Rəsmi Bakı daha erməni dəcəlliyinə dözmək fikrində deyil... - GƏLİŞMƏ
Azərbaycan prezidenti, Ali Baş Komandanı İlham Əliyevin təsdiqlədiyi plana əsasən, mayın 18-dən 22-dək Azərbaycan Ordusunun genişmiqyaslı əməliyyat-taktiki təlimləri keçiriləcək.

Bu barədə Müdafiə Nazirliyi məlumat yayıb. 4 günlük təlimlərə 10 min nəfərədək şəxsi heyət, 120-dək tank və digər zirehli texnika, 200-dək müxtəlif çaplı raket və artilleriya qurğusu, reaktiv yaylım atəş sistemi və minaatanlar, 30-dək ordu və cəbhə aviasiyası və müxtəlif təyinatlı pilotsuz uçuş aparatları cəlb olunacaq.

Keçirilən təlimlər zamanı döyüş hazırlığı, əməliyyatların planlaşdırılması və hərtərəfli təminatı, müxtəlif qoşun növləri və qismlərinin idarəetmə orqanlarının qarşılıqlı əlaqəsi, həmçinin təlimlərin şərtlərinə uyğun olaraq yaradılan zərbə qruplaşmalarının atəş və manevr imkanları yoxlanılacaq. Təlimin niyyətinə əsasən düşmənin əməliyyat düzülüşünün bütün dərinliyindəki müəyyən istiqamətlərdə qoşunların tətbiqi, kütləvi raket və artilleriya, aviasiya bomba-həmlə zərbələrinin endirilməsi, həmçinin silahlanmada olan yüksək dəqiqliyə malik vasitələrin istifadəsi nəzərdə tutulur. Müxtəlif təlim mərkəzləri və poliqonlarda qoşunların praktiki fəaliyyətləri yoxlanılacaq.

*****

Qeyd edək ki, az öncə müdafiə naziri, general-polkovnik Zakir Həsənov və Azərbaycan prezidentinin hərbi məsələlər üzrə köməkçisi, general Məhərrəm Əliyev birgə qısa zaman kəsiyində iki dəfə cəbhə bölgəsində olub, silahlı qüvvələrimizdəki vəziyyətlə, o sırada ordumuzun maddi-texniki təchizatı, döyüş hazırlığı, hərbçilərimizin mənəvi-psixoloji durumu və döyüş ruhu ilə yaxından tanış olublar. Ordumuzun işğalçı qüvvələrə hər an layiqli cavab verməyə qadir olduğuna bir daha əminlik hasil edilib.

Budəfəki genişmiqyaslı təlimlər rəsmi İrəvanın Qarabağ danışıqlarını sabotaj elədiyi dövrə təsadüf eləməsi ilə ikiqat önəm kəsb edir. Gerçək belədir ki, Ermənistan sülh prosesindən faktiki olaraq çıxıb, dinc nizamlama prosesini irəli aparmaq üçün heç bir ümid, şans saxlamayıb. Bu da ərazisinin 20%-i illərdir işğal altında olan, dünyanın 52-ci güclü ordusuna sahib Azərbaycana istənilən vaxt hərbi gücə əl atmaq üçün əlavə əsaslar verir. Üstəgəl, hərbi analitiklərə görə, indi əməliyyatlar üçün ən əlverişli mövsüm başlayıb.

Qısası, Azərbaycanın beynəlxalq hüquqa, nüfuzlu beynəlxalq təşkilatların Dağlıq Qarabağa dair qərar və qətnamələrinə söykənərək öz ərazilərini güc yolu azad eləməyinə qarşı heç bir siyasi əngəl qalmır. Bu xüsusda Bakıdan İrəvana rəsmi səviyyədə də xəbərdarlıq mesajları verilməkdədir.

*****

“Ermənistan öz aqressiv ritorikası ilə ATƏT-in Minsk Qrupunun həmsədr ölkələrinin Dağlıq Qarabağ münaqişəsinin nizamlanması üzrə fəaliyyətinə zərbə vurur”. Bunu Azərbaycan prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “EurActiv” portalına müsahibəsində deyib.

Danışıqlarda irəliləyiş üçün İrəvanın konstruktiv fəaliyyətinin olmamasından təəssüfləndiyini bildirən H.Hacıyev deyib ki, Ermənistan nizamlama prosesindən geri çəkilir. Prezidentin köməkçisi vurğulayıb ki, münaqişənin yeganə həlli yolu Azərbaycanın işğal olunmuş ərazilərinin azad edilməsi, Ermənistan qoşunlarının həmin ərazilərdən çıxarılması və məcburi köçkünlərin doğma yurdlarına qaytarılmasından başlayaraq mərhələli nizamlanmadır.

Onun fikrincə, Dağlıq Qarabağda keçirilmiş qondarma “seçkilər” bir daha göstərib ki, Azərbaycanın işğal edilmiş ərazilərində yaradılmış qanunsuz rejim cinayətkar birləşmədən, Ermənistanın siyasi rəhbərliyinin mafioz klanının tərkib hissəsindən başqa bir şey deyil: “İşğal olunmuş Dağlıq Qarabağda gümüş mədənlərinin istismarı və qiymətli metalların qanunsuz ixracı artıq ənənəyə çevrilib. Bu sahədən qazanılan gəlir Ermənistanın siyasi rəhbərliyinin gizli fəaliyyətinin maliyyələşdirilməsi üçün istifadə olunur”.

Prezident köməkçisi bir daha Bakının Qarabağla bağlı mövqeyinin qəti və dəyişməz olduğunu xatırladıb. “Bu mövqe prezident İlham Əliyev tərəfindən müəyyən olunub. Konflikt Azərbaycanın ərazi bütövlüyü və suverenliyi çərçivəsində həllinin tapmalıdır. Danışıqlar qeyri-müəyyənliyədək davam edə bilməz. Azərbaycanın səbri sonsuz deyil. Ermənistanla 26 ildir aparılan danışıqlar elə Azərbaycanın güzəştidir”, - deyə o, düşmən tərəfə sərt ismarış göndərib və əlavə edib ki, Bakı BMT Nizamnaməsinin 51-ci bəndində göstərildiyi kimi, özünün beynəlxalq miqyasda tanınmış sərhədləri çərçivəsində ərazi bütövlüyü və suverenliyinin bərpası üçün bütün vasitələrdən istifadə edəcək, nəticələrə görə məsuliyyət isə bütünlüklə Ermənistanın üzərində qalacaq.

Ordumuzun pandemiyaya baxmayaraq, keçirməyə hazırlaşdığı növbəti irimiqyaslı təlimlər bu xüsusda düşmənə bəlkə də sonuncu xəbərdarlıqdır. Çünki günün birində genişmiqyaslı hərbi təlimlər real hərbi əməliyyatlara da çevrilə bilər...
"Yeni Müsavat"

Bölmənin digər xəbərləri

25 May 2020 “Şuşaya niyə raket atmadıq” sualına cavab
23 May 2020 Almaniyada Dağlıq Qarabağda yaradılmış qondarma rejimin nümayəndəliyinin fəaliyyəti qadağan edilib
18 May 2020 Laçının işğalından 28 il ötür
14 May 2020 Qarabağla bağlı plan var, masadadır – ABŞ diplomat
08 May 2020 Şuşanın işğalından 28 il ötür
05 May 2020 Ermənilər Füzuli istiqamətində İTKİ VERDİ
28 Aprel 2020 "Qa­rabağ münaqişəsinin uzun illərdir davam etməsinin əsas səbəbi..." - Çingiz Qənizadə
26 Aprel 2020 Ermənilər təşvişdə: Cəbhədə vəziyyət gərginləşdi
24 Aprel 2020 “İndiki vəziyyətdə yeganə yol Ağdamın geri alınmasıdır” - GƏLİŞMƏ
24 Aprel 2020 Qarabağ nəzarətsiz qalıb, virusa yoluxan ermənilərin dərdini ağlayan yoxdur - Politoloq
16 Aprel 2020 Separatçıların oliqarx lideri Kəlbəcərdə ekoloji terrora BAŞLADI
13 Aprel 2020 Xankəndi ermənisinin fəryadı: “Cinayətkar hakimiyyət Dağlıq Qarabağa qəsdən koronavirus yayır” – ŞOK VİDEO
02 Aprel 2020 Kəlbəcərin işğalından 27 il keçir
02 Aprel 2020 Azərbaycan Ordusunun aprel qələbəsindən 4 il ötür
28 Mart 2020 Əskərlərimiz erməni snayper Arsen Alixanyanı ağır yaraladılar....
22 Avqust 2019 Ermənilərdən təşviş dolu reaksiya – Cəbhədə nə baş verir?
09 Yanvar 2019 Qazaxıstanı çalxalayan erməni tutuldu
23 İyun 2018 Cəbhədə erməni təxribatı - Şiddətli atışma oldu
24 Aprel 2018 Ramiz Mehdiyev: "Danışıqlar baş tutmasa, məcburuq, müharibə yolu ilə münaqişəni həll edək" - VİDEO
04 Mart 2018 “Ermənilər Qarabağda məskunlaşır, biz isə yatmışıq”- TARİXÇİ ALİMDƏN ÇAĞIRIŞ

Dünyapress TV

Xəbər lenti