını tələb etdi.

Epsteynin ölümündən sonra komplo teoriyaları ortaya atılıb. Sosial mediada Epstenin başqa məşhur şəxslərin adlarının ortaya çıxmasının əngəllənməsi üçün öldürüldüyü, hətta ölümünün də bir qurama olduğu iddia edilib. 

Həbsxana əməkdaşlarına görə, Epsteyn şənbə günü, səhər saat 06.30-da kamerasında ölü halda tapılıb. Həbsxana işçiləri Epsteyni həyata qaytarmağa çalışsa da, onu xəstəxanaya apardılar və orada öldüyü bildirildi. 

Məsul şəxslər isə Epsteynin intihar etdiyini düşündüklərini söylərkən, rəsmi ölüm sənədi hələ açıqlanmayıb.

Tramp isə bu günlərdə Twitter vasitəsilə maraqlı bir video paylaşıb. Sözügedən videoda mühafizəkar komediyaçı Terrence Vilyams Epsteynin ölümündə keçmiş president Bill Klinton və keçmiş xarici işlər naziri Hillari Klintonu səbəbkar bilib. 

Epsteyn haqqındakı federal məhkəmə qapanıb. Amma Epsteynə təzminat məhkəməsi açmaq hələ də mümkündür. Epsteynin nə qədər sərvəti olduğu bilinmir. Prokurorlar belə Epsteynin nə qədər mal varlığı olduğunu konkretləşdirmədiklərini deyirlər. Məhkəmə sənədlərinə görə, onun Manhattan, Palm Beach, Nyu Mexico və Parisdə evləri, Karib adalarında bir adası, ən azı 15 maşını və özəl təyyarəsi var.

Bölmənin digər xəbərləri

25 May 2020 Son 30 ilin isti yayı və küləkli dövrü gəlir — Səhhətimizə necə təsir edəcək?
25 May 2020 İrəvan Respublikası Millət Şurasının strukturları yaradıldı
25 May 2020 Gürcüstanın Azərbaycanla sərhəd rayonunda zəlzələ olub –3.6 bal gücündə
25 May 2020 İngiltərəyə 17 milyon dollar aparan azərbaycanlı ər-arvad kimdir?
25 May 2020 Moskvadakı silahlı atışmanın görüntüsü yayıldı - Video
25 May 2020 Ruhi xəstə polisə bellə hücum etdi
25 May 2020 Bu şəxslərə hər ay 800 manat ÖDƏNİLƏCƏK - QƏRAR VERİLDİ
24 May 2020 Ağdaşda qəza nəticəsində avtomobil iki hissəyə bölünüb - FOTOLAR
24 May 2020 Baş prokurorun yeni müavinləri - Hərəsi bir ölkədə təhsil alıb — DOSYE
24 May 2020 “Jurnalistlər binası”ndan uçan məhəccər avtomobili zədələdi - FOTO
24 May 2020 Nə sosial məsafəyə riayət edirlər, nə də tibbi maska taxırlar - VİDEO
24 May 2020 Bakıda külək Neftçilər xəstəxanasının dam örtüyünün bir hissəsini uçurub
24 May 2020 Rusiyada soydaşımızı qətlə yetirən erməni hələ də azadlıqdadır - XİN niyə susur?
24 May 2020 Xəzərdə dalğanın hündürlüyü 8 metri keçəcək – XƏBƏRDARLIQ EDİLDİ
24 May 2020 Ukraynada deputat qətlə yetirilib
23 May 2020 “Bəzi imtahanlar üzbəüz keçirilə bilər” – Təhsil naziri
23 May 2020 Nazirlik yoxlamalara başladı - Saxtakarların ifşası gözlənilir...
23 May 2020 Yol polisinin yazdığı cərimələr ləğv olunmalıdır - Baş nazirə müraciət
23 May 2020 Ölən oğlanın əmisi danışdı: "Qulağından QAN GƏLİB" - VİDEO
23 May 2020 "Airbus A320"un qəza yerində sağ uşaq tapıldı - ÜRƏKDAĞLAYAN VİDEO

Dünyapress TV

Xəbər lenti