Ardını oxu...
İŞİD Rusiyanın Moskva vilayətində konsert zalındakı terrorun məsuliyyətini öz üzərinə götürüb.

CNN xəbər verir ki, bu barədə terror qruplaşmasının teleqram kanalında bildirilib.

Terror təşkilatı iddiası ilə əlaqədar heç bir sübut irəli sürməyib.

Bununla belə, Ümum-Rusiya Dövlət Televiziya və Radioyayımı Şirkətinin jurnalisti Andrey Medvedev isə bunun feyk olduğunu iddia edib. Onun fikrincə, bu kimi bəyanatları ciddiyə almaq lazım deyil:

“İslam Dövlətinin rəsmi teleqram kanallarında heç bir məlumatın olmaması ilə yanaşı, Əfqanıstan özəklərinin resurslarında da heç bir açıqlama yoxdur. Üstəlik, hazırda İŞİD hətta Yaxın Şərqdə belə təsirsiz bir strukturdur ki, heç bir rəsmi bəyanat belə 100 faiz ciddiyə alınmamalıdır”.

Xatırladaq ki, Moskva vilayətindəki “Krokus siti holl” konsert zalında terror aktı olub. Hadisədə 40 nəfər ölüb, 100-dən çox insan yaralanıb.(Report)
 
Ardını oxu...
Ukrayna prezidenti Vladimir Zelenskinin aparat rəhbərinin müşaviri Mixail Podolyak Kiyevin “Crocus City Hall”da törədilən terror aktında iştirakını inkar edib.

Bu barədə “strana.ua” məlumat verib.

“Ukraynanın Rusiyanın “Crocus City Hall”-dakı terror aktına heç bir aidiyyəti yoxdur”, – Podolyak vurğulayıb.
Bundan əvvəl rusiyalı politoloq Sergey Markov bildirib ki, “Crocus City Hall”-”da baş verən terror aktını böyük ehtimalla Kiyev təşkil edib.
Ardını oxu...
Gürcüstanın Batumi şəhərində tənzimləyici orqan altı qida müəssisəsini yalnız rus dilində menyu təklif etdiyinə və bununla bağlı xəbərdarlıqlara məhəl qoymadığına görə cərimələyib.SİA-nın əldə etdiyi məlumata görə, bu barədə xəbəri “Azadlıq” radiosunun Gürcüstan xidməti yayıb.Rəqabət agentliyi Batumidə müştərilərə demək olar ki, yalnız rus dilində xidmət göstərdiklərini əsas gətirərək altı müəssisəyə qarşı cərimələr elan edib.Deyilənlərə görə, agentlik hələ 2023-cü ilin noyabrında onlara xəbərdarlıq edib və qanun pozuntularını aradan qaldırmağa çağırıb, lakin onlar bunu müəyyən edilmiş vaxt çərçivəsində etməyiblər.Bəziləri fərdi sahibkar, bəziləri isə MMC kimi fəaliyyət göstərən müəssisələr 600-dən 1800 gürcü larisinə qədər (220-dən 660 dollara qədər) cərimə ödəməli olacaqlar.Qeyd edək ki, Gürcüstan qanunvericiliyi vətəndaşların ölkədə istənilən xidməti dövlət dilində ala bilməsini nəzərdə tutur. Cərimələrin verilməsi ilə bağlı qərar bu restoranları pozuntuları aradan qaldırmaq öhdəliyindən azad etmir. Tələblərə məhəl qoymamağa görə cərimənin nə qədər olacağı açıqlanmır.
 
Ardını oxu...
“Ukraynada baş verənləri 2008-ci ildə Fransa və Almaniyanın keçmiş liderləri Nikolya Sarkozi və Angela Merkel proqnozlaşdırıblar, vəziyyət adamı təəccübləndirir ki, Kiyev neytral qalıb NATO-ya daxil olmaq fikrindən əl çəkməli idimi?”.

Bunu “LCI” telekanalının jurnalisti və “Le Figaro” jurnalının baş redaktoru Qiyom Rokett deyib.

“Hələ 2008-ci ildə ABŞ prezidenti Corc Buş Ukraynanın NATO-ya üzv olmasının tərəfdarı idi, ona Nikola Sarkozi və Angela Merkel cavab verdilər ki, bu, ağılsızlıqdır və Rusiya tərəfindən təxribat kimi qiymətləndiriləcək”, - deyə o qeyd edib.

Xatırladaq ki, əvvəllər Sarkozi dəfələrlə bəyan edib ki, Ukrayna neytral ölkə olaraq qalmalı, Avropa ilə Rusiya arasında körpü olmağa çalışmalıdır.

Mənbə: TASS
 
 
 
Ardını oxu...
Çeçenistan hakimiyyəti sosial şəbəkələrdə isitfadəçilərin qeyri-münasib davranışlarını müəyyən etmək niyyətindədir.

“Cebhe.info” yerli mətbuata istinadən xəbər verir ki, Çeçenistanın Gənclərlə İş üzrə Nazirliyi sosial şəbəkə istifadəçilərinin hərəkətlərini qiymətləndirəcək.

“Qroznı” informasiya agentliyi mənbəyə istinadən xəbər verir ki, sosial şəbəkələrin istifadəçiləri tərəfindən pozuntular respublikanın mədəniyyətini və mentalitetini gözdən salmağa yönəlmiş hərəkətlər kimi başa düşülür.

Nəşr qeyd edir ki, Çeçenistanın gənclərlə iş üzrə naziri Axmat Kadırov “Bigo Live” və “Likee” kimi məşhur platformaları yoxlamağı əmr edib. Nəşr qaydaları pozanlarla maarifləndirmə işlərinin aparılacağını bildirir.
 
Ardını oxu...
Avronest Parlament Assambleyasının (PA) Siyasi məsələlər, insan hüquqları və demokratiya komitəsinin hazırladığı məruzədə "Dondurulmuş Dağlıq Qarabağ münaqişəsi" ifadəsi çıxarılıb.

"DogruXeber.az"ın  xəbərinə görə, Belçikanın Brüssel şəhərində keçirilən Avronest Parlament Assambleyasının 11-ci sessiyasında komitələrin məruzələri dinlənilib və növbəti məruzələrin mövzuları müəyyən edilib.

Siyasi məsələlər, insan hüquqları və demokratiya komitəsinin hazırladığı məruzədə regional təhlükəsizlik məsələləri öz əksini tapıb. Azərbaycan nümayəndə heyətinin təklif etdiyi və səs çoxluğu ilə qəbul edilən dəyişikliklər nəticəsində məruzədən "dondurulmuş Dağlıq Qarabağ münaqişəsi", "Azərbaycan-Ermənistan sərhədlərinin müəyyən edilməsində Alma-Ata deklarasiyasına istinad etmə", "sülh danışıqlarının yalnız Brüsselin vasitəçiliyi ilə aparılması" kimi ifadələr çıxarılıb.

Əvəzində isə Azərbaycan-Ermənistan münasibətlərinin normallaşması prossesinə hər kəsin dəstək verməli olduğu, bu prossesin beynəlxalq hüquq normalarına uyğun aparılması məruzədə öz əksini tapıb.

Müzakirədə çıxış edən Milli Məclisin deputatları - Tahir Mirkişili, Tural Gəncəliyev, Nurlan Həsənov regionda təhlükəsizliyin təşəkkül tapmasında Azərbaycanın müstəsna rolunu qeyd edərək bunun möhkəmlənməsi üçün Azərbaycan-Ermənistan arasında sülh müqaviləsinin imzalanmasını və regional kommunikasiyaların açılmasının vacibliyini vurğulayıblar.
Ardını oxu...
Artıq 2 ildən çoxdur ki, Ukrayna müharibəsi davam edir. Proses başladığı zaman vurğuladığımız kimi, bu, Ukraynadan daha çox ABŞ-la, kollektiv Qərblə Rusiya arasında gedən müharibədir. Sonrakı proseslər də bunu təsdiqlədi.

Bu sözləri Axar.az-a Ukrayna müharibəsinin gedişatı haqqında danışan Türkiyənin ölkəmizdəki keçmiş hərbi attaşesi, general-leytenant Yücel Karauz deyib.

General müharibənin ABŞ-dakı prezident seçkilərinədək nəzarətdə saxlanacağını bildirib:

“NATO-nun genişlənməsi Rusiyanın sıxışdırılmasına xidmət edir. Bunu bir həddə qədər Moskva qəbul edə bilər, ancaq sonra daha sərt cavab verməsi mümkündür. Bunlarla yanaşı, ABŞ Fransadan müharibənin daha da uzanması üçün istifadə edir. Belə ki, rəsmi Paris müharibəni qızışdırmaq üçün addımlar atır. Fransa Rusiya ilə az qala adı qoyulmamış müharibə halındadır və Ukraynaya ordu göndərməkdən danışır. Rusiya isə qarşılıq olaraq nüvə silahından istifadə ilə təhdid edir. Rusiyanın dar məqamda taktiki nüvə silahından istifadəsi bəlkə də mümkündür, lakin bu məsələ o qədər asan deyil. Çünki nəticə olaraq bütün dünya məhv ola bilər. Qarşıdan ABŞ-da seçkilər gəlir və bu seçkilər digərlərindən daha gərgin keçəcək. Ona görə, fikrimcə, Ukrayna və Rusiya arasındakı gərginliyin nəzarət altında saxlanılacağını düşünürəm. Hazırda Qərbin müharibənin əvvəlində olduğu kimi qarşılıqsız dəstəyi yoxdur. Digər tərəfdən ABŞ-a əlaltılıq edən Fransa Cənubi Qafqazdan Rusiyanı mühasirəyə almaq üçün Ermənistandan istifadə edir. Belə gərginliyin ABŞ-da seçkilərin nəticəsi bəlli olanadək davam edəcəyini düşünürəm. Bundan sonra isə müharibə yeni mərhələyə daxil olacaq”.

Facebook
Ardını oxu...
Ermənistan rəsmi olaraq KTMT-nin üzvüdür, baxmayaraq ki, Paşinyan bu təşkilata üzvlüyün dondurulduğunu deyir. KTMT-nin baş katibi İmanqali Tasmaqambetov sonuncu dəfə ötən il dekabrın 21-də Ermənistana gəlib. Ermənistanda yalnız xarici işlər naziri Ararat Mirzoyan KTMT baş katibini qəbul edib. Əvvəllər KTMT katiblərini qəbul edən Paşinyan onunla görüşməyi lazım bilməyib, bununla da KTMT-yə mənfi münasibətini vurğulayıb. Tasmaqambetovu Ermənistanın müdafiə naziri belə qəbul etməyib. Bu, müttəfiq qurumun yüksək vəzifəli şəxsini təhqir etməkdir.

Bu sözləri erməni politoloq Avetis Babacanyan deyib.

O bildirib ki, KTMT baş katibini təhqir edən Paşinyanın NATO-nun baş katibi ilə görüşməsi, həm də onunla birgə mətbuat konfransı keçirməsi Rusiya üçün böyük təhqirdir.
 
Ardını oxu...
Rusiyada keçirilən prezident seçkisində Vladimir Putinin yenidən qələbə qazanması ilə Moskvanın bundan sonrakı geosiyasi doktrinası daha da sərtləşə bilər.
Çünki Putinin rəqibsiz daxili siyasi mühitdə qələbə qazanması Kremlin apardığı siyasətin Rusiya cəmiyyəti tərəfindən dəstəklənməsi tendensiyasını gücləndirəcək.
Rusiya əsasən Ukraynada apardığı hərbi kampaniyanın öz xeyrinə dinamik cəbhə xətti kimi qalmasını asanlaşdırmaqdan ötrü yeniliklər edə bilər.
Bu o deməkdir ki, Kreml Ukraynada uzun sürən müharibə üçün informasiya şərtləri yaradıb cəmiyyəti buna inandırmaq üçün təbliğat materiallarını çoxaldacaq.
Əgər Rusiya Ukraynadakı müharibədə can atdığı geosiyasi nəticələri əldə etsə, onda Kreml praktiki ambisiyalarını postsovet məkanından Avropanın içərilərinə doğru uzanan zolaq boyunca davam etdirəcək.
Moskva üçün xarici dəstəklər də vacibdir, buna görə də, Rusiyanın ən çox İran, Çin və Şimali Koreya ilə hərbi-texniki əməkdaşlıq xəttini gücləndirəcəyi ehtimal edilir.
Bunun fonunda Rusiya NATO-nun Ukraynada ata biləcəyi radikal addımlara qarşılıq olaraq nüvə ritorikasını radikallaşdıracaq.
Kremlin buradakı məqsədləri təkcə çəkindirmə deyil, həm də Qərbi danışıqlara cəlb etməkdir.
Yox, əgər NATO ilə Rusiya arasında birbaşa qarşıdurma ehtimalı ciddidirsə, o zaman Rusiya uzunmüddətli müharibə aparmaq üçün hücum və müdafiə komponentlərinə ciddi nəzər salacaq.
Bu, birbaşa Rusiyanın maraq dairəsinə daxil olan regionlarda Kreml havasını gücləndirə və Moskvanın müxtəlif üsullarla taktiki manevrlərə həvəsləndirə bilər.
Rusiya xarici siyasətinin ambisiyalı gündəlik əsasında davam etdirilməsi üçün ABŞ-dəki prezident seçkisini də həyəcanla və diqqətlə izləyir. Rusiya ABŞ-də Konqreslə Ağ Ev arasında hökm sürən və getdikcə dərinləşən gərginliyə təbliğat materialları ilə daha tünd fon verməyə çalışacaq.
Beləliklə, Kreml nəyin bahasına olursa-olsun ABŞ-dəki seçki prosesinə barmaq uzatmağa, Ukraynadakı vəziyyəti ABŞ-nin boynuna yıxmağa həvəslidir.
Rusiyaya qarşı Qərbin tətbiq etdiyi sanksiyaların praktiki ölçüsünün effektiv olmaması isə Moskvanın əlini-qolunu daha geniş açmağa şərait yaradır.
Hərçənd ki, Qərb Putinin seçkidəki qələbəsindən sonra Rusiyaya qarşı müstəsna performans göstərə bilmək potensiallarını araşdırır.
Bu araşdırmaların Moskva əleyhinə geoiqtisadi ölçülü böyük nəticə hasil etməsi isə sual altındadır, çünki heç bir təzyiq Rusiyanı Ukraynada apardığı müharibədən çəkindirmir.
Putin üçün də oxşar bir sual açıq qalır: Görəsən, Rusiyanın Ukraynadakı müharibəsi NATO-nun təməl daşlarını aşındıra biləcəkmi?
NƏTİCƏ
Putinin qələbəsindən sonra Moskvanın xarici siyasətini daha da radikallaşdıracağı düşünülür.
Bununla belə, Rusiya və Qərbin bir-birini geri oturtmaq üçün həmlələrinin miqyasını indiki zamanda təsvir etmək o qədər də asan deyil.
Amma bu dəqiq hesab oluna bilər ki, Rusiya ilə NATO rəqabət aparan tərəflər kimi bir-birlərinin daha güclü və ən zəif tərəflərini tanımaq üçün imkanları genişləndirəcək.
Bu, tərəflərin maksimum resurs yaratmaq strategiyalarını yenidən müəyyən edəcəyi deməkdir.
Aqşin Kərimov
TEREF
 
Ardını oxu...
“KTMT-nin Azərbaycanla yeni müharibə olacağı təqdirdə Ermənistana kömək edəcəyi ehtimalı azdır”.

Bunu rusiyalı ekspert, politoloq Aleksey Naumov NEWS.ru-ya bildirib.

O, Ermənistanın baş naziri Nikol Paşinyanın Azərbaycanla yeni müharibə ehtimalına dair bəyanatını belə şərh edib.

Politoloq qeyd edib ki, söhbət Azərbaycana məxsus olan və çox güman ki, delimitasiya və demarkasiya komissiyasının işi çərçivəsində geri qaytarılacaq kəndlərdən gedir.

“Düşünürəm Paşinyan anlayır ki, o, müharibə edəsi, KTMT-dən kömək istəyəsi halda deyil. O, Ermənistanın qaytarmalı olduğunu dinc yolla qaytaracaq. Paşinyan ağıllı və savadlı siyasətçidir. O, başa düşür ki, indi Ermənistanın bu bölgədən kənara çıxmaq imkanı yoxdur. Təbii ki, Rusiya bu işdə ona dəstək verməyəcək və Qərb istəsə belə, bunu edə bilməyəcək”, – Naumov bildirib.
 
 
 

Dünyapress TV

Xəbər lenti