"Proses Rusiyanın maraqlarına uyğun cərəyan edəcək"
Aprelin 7-də Rusiya prezidenti Vladimir Putin Ermənistanın baş naziri Nikol Paşinyanı Moskvada qəbul edəcək. Onların Qarabağdakı problemlərin həlli ilə bağlı addımları, ötən ilin noyabrın 10-da və bu ilin yanvarın 11-də imzalanmış üçtərəfli razılaşmaların icrasını, habelə inteqrasiya proseslərini müzakirə edəcəkləri gözlənir.
"Azərbaycanı yalnız bu maraqlandırır"
Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Aydın Mirzəzadə "Turan" agentliyinə deyib ki, Azərbaycan üçün qonşu Ermənistan rəhbərliyinin Rusiyaya səfərində maraqlı məqam ancaq Ermənistanın 10 noyabr və 11 yanvar sazişləri ilə üzərinə götürdüyü öhdəliklərinin yerinə yetirilməsidir: "Azərbaycanı yalnız bu maraqlandırır. Qalan məsələlərdə Rusiya ilə Ermənistan arasındakı münasibətlər onların daxili işidir".
Deputatın sözlərinə görə, üçtərəfli sazişlərə əsasən Ermənistanın üzərinə götürdüyü öhdəliklərinin yerinə yetirilməsi prosesi hələ ki, normal gedir: "Azərbaycanı ciddi narahat edən hər hansı bir məqam yoxdur. Ortaya çıxan hər hansı cari məsələlər isə operativ sürətdə Rusiya ilə danışıqlar nəticəsində öz həllini tapır".
"Proses Rusiyanın maraqlarına uyğun cərəyan edəcək"
Politoloq Şahin Cəfərli də AzadlıqRadiosuna bildirib ki, sözügedən üçtərəfli sənədlərdə əldə olunan razılaşmalar hələ ki, çox təzədir: "10 noyabr bəyanatından cəmi beş ay keçib. Bu qısa müddət ərzində onun bütün müddəalarının problemsiz icra olunacağını gözləmək doğru olmazdı. Sənədin icrası davam edir".
Ekspert hesab edir ki, sülhməramlı qüvvələrini Qarabağa yerləşdirdikdən sonra hal-hazırkı mərhələdə Rusiyanın əsas maraqlarından biri də regionda kommunikasiyaların açılması, nəqliyyat əlaqələrin bərpasıdır: "Bu proses tamamilə Rusiyanın nəzarətində və Rusiyanın maraqlarına uyğun cərəyan edəcək. Yəni, 10 noyabr və 11 yanvar razılaşmaları tam əsas verir ki, proses Rusiyanın nəzarətində keçsin. O cümlədən də, Naxçıvan Muxtar Respublikası ilə Azərbaycanın digər hissəsi arasında Ermənistan ərazisindən keçəcək yolun açılması da Rusiyanın nəzarətində olacaq. Yəni, həmin yola Rusiya sərhədçiləri nəzarət edəcəklər".
"Rusiya həmin yolu çox asanlıqla bağlaya da bilər"
Ş.Cəfərli Azərbaycan və Türkiyənin maraqları baxımından Naxçıvan ilə Azərbaycanın digər hissəsi arasında Ermənistan ərazisindən keçəcək yolun böyük bir strateji məna kəsb etdiyinə inanmır: "Aydındır ki, Rusiya öz maraqları tələb etdiyi təqdirdə həmin yolu çox asanlıqla bağlaya da bilər. Amma hazırkı mərhələdə Rusiya razılaşmaların icra olunmasının tərəfdarıdır".
"Bu məsələ Paşinyanla Putin arasında müzakirə olunacaq..."
Politoloqa görə, Ermənistandan keçəcək həmin yolun açılmasına müqavimət var: "Ermənistan toplumunda bunu qəbul etməyən qüvvələr çoxdur, onlar bu razılaşmanın icrasına qarşı çıxırlar və bu baxımından problem yaranıb. Yəqin ki, bu məsələ Paşinyanla Putin arasında müzakirə olunacaq əsas mövzudur".
Ekspert hesab edir ki, Azərbaycanla Ermənistan arasında hazırda müəyyən problemlər var: "Məsələn, hərbi əməliyyatlardan sonra yaxaladığımız diversantlar məsələsi var. (Ermənistan onları hərbi əsir, Azərbaycan isə terrorçu sayır) Ermənistan onları təhvil verməyimizi tələb edir, Azərbaycan hökuməti isə razılaşmır. Bu, hal-hazırda münasibətlərdə problem yaradan detallardan biridir. Bu məsələ də yəqin ki, müzakirə olunacaq".
Xatırlatma
2020-ci ildə Azərbaycan və Ermənistan silahlı qüvvələrinin təmas xəttində ağır döyüşlər başlamışdı. 44 günlük bu müharibə, sonrakı razılaşma nəticəsində Azərbaycan Dağlıq Qarabağın bir hissəsinə və ətraf 7 rayona nəzarəti ələ alıb. Həmin ilin 10 noyabr razılaşmasına (Azərbaycan, Ermənistan və Rusiya rəhbərləri arasında) əsasən, Laçın dəhlizində və qoşunların təmas xəttində Rusiya sülhməramlıları yerləşdirilib. Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qaldığı bildirilir. Bu il yanvarın 11-də də tərəflər üçtərəfli bəyanat imzalayıblar. Həmin bəyanat isə, əsasən, regionda nəqliyyat infrastrukturunun, iqtisadi əlaqələrin bərpa və genişləndirilməsini nəzərdə tutur.
Qarabağ münaqişəsi Ermənistanın Azərbaycana ərazi iddiaları ilə 1988-ci ildə başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Bölmənin digər xəbərləri

12 Aprel 2021 Ekspert Stanislav Pritçin: “Qarabağda hərbi əməliyyatların bərpası riski minimumdur”
12 Aprel 2021 Xankəndidə mənzillərin qiyməti ucuzlaşdı - YENİ QİYMƏTLƏR
11 Aprel 2021 Yarımçıq qalan missiya - Erməni diversantların qaytarılması ilə bağlı Rusiyanın vasitəçiliyi niyə baş tutmadı?
10 Aprel 2021 Qarabağ Qazisindən İsa Sadıkovun "türklər olmasaydı" atmacasına SƏRT İTTİHAM... - "Bu qələbənin bir müəllifi var..."
10 Aprel 2021 Əli ətəyindən uzun Rüstəm Muradov... - Rusiyadan sürpriz zəng... və gözlənilməz səfər
10 Aprel 2021 Azərbaycan “bu gənc xanımı yedirərsə”, o, bizimlə rəqs edəcək - “Artsax”ın gələcəyi...
09 Aprel 2021 “Lazım gəlsə, Rusiya ilə müharibədən çəkinməməliyik”
08 Aprel 2021 Ermənilərin Ağdabanda azərbaycanlılara qarşı kütləvi qırğın törətməsindən 29 il ötür
07 Aprel 2021 “Bu, Qarabağda yeni risklər yarada bilər” - Muradov “iş” başında
07 Aprel 2021 Fransız vəkillər Qarabağda beynəlxalq hüquqa riayət olunmasını tələb edirlər
04 Aprel 2021 Xocalı aeroportunda Rusiya və Ermənistan bayraqları dalğalanır, üstəlik…-FOTO
04 Aprel 2021 Azərbaycanın addımı Rusiyanı hərəkətə keçirdi - Putin fikrini dəyişib?
03 Aprel 2021 Cəbrayıl rayonunun Horovlu kəndinin görüntüləri – VİDEO
02 Aprel 2021 Babamın dırnağı sənin başından qiymətlidir!
02 Aprel 2021 “Paşinyanı “Qarabağ- Ermənistandır və nöqtə” deməyə arvadı məcbur etdi…”
31 Mart 2021 “Kəlbəcər bizim olmayıb. Bunu bütün dünya deyir…”- Erməni deputat
31 Mart 2021 Erməni deputatın Azərbaycanla inək davası – VİDEO
30 Mart 2021 Ermənilər qədim yaşayış məskənimizdən oğurluq ediblər
27 Mart 2021 SÜLHMƏRAMLILARDAN NÖVBƏTİ ANTİ-AZƏRBAYCAN QƏRARI... - Terrorçu rejimin kriminal ünsürlərilə birgə hərəkət edəcəklər!
26 Mart 2021 “RİA Novosti” Simonyanla birlikdə Putinə qarşı və erməni separatçılarının tərəfində

Dünyapress TV

Xəbər lenti