Ardını oxu...
Rusiya Xarici İşlər Nazirliyi (XİN) Livan ermənilərinin Azərbaycanın işğal olunmuş ərazilərinə köçürülməsinə münasibət bildirib.
Rusiya XİN-in rəsmi nümayəndəsi Mariya Zaxarova bu gün keçirdiyi brifinqdə müxbirin “Ötən həftə sosial şəbəkələrdə Livandan olan erməni ailəsinin Azərbaycan xalqı üçün böyük tarixi və mənəvi əhəmiyyətə malik Şuşa şəhərində yerləşdirilməsi haqda məlumatlar yayılıb.

Bu isə beynəlxalq humanitar hüququn, o cümlədən 1949-cu il Cenevrə konvensiyalarının kobud şəkildə pozulmasıdır. Müharibə dövründə mülki əhalinin qorunmasına dair IV Cenevrə konvensiyasına əsasən, işğalçı dövlət öz mülki əhalisini işğal etdiyi əraziyə köçürməməlidir. Rusiya XİN bu faktı necə şərh edir?” sualına cavab olaraq bildirib ki, Rusiya Dağlıq Qarabağın de-fakto rəhbərliyinin Livanı tərk edən ermənilərin Azərbaycanın işğal olunmuş ərazilərində yerləşdirilməsi niyyətindən xəbərdardır:

“Biz iki livanlı ailənin Dağlıq Qarabağa köçmək niyyətində olması ilə bağlı xəbərləri oxumuşuq. Livandan olan qaçqınların Dağlıq Qarabağa və ətraf rayonlara real axın etməsi ilə bağlı məlumatlara malik deyilik.

Hesab edirik ki, indi Dağlıq Qarabağ probleminin həllinə istiqamətlənən danışıqlar prosesinin bərpasına, o cümlədən regiondakı qaçqın və məcburi köçkünlərin probleminə diqqəti yönəltmək lazımdır. ATƏT-in Minsk Qrupunun həmsədrləri sentyabrın 14-də Azərbaycan və Ermənistanın XİN başçıları ilə telefonla məsləhətləşmələr aparıb. Onlara vasitəçilərin təkliflərini, o cümlədən Dağlıq Qarabağ probleminin nizamlanması ilə bağlı atılacaq addımlar çərçivəsində həmsədrlərin ayrı-ayrılıqda nazirlərlə görüş keçirilməsi təklifini veriblər.
Biz tərəflərin müsbət reaksiyasına ümid edirik”.

Rusiya tərəfinin açıqlaması barədə “Sherg.az”a fikirlərini bildirən Milli Dirçəliş Hərəkatı Partiyasının (MDHP) sədri Fərəc Quliyev onun qeyri-səmimi olduğu qənaətindədir:

“Əlbəttə, Kreml məsələyə bilərəkdən göz yumur və beləliklə, faktiki olaraq Ermənistanı dəstəkləyir. Rusiya ilk növbədə vasitəçi olaraq məsələyə nəzarət etməlidir. Həm də müşahidəçilər vaxtaşırı göndərilirsə, onlar bu köç məsələsindən necə xəbərdar olmaya bilərlər?

Əslində Moskva Dağlıq Qarabağdakı qeyri-qanuni məskunlaşmanı xeyli əvvəldən bilirdi.

Həmçinin orada ASALA-nın, PKK-nın düşərgələrinin salındığından, Atom Elektrik Stansiyasının tullantılarının basdırıldığından, narkotik becərildiyindən də xəbərdardır. Bütün bunlara göz yummaqda məqsəd isə mövcud status-kvonu qoruyub, saxlamaqdır”.

F.Quliyevin fikrincə, biz heç kimə ümid etmədən, baş verən hadisələrə özümüz cavab verməliyik:

“Moskvadan bundan başqa reaksiya gözləməyə dəyməz. Qanunsuz məskunlaşma ilə əlaqədər biz özümüz beynəlxalq təşkilatlara müraciət etməliyik. Özü də bu, təkcə hökumətin işi deyil. Siyasi partiya sədrləri, QHT-lər də fəal olmalıdırlar.

Çalışmalıyıq ki, Ermənistan ciddi qınaqlara məruz qalsın. Sözsüz ki, məsələnin kökündın həll edilməsinin yeganə yolu düşməni Dağlıq Qarabağdan tamamilə çıxarmaqdır. Amma ona qədər də müəyyən tədbirlər görülməli, təxribatların qarşısı alınmalıdır”.
Ardını oxu...
Ermənistan İraq təşkilatlarının liderləri ilə cari ilin yayında razılaşma imzalayıb.

Axar.az xəbər verir ki, bu məlumatı “Haqqin.az” saytı öz mənbələrinə istinadən yayıb. Məlumata görə, razılaşmanı Ermənistanın İraqdakı səfiri Qraçya Poladyan hazırladıb. Müqaviləyə əsasən, Dağlıq Qarabağda PKK terror təşkilatının döyüşçüləri yerləşdirilməlidir.

Sayt Poladyanın bunun üçün dəfələrlə İraq Kürd Muxtar Vilayətinə getdiyini bilidirib. İyul ayındakı səfərlərdən biri zamanı isə muxtar vilayətin rəhbəri Nəçirvan Bərzaninin göstərişi ilə onun müşavirləri kürd döyüşçülərinin Qarabağa yollamaq üçün kanal yaratmağa kömək edə bilməyəcəklərini açıqlayıblar. Ərbildən istədiyini ala bilməyən səfir PKK-nın dayağı sayılan Süleymaniyyəyə gedib. Burada ona İrandan keçərək İraqa gələn erməni xüsusi xidmət orqanları və hərbi kəşfiyyatının nümayəndələri qoşulublar.

Poladyan burada Bərzaninin rəqibi sayılan və Türkiyəyə düşmən münasibətiylə seçilən Cəlal Təlabaninin Kürdistan Vətənpərvərlər İttifaqı ilə əlaqələr qurmağı bacarıb. Rusiya ilə yaxşı münasibətləri olan partiya sayəsində səfir PKK ilə ünsiyyət yaradıb. Bu əlaqələrin qurulmağında səfirə Rusiya universitetlərindən birinin məzunu olan, Cəlal Təlabaninin qohumu Araz Şeyx Cəngi Təlabani kömək edib.

Təlabanilərlə aparılan danışıqlardan sonra Poladyan iyulun sonu Süleymaniyyədəki “High Crest” otelində erməni deputatlarla Təlabani klanının görüşünü təşkil edib. Görüşdə Cəlal Təlabaninin oğlu Bafel Təlabani, Kürd Kəşfiyyat Xidməti “Zanyari”nin rəhbəri Laxur Şeyx Cəngi Təlabaninin (SEPAH-la əlaqələri olduğu güman edilir) də iştirak etdiyi vurğulanıb. PKK döyüşçülərinin Qarabağa göndərilməsi məsələsində razılıq əldə edilməsindən sonra erməni deputatlar İraqı tərk ediblər, amma Ermənistan əvəzinə İrana gediblər.

Bundan sonra İraqın şimalındakı PKK döyüşçüləri Süleymaniyyədən Qala-Çivan, Pəncivin, Arbat-Ava, Diala və Başmax yaşayış məntəqələrini keçərək, İraq-İran sərhədindəki Seyran-Band şəhərinə gəliblər. Sərhədi keçən döyüşçülər İranın Saqqiz yaşayış məntəqəsinə çatıblar. Buradan isə SEPAH-ın vasitəçiliyi ilə avtobuslara mindirilərək, Kirmanşahdan keçməklə Ermənistan və Qarabağ istiqamətində yola salınıblar.

Bəzi mənbələr bu kürd döyüşçülərinin sayının bir neçə min nəfər olduğunu açıqlayıblar.
Ardını oxu...
Rizvan Hüseynov: “Azərbaycanın müvafiq strukturları bu “qaçqınların” marşrutunu izləməlidir”

ASALA terrorçuları xalq milisləri və qaçqınlar adı altında gizlənəcəklər. Bunu AYNA-ya erməni ailələrinin Livandan işğal olunmuş ərazilərə köçürülməsini şərh edərkən, tarixçi və politoloq Rizvan Hüseynov deyib.

“Bütün bu xəbərlərdən bir neçə gün əvvəl erməni mətbuatında xalq milisləri yaradacaqlarına dair xəbərlər yer almışdı. Artıq Azərbaycanla sərhəddə, xaricdən təcavüz halında ölkəni müdafiə edəcək xalq milisləri yaradılmasını Ermənistan parlamenti qanunvericilik səviyyəsində müzakirə etməlidir. Və yalnız bir neçə gün sonra ermənilərin Livandan Dağlıq Qarabağa köçəcəyi barədə məlumatlar ortaya çıxdı. Paşinyan yeni bir şey icad etmir. 80-ci illərin sonları - 90-cı illərin əvvəllərində, Qarabağ münaqişəsinin başlanğıcında, Livan və Suriyadan diversantların münaqişə zonasına gətirilməsi üçün eyni metoddan istifadə edilmişdi”, - deyə ekspert bildirib.

Ermitaj”dakı erməni təxribatının qarşısı alınıb - Rizvan Hüseynov (MÜSAHİBƏ)

O xatırladıb ki, həmin vaxt Ermənistana gəlib çıxan bu quldur dəstələrinə, dünyada tanınmış terrorçu Monte Melkonyan rəhbərlik edirdi: “Onlar Ermənistanda adaptasiya dövrü keçəndən sonra təxribat bölmələri Qarabağda meydana çıxdı. Qarabağ müharibəsinin ən faciəli epizodları məhz onlarla bağlıdır, çünki dinc Azərbaycan əhalisinə qarşı həqiqi bir terror, qırğın törətdilər. Bu quldurlar, Monte Melkonyan da daxil olmaqla, Azərbaycan kəşfiyyatçıları tərəfindən öldürüldü”.

Hüseynovun sözlərinə görə, indi Qarabağ münaqişəsinin yenidən alovlanması ehtimalı fonunda, erməni tərəfi eyni texnologiyadan istifadə edir: “Erməni tərəfi dünya birliyini aldatmağa çalışır. Bu təxribatçılar, Yaxın Şərqdən olan terrorçular, Ermənistan ərazisinə girəcək və guya, meydana çıxan özünümüdafiə birləşmələrinin, xalq milislərinin sıralarına qoşulacaqlar. Beləliklə, sadə insanlar arasında bir terror təşkilatının nüvəsi formalaşacaq. Sonra bu qondarma milislər hərbi və təxribat əməliyyatlarında iştirak edəcəkləri Qarabağa göndəriləcəklər. Bu, onların bütün planları deyil, bir tərəfdən xalq milisləri yaradır, digər tərəfdən Qarabağa gətrilən ASALA terrorçularını Livan qaçqınları arasında gizlədəcəklər”.


Analitik qeyd edib ki, Azərbaycan bu mövzunu beynəlxalq səviyyədə qaldırmalıdır, lakin əlimizdəki tutarlı sübutlar olması vacibdir: “Azərbaycanın müvafiq strukturları bu “qaçqınların” marşrutunu izləməlidir. Ermənistan ərazisinə kimin və necə çatacağına nəzarəti təmin etmək lazımdır. Bu, çox çətin işdir, çünki onlar həm İran-Ermənistan sərhədindən, həm də İranla sərhədin Azərbaycanın nəzarətində olmayan hissələrindən keçə bilərlər. Söhbət işğal olunmuş ərazilərdən gedir”.


Hüseynov qondarma “qaçqınların” Qarabağa gedə biləcəyi marşrutu konkretləşdirib: “Suriya, İraq, İran, Ermənistan kimi ölkələrdə dolaşaraq, sonra işğal olunmuş ərazilərə çata bilərlər. Azərbaycan dünya ictimaiyyətinə ermənilərin bu cür sxemlərdən istifadə etməsi barədə xəbərdarlıq edə bilər. O zaman müəyyən bir qrupu izləməyə imkan verən hərbi texnologiyalardan istifadə etməklə, dəlillər toplamağa və ASALA üzvləri də daxil olmaqla, Qarabağda müxtəlif təxribatçıların olması barədə faktları hamıya sübut etmək imkanı yaranar”.
Ardını oxu...
4 avqustda Beyrutda baş verən dəhşətli partlayışdan sonra bu ölkədən Ermənistana 1100-dən çox erməni gəlib.

Axar.az xəbər verir ki, bu barədə dispor üzrə baş komissar Ovannes Aleksanyan deyib.

O deyib ki, gələnlərin işlə təmin olunmasına dövlət qurumları ilə yanaşı, özəl kampaniyalar da yardım edir.

“Livan ermənilərinin böyük əksəriyyəti İrəvanda yerləşdirilib, 10 nəfər isə Qarabağda məskunlaşdırılıb”.

Qeyd edək ki, Livan ermənilərinin qanunsuz olaraq işğal altındakı Qarabağda yerləşdirilməsi prosesini Ermənistan hətta gizlətmir də. Buna baxmayaraq, yerləşdirilənlərin daha çox olduğu, sadəcə, gizlədildiyi ehtimalı çox yüksəkdir.
Ardını oxu...
Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin göstərişinə əsasən Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev və Müdafiə nazirinin müavini general-leytenant Kərim Vəliyev ön xətdə yerləşən bir sıra hərbi hissələrdə olublar.

Müdafiə Nazirliyindən verilən məlumata görə, əvvəlcə ümummilli lider Heydər Əliyevin hərbi hissənin ərazisində ucaldılan abidəsi önünə gül dəstələri qoyulub və ehtiram ifadə edilib.

Düşmənlə üzbəüz yüksək dağlıq şəraitdə döyüş növbətçiliyi aparan şəxsi heyətin xidməti ilə maraqlanan H.Hacıyev komanda-müşahidə məntəqəsindən düşmən mövqelərini müşahidə edib.
Sonra Horadiz şəhərində yerləşən Aprel şəhidlərinin xatirəsinə ucaldılmış abidə ziyarət edilib, önünə gül dəstələri qoyulub, ölkəmizin müstəqilliyi və ərazi bütövlüyü uğrunda canından keçən şəhidlərin xatirəsi hörmət və ehtiramla yad edilib.

Ön xətdə olan qonaqlar döyüş mövqelərində xidmət edən hərbi qulluqçularla görüşüb, onların xidmət şəraiti ilə maraqlanıb. Görüş zamanı Ali Baş Komandanın salamlarını şəxsi heyətə çatdıran H.Hacıyev Azərbaycan Ordusunun döyüş qabiliyyətinin yüksəldilməsi və hərbi qulluqçuların sosial şəraitinin yaxşılaşdırılması ilə bağlı cənab Prezident İlham Əliyevin verdiyi tapşırıqların icrası istiqamətində fəaliyyətlərin davam etməsindən danışaraq bu məsələlərin ölkə rəhbərliyinin daim diqqət mərkəzində olduğunu da xüsusi vurğulayıb.

Sonra ön xətdə döyüş növbəsi çəkən hərbi qulluqçularla birgə nahar edilib və çay süfrəsi arxasında söhbət aparılıb.

Cəbhəboyu kəndlərdən birində yerli sakinlərlə görüşən H.Hacıyev ölkə başçısının salamlarını onlara çatdırıb və əhalinin qayğıları ilə maraqlanıb. Yaradılan şəraitdən məmnunluqlarını ifadə edən kənd sakinləri onların minnətdarlığının ölkə rəhbərliyinə çatdırılmasını xahiş ediblər.
Ardını oxu...
Ardını oxu...
 
 
Ardını oxu...
Qarabağ separatçılarının lideri Araik Arutyunyan Facebook sosial şəbəkəsində Livandan ermənilərin Qarabağa köçürülməsi barədə video reportaj yayımlayıb.

"Artıq Qarabağda Livan ermənilərinin ilk ailələri yaşayır. Bizim hökumət onlara öz imkanları daxilində yardım göstərir. Biz Qarabağda Livan-Ermənistan koloniyasının yaradılmasında və saxlanmasında maraqlıyıq", - deyə A.Arutyunyan yazıb.

Xatırladaq ki, ötən gün erməni KİV-ləri livanlı ermənilərin daha bir ailəsinin işğal altında olan Dağlıq Qarabağa, Şuşaya köçdüyünü bildirmişdilər. Toni Həcərin üç nəfərdən ibarət ailəsi Beyrutda dağıdıcı partlayışdan sonra işğal olunmuş Dağlıq Qarabağa köçüb. Toni Həcər Qarabağda "məşğul olmağı planlaşdırdığı kulinariya layihəsi" olduğunu deyən aşpazdır.

Qeyd edək ki, virtualaz.org Suriya və Livan ermənilərinin Azərbaycanın işğal olunmuş ərazilərinə köçürülməsi mövzusuna dəfələrlə müraciət edib. Təxminən bir ay əvvəl biz Türkiyə-Azərbaycan Dostluq Cəmiyyəti başçısının müavini Sərdar Ünsalın bəyanatını dərc etmişdik.

Sərdar Ünsal, Livanın Erməni İnqilabi Federasiyasının "Daşnaksütyun" Gənclər Təşkilatının, xüsusilə Beyrutdakı partlayışdan sonra ermənilərə böyük zərər vurulduğunu iddia edərək, livanlı erməniləri Qarabağda yerləşdirməyə hazırlaşdığını bildirmişdi.

Onun sözlərinə görə, Ermənistan Qarabağda yaşayan ermənilərin sayını 300-500 minə çatdırmaq niyyətindədir. Məhz buna görə də Suriya, Livan və digər ölkələrdən olan ermənilər Dağlıq Qarabağda və ətraf rayonlarda fəal şəkildə yerləşirlər.
Ardını oxu...
Livan ermənilərinin daha bir ailəsi daimi yaşayış üçün işğal altında olan Dağlıq Qarabağa, Şuşaya köçüb.
Virtualaz.org bildirir ki, erməni seqmentinin sosial şəbəkələrdəki mesajında deyilir.
Məlumata görə, videoda Toni Hajarın üç nəfərdən ibarət olan ailəsi Beyrutda baş verən güclü partlayışdan sonra işğal altında olan Dağlıq Qarabağda məskunlaşdığı deyilir. Toni Hajar – aşpazdır, Qarabağda "planlaşdırdığı kulinariya layihəsi" ilə məşğul olmaq istədiyini bildirib.

Xatırladaq ki, 26 avqust 2020-ci il tarixində Ermənistanın Diasporla İşlər üzrə Baş Komissarı ofisinin mətbuat xidməti Zare Sinanyan iki Livan erməni ailəsinin işğal olunmuş Şuşaya köçürülməsi barədə məlumat yaymışdı.
Qeyd edək ki, bundan əvvəl Dağlıq Qarabağdakı separatçı rejimin liderləri müxtəlif şəhər və kəndlərdə Livan ermənilərinin 100-150 ailəsini qəbul etməyə hazır olduqlarını bildirmişdilər.
Onu da qeyd edək ki, Azərbaycan XİN-dən Ermənistanın Azərbaycan ərazilərini işğal etmiş bir ölkə olaraq qanunsuz fəaliyyətlərini, o cümlədən işğal etdiyi Azərbaycan ərazilərində məskunlaşma siyasətini davam etdirdiyinə dair açıqlama verilmişdi.
Beləliklə, “Azərkosmos” ASC-nin “Azersky” peyki vasitəsi ilə aparılan monitorinqlər nəticəsində işğal olunmuş Kəlbəcər rayonunda qanunsuz mənzil tikintisi faktı təsdiqlənib.
Virtualaz.org
Ardını oxu...
Ermənistanda hökumət Beyrutda baş verən partlayışdan zərər çəkən 100-150 min ermənini işğal etdiyi Azərbaycan torpaqlarında yerləşdirməyə başlayıb. Hətta bu rəqəm 200 minə qədər də arta bilər. Türkiyənin bəzi agentliklərində bu məsələ bir müddətdir ki, manşetdədir.

Ermənistan bundan əvvəl suriyada baş verən ixtişaşlardan istifadə edərək eyni addımı bir neçə dəfə atıb. 9 il ərzində on minlərlə suriya vətəndaşı olan erməni Qarabağ və ətrafındakı rayonlara yerləşdirilib.

Ermənistan bunu gizlətməyə çalışsa da faktlar qarşısında aciz qalıb. Lakin buna görə heç bir cəza və ya etirazla da üzləşməyib. Vaxtaşırı ATƏT-in Minsk qrupu qarşısında bu məsələ qaldırılsa da nəticəsi elə ATƏT-in Minsk qrupunun fəaliyyəti kimi sıfıra bərabər olub.

İndi Livan ermənilərini Azərbaycan torpaqlarında yerləşdirən Ermənistan, bununla bir neçə planını həyata keçirməyə çalışır. İlk iş tarixi saxtalaşdırmaqdır. Amma köçün digər məqsədləri də var...

Qarabağa böyük köçün arxasındakı məqsədlərdən biri də təmas xəttində yaranacaq gərgrinlikdə mülkü vətəndaşları önə verməkdir.

YPG, PKK, İŞİD kimi teror təşkilatlarının özünü müdafiədə əsas istiqaməti məhz budur. Onlarla mübarizə aparan ölkələrə atəş və zərbələr məhz mülki vətəndaşların arasında gizlənilərək edilir. Hədəf vurulduqda isə dünyaya “mülki vətəndaşlar öldürülür”- deyə, bar-bar bağırmağa başlayırlar. Deməli, Livan və Suriyadan Qarabağa yerləşdirilən ermənilər də əslində bir qoruyucu mülki vətəndaş səddi funksiyasını yerinə yetirirlər.

Beynəlxalq təşkilatlar hələ ki, susmaqla məşğuldur.
Ardını oxu...
Ermənistan Azərbaycanın işğal altındakı ərazilərində yeni yaşayış məntəqələri inşa etməkdə davam edir.
İşğal altındakı Kəlbəcər rayonunda kütləvi məskunlaşdırma və turizmin inkişafı üçün hazırlıq işləri sürətlə davam edir. Belə ki, Ermənistan Qarabağa açıqlan 2-ci yolun – Vardenis-Ağdərə yolununun Kəlbəcər rayonunun mərkəzinə qədər 27,5 kilometr hissəsi asfaltlaşdırılır.
Yolun xüsusilə dağlıq 2 yerində isə körpü inşa olunmasına hazırlıq görülür.
Bundan başqa, Kəlbəcərin rayon mərkəzində Avstraliya diasporunun ianəsi hesabına 15 yeni fərqi ev, Ermənistanın ayırdığı maliyyə vəsaiti hesabına isə 48 mənzildən ibarət 2 hündürmərtəbəli bina inşa edilir.
Bölgəni turizm mərkəzinə çevirməklə yanaşı,separatçı rejim rəhbərliyi Yerevanın köməyi ilə bölgəyə Livan ermənilərini köçürməti də planlaşdırır. Hazırda Kəlbəcərin rayon mərkəzində 2 minə yaxın erməni yaşayır.modern.az
Ardını oxu...
Ardını oxu...
Ardını oxu...
“Zabit Gurgen Alaverdyanın yaşadığı Martunidə tanıyıram, hamı ona hörmət edir və sevir”.

KONKRET.az xəbər verir ki, “Sputnik Ermənistan” nəşri Azərbaycana əsir düşən hərbçinin dosyesini hazırlayıb.

İtən (onlar belə yazır) və Azərbaycan ərazisində tapılan (bura niyə gəlmişdi?) erməni zabit Gürgen Alaverdyan Ermənistanın Geğarkunik rayonunun Martuni şəhərinin sakinidir. Sputnik Ermənistan-a verdiyi müsahibədə Martuni şəhərinin meri Armen Avetisyan Gurgeni çox yaxşı tanıdığını söyləyib, çünki onlar yalnız eyni şəhərdən deyillər, həm də qonşuluqda yaşayırlar.

Bundan əvvəl, Ermənistan Müdafiə Nazirliyi, avqustun 22-də, yerli vaxtla 19.30-da zabit Qurgen Alaverdyanın yoxlama məqsədi ilə döyüş nöqtəsinə getdiyini, lakin əlverişsiz hava şəraiti səbəbindən itdiyini və buna görə də onun axtarışına başlandığını bildirib. Daha sonra Azərbaycan Müdafiə Nazirliyi təxribatçını ələ keçirdiyi elan edib.

“Gurgen anası, həyat yoldaşı və uşaqları ilə yaşayır. Anası müəllimdir, kollecdə dərs deyir. Gurgenin də evli bir bacısı var, ailəsi ilə birlikdə yaşayır. Gurgenin özünün 2 və 6 yaşında iki qızı var. Ən böyüyü bu il məktəbə gedəcək” , – Avetisyan deyib.

Martunidəki Alaverdyan ailəsinin hamı tərəfindən sevildiyini və hörmət edildiyini söyləyib. Zəhmətkeş insanların sosial problemləri yoxdur.

Üstəlik, şəhər merinin qızı və Gurgen eyni sinifdə oxuyub və sinif yoldaşları oğlanla bağlı yalnız yaxşı sözlər deyiblər.

Haşiyə: Ermənistanda sevilən Gurgen yaşamaq üçün Azərbaycanı seçib. Bu haqda özü dünən açıqlama verib.

Babək Göyüş

KONKRET.az

Dünyapress TV

Xəbər lenti