Ardını oxu...
Prezident İlham Əliyev fevralın 26-da keçirdiyi mətbuat konfransında bəyan etdi ki, 2020-ci il noyabrın 10-da Azərbaycan, Rusiya və Ermənistan rəhbərliyinin imzaladığı bəyanat tam icra olunmalıdır.

"Noyabrın 10-da imzalanmış bəyanat icra edilir və tam icra edilməlidir. O bəyanatın müddəalarının böyük hissəsi artıq icra edilibdir. Ancaq elə məsələlər var ki, onlar indi müzakirə mövzusudur", deyə ölkə başçısı vurğulayıb. Maraqlıdır, müzakirə edilən hansı məsələlərdir? Bu barədə ekspertlər nə düşünür?

Politoloq Qabil Hüseyn hesab edir ki, ilk növbədə Laçın dəhlizində Azərbaycanın suverenliyinin bərpa olunmalıdır: “Laçın dəhlizində Azərbaycanın həm sərhəd, həm də gömrük buraxılış mənqəqələrinin qurulması müzakirə mövzusudur.

İkinci, bütün sərhədllərin demarkasiyası ( döyüşən dövlətlərin qoşunlarını müvəqqəti barışıq zamanında sülh müqaviləsi, yaxud hər hansı sazişlə daimi sərhədlər müəyyənləşənə qədər ayıran xətt) və demilitasiyası (müəyyənləşdirilməsi), o cümlədən, Qazax rayonundakı kəndləri. Çünki bu rayonda 7 işğal edilmiş kəndlə yanaşı ötən əsrin 80-ci illərinin əvvəllərində 14 min kvadratmetr ərazi Moskvanın göstərişiylə Ermınistana verilib, sərhədlər müəyyənləşəndə bu da nəzərə alınacaq”.

Q.Hüseynlinin vurğulamasına görə, status məsələsinə Rusiya tərəfindən ilk vaxtlar yanaşma çox ehtiyatlıydı, indi Moskva yenidən ATƏT-nin Minsk Qrupunu işə salıb: “Əvvəlki vaxtlarda fərqliydi, Moskva 2+2 formuluna üstünlük verirdi, Türkiyə, Azərbaycan, Rusiya və Ermənistan, indi beynəlxalq mandatın lazım olduğunu deyərək Ankaranı proseslərdən kənarda qoymağa çalışır. Amma Rusiya-Türkiyə monitorinq qrupu fəaliyyət göstərirsə, deməli, Türkiyə Cənubi Qafqaza yerləşib. Gələcək hadisələrin inkişafında Türkiyənin mövqeyi mütləq nəzərə alınacaq”.

Politoloqun fikrincə, əslində, Azərbaycan dövlət başçısı demək istəyir ki, 10 noyabr sazişi yerinə yetiriləcəksə, bölgədə layihələrin reallaşması mümkündür: “Əgər Ermənistan özünü normal aparıb proseslərin gələcəyini görəcəksə, çox böyük uduş əldə edə bilər. Yox, Rusiya tərəfi Ermənistan ordusunu yenidən qurub, silahlar verib gərginlik yaradan mərkəzə çevirmək istəyirsə, bu, baş tutmayacaq. Prezident onu da əlavə etdi ki, nə qədər yalançı kreditlərlə Ermənistana silah vermək olar, bunları dəyəri 5-6 milyard dolları ötüb. Bütün hallarda bölgədə gərginliyin baiskarı bir super dövlətidir, o da əməlləriylə bunu sübuta yetirir”.

Təhlükəsizlik məsələləri üzrə ekspert İlham İsmayıl isə “Azadlıq” radiosuna deyib ki, 10 noyabr bəyanatının 9 bəndindən 3-ü yerinə yetirilməyib. Onun fikrincə, yerinə yetirilməyən bəndlər deyəndə Ermənistan silahlı qüvvələrinin Azərbaycan ərazisindən çıxarılması, qaçqınların geri qayıtması, 51-dən çox yaşayış məntəqəsinin boşaldılmamasından söhbət gedir.

Ekspertin deməsinə görə, həmçinin Dağlıq Qarabağ daxili kommunikasiyaların açılması müzakirə mövzusudur: “Sənəddə daxili kommunikasiyaların açılması göstərilsə də, konkret olaraq Mehri dəhlizindən danışılır. Bu 3 bənd yerinə yetirilmədiyi üçün müzakirə mövzusu olduğunu düşünürəm. Bunların əsası adına “Qarabağ müdafiə ordusu” qoyduqları Ermənistan silahlı qüvvələrinin Azərbaycan ərazisindən çıxarılması və qaçqınların yurdlarına qaytarılmasıdır. Bura Şuşanın 33 kəndi, Ağdərənin 14 kəndi, Xocalı, Kərkicahan, Kosalar, Xocavəndin iki kəndi daxildir. 1992-ci ilə qədər bu kəndlərdə azərbaycanlılar yaşayıb, onlar qayıtmalıdır. İndiyə qədər həmin bəndlər yerinə yetirilməyib.

“AzPolitika.info”
Ardını oxu...
Moskvada Azərbaycan, Ermənistan və Rusiyanın baş nazirlərinin müavinlərinin üçtərəfli görüşü keçirilib.

Teleqraf.com xəbər verir ki, görüşün iştirakçıları Dağlıq Qarabağın inkişafı planlarını müzakirə ediblər.

Bundan əlavə həm avtomobil, həm də dəmir yolu nəqliyyatı ilə bağlı ekspertlərin hesabatları nəzərdən keçirilib. Sərhəd, gömrük nəzarəti də daxil olmaqla daşımalara nəzarət də müzakirə edilib.

Qeyd edilir ki, işçi qrupun növbəti iclası martın 1-i videokonfrans formatında keçiriləcək.
Ardını oxu...
26 fevralda britaniyalı jurnalist Patrik Lankaster bir qrup erməninin Ermənistan Müdafiə Nazirliyinin binası qarşısında etiraz etməsi barədə məlumat yaydı. Həmin məlumatda deyilirdi ki, ermənilər övladlarının Dağlıq Qarabağa xidmətə göndərilməsinə qarşı çıxırdılar. Prezident İlham Əliyev son çıxışlarında nəyə görə erməni tərəfini revanşizmdə günahlandırıb, sərt, adekvat hərəkətlərlə hədələdiyi indi aydın olur.

Göründüyü kimi, P.Lankasterin Prezidentin birbaşa və ya dolayı yolla dediklərini reportajında təsdiqləmədən də əvvəl Azərbaycan komandanlığı hər şeydən xəbərdar idi.

Etiraz edən erməni valideynlərə görə, komandanlıq gizli şəkildə onların uşaqlarını Qarabağa göndərir, baxmayaraq ki, tərəflərin müharibədən sonrakı razılaşmaları nəticəsində erməni hərbçilərinin artıq Qarabağda xidmət etməyəcəyi barədə əvvəllər dəfələrlə xəbər verilmişdi.

Üstəlik, çağırışçılardan mülki forma geyinmələrinin tələb olunduğu bildirilir. Və son olanlar Ermənistan hərbçiləri arasında gizli destruktiv niyyətlərinin mövcudluğuna açıq sübutdur.

Ətraflı “Caliber” analitik layihəsinin “YouTube” səhifəsindəki növbəti buraxılışında:
Ardını oxu...
“Biz indi, ilk növbədə, hansı kəndlərin bərpa olunacağını və bundan ötrü nə etmək lazım olduğunu müəyyən edirik. Həmçinin mənim tapşırığımla, artıq keçmiş köçkünlər arasında sorğuya başlanıb ki, biz kimin oraya getməyə hazırlaşdığını dəqiq bilək. Bilirsinizmi, mən də əminəm ki, Allahın izni ilə hamı getmək istəyir, amma ola bilsin, kimsə getmək istəməyəcək. Əgər o getməyəcəksə və ya oraya həftəsonu gedəcək, özü isə Bakıda və ya Sumqayıtda yaşayacaqsa, nə üçün xərc çəkməliyik. Məgər bu, vəziyyətdən çıxış yoludurmu? Xeyr. Biz o yerlərdə kim yaşayacaqsa onları yerləşdirməliyik. Bax, buna görə biz sorğu keçirməliyik, özü də elə-belə, soruşmaq və unutmaq üçün yox. Xeyr. İmza etsin ki, mən filankəs filan rayonun filan kəndinə köçüb getməyə və orada yaşamağa hazırlaşıram”.
Bunu Azərbaycan Prezidenti İlham Əliyev bu gün yerli və xarici jurnalistlər üçün videoformatda keçirdiyi mətbuat konfransında deyib.
Dövlət başçısı bildirib ki, buna uyğun olaraq, maliyyə məsələləri və bütün digər məsələlər həll ediləcək: “Əks halda, mən öncəgörənlik etmək istəmirəm, lakin bilirəm ki, işğaldan azad edilən ərazilər Bakıda yaşayanlar üçün bağ sahəsi deyil. Biz, ümumiyyətlə, kimin orada yaşayacağına ciddi nəzarət edəcəyik və məhz oraya getmək istəyənlər üçün hər cür şərait yaradacağıq”.
Ardını oxu...
Fevralın 21-dən etibarən, Rusiya Müdafiə Nazirliyi günlük xəbər bülletenində Ermənistandan Azərbaycanın Qarabağ bölgəsindəki rus sülhməramlıların məsuliyyət zonasına ermənilərin gətirilməsi ilə bağlı məlumat yaymır.

Teref.az xəbər verir ki, əvəzində Rusiya sülhməramlılarının 14 noyabr 2020-ci ildən bu vaxta qədər Xankəndiyə daşıdığı ermənilərin sayı təkrarlanır. Beləliklə, bu vaxt ərzində 52.700 erməni Xankəndiyə qayıdıb və bu rəqəm artıq 5 gündür ki, dəyişmir.

Maraqlıdır ki, bundan öncə Ermənistanın əmək və əhalinin sosial müdafiəsi naziri Ermənistandan demək olar, bütün qaçqınların qayıtdığını bildirmiş, ardınca isə “yüz mindən artıq qayıdıb, müharibədən əvvəlki rəqəmi nəzərə alsaq, demək, 30 min hələ qalır” deyə, qeyri-müəyyən, ziddiyyətli və absurd bir açıqlama vermişdi. Çünki 30 min “qaçqının” qalması fonunda “demək olar ki, hamısı qayıdıb” ifadəsi yerinə düşmür. Digər tərəfdən, erməni nazir bunu “əvvəlki statistika ilə müqayisədə” dilə gətirmişdi. Yəni reallıqla statistikada uyğunsuzluqdan özü də “narahat” olmuşdu.

Rusiyanın yaydığı rəqəm – 52.700 isə bir daha Azərbaycan Prezidentinin elan etdiyi statistikanı təsdiqləyir.

Qeyd edək ki, Azərbaycan Prezidenti İlham Əliyev xarici və yerli media nümayəndələri üçün dwn'nki mətbuat konfransında da Qarabağda yaşayan erməni əhalisinin sayının 60 minin altında olduğunu bildirdi və xüsusi olaraq vurğuladı ki, bu, dəqiq rəqəmdir və kəşfiyyat məlumatları ilə də təsdiqlənib.

Göründüyü kimi, hətta bütün şirnikləşdirmələrə, pulsuz ev, kommunal xidmət, Qarabağa qayıdanlar üçün ikiqat müavinət ödənilməsi vədlərinə baxmayaraq, ermənilərin Qarabağda sayını artırmaq mümkün olmur. Çünki bugünkü mətbuat konfransında Prezidentin elan etdiyi kimi, Azərbaycan Qarabağa kimlərin gəlib-getdiyini soyadına qədər bilir. /axar.az

Ardını oxu...
Azərbaycanın ilk milyonçularından, eyni zamanda bu ölkənin ilk iş adamlarından biri olan Dilbazi Aleksandr Raşidoviç müxtəlif ölkələrdə yaşayan Azərbaycan əsilli 150 sahibkarın adından Azərbaycan Prezidenti İlham Əliyevə rəsmi müraciət ünvanlayıb. Xarici ölkələrdə aktiv sahibkarlıq fəaliyyəti göstərən bu şəxslər Azərbaycanın azad olunan Qarabağ torpaqlarında texnoloji klasterin inkişafı və azad iqtisadi zonanın yaradılması üçün "MIZAN" ortaq fondu vasitəsilə 1 milyard ABŞ dolları həcmində investisiya yatırım etmək arzusundadırlar.

Qeyd edək ki, Azərbaycanda doğulan Dilbazi Aleksandr Raşidoviç 1991-1995-ci illərdə özəl bank, sığorta, inşaat, ticarət və logistika şirkətlərini əhatə edən "MIZAN" şirkətinə başçılıq edib.

Azərbaycanın ən gənc və ən uğurlu sahibkarlarından biri olan A. Dilbazi savad və çalışqanlığı sayəsində qısa müddətdə böyük uğurlar əldə edib, müxtəlif dövrlərdə yüksək vəzifələrdə çalışıb, Azərbaycanda bir sıra qanun layihələrinin müəllifi olub.

2001-ci ildə Dilbazinin başçılıq etdiyi "PROMTEK GROUP" şirkəti Rusiyanın enerji resurslarının təchizatı ilə məşğul olan 100 ən böyük şirkətlərin sırasına daxil olub.

Xeyriyyəçi, rəssam, bir sıra rəsm sərgilərinin və incəsənət, iqtisadiyyat, beynəlxalq əlaqələr sahəsində məqalələrin müəllifi olan Raşidoviç hazırda Moskvada yaşayır və Rusiya Federasiyasının vətəndaşıdır. Fəal ictimai xadim kimi tanınan Dilbazi, həmçinin, müxtəlif forumlarda iştirak edir. O, Yaxın Şərq, Türkiyə, İran kimi ölkələrdə aktiv biznes əlaqələrinə malikdir.

DİA.AZ BiG.AZ-a istinadən onun Azərbaycan Prezidenti İlham Əliyevə müraciətinin tam mətnini oxuculara təqdim edir:

Azərbaycanlı milyonçu Aleksandr Dilbazi dövlət başçımıza MÜRACİƏT ETDİ"24 fevral 2021-ci il

Hörmətli Azərbaycan Prezidenti, cənab İlham Heydər oğlu Əliyev, Azərbaycan Milli Məclisinin hörmətli deputatları, hörmətli Azərbaycan vətəndaşları!

Mən, Azərbaycanın Qazax şəhərində doğulan Aleksandr Dilbazi, Azərbaycanın azad olunan Qarabağ torpaqlarında texnoloji klasterin inkişafı və azad iqtisadi zonanın yaradılması üçün "MIZAN" ortaq fondu vasitəsilə 1 milyard ABŞ dolları həcmində investisiya yatırım etmək istəyən, dünyanın müxtəlif ölkələrində yaşayıb aktiv sahibkarlıq fəaliyyəti göstərən 150 sahibkarın adından sizə müraciət edirəm.
Biz, dünyanın müxtəlif ölkələrində bizneslə məşğul olan keçmiş Azərbaycan vətəndaşları, işğal altında olan Azərbaycan ərazilərinin azad edilməsi xəbərini qürur və sevinclə qarşıladıq. Başqa ölkələrin vətəndaşları olaraq, hərbi münaqişələrdə iştirak etmək hüququmuz yoxdur, bu səbəbdən də biz baş verən hadisələri yalnız kənardan müşahidə etmək məcburiyyətində qaldıq. Lakin sülhün bərqərar olunmasından, Azərbaycan Prezidentinin və Azərbaycan xalqının qətiyyətli qələbəsindən sonra artıq tarixi Vətənimizdə baş verən hadisələrdən kənarda qala bilmərik.

Cənab Prezident, Azərbaycan ərazilərini azad edərkən etdiyinizə bənzər işi görməyi Azərbaycan tarixində yalnız bir nəfər bacarıb. Bu, 1993-cü ildə dövlətin faktiki olaraq dağılmasına az qalmış Azərbaycan xalqını birləşdirməyi bacaran atanız Heydər Əliyev olub. Müsahibəniz zamanı azərbaycanlıların ümummilli lideri olan atanızın vəsiyyətini yerinə yetirdiyinizi bildirmisiniz.

Bu gün dünyada sahib olduğunuz nüfuz bizə Azərbaycana milyardlarla dollarlıq investisiya cəlb etməyə əsas verir, lakin ilk addımı nümunə olaraq Azərbaycandan olan mühacirlər etməlidirlər.

Sizin razılığınız olsa, Milli Məclisin açıq iclasında layihəmi deputatlara və Azərbaycan vətəndaşlarına təqdim etməyə hazıram. Ölkə Prezidentinin, deputatların və Azərbaycan vətəndaşlarının təsdiqini aldıqdan sonra bu fondun həmtəsisçiləri olmaq istəyən 150 azərbaycanlı sahibkarın siyahısını təqdim edəcəyəm. Bu fond xeyriyyə fondu deyil, kommersiya fondu olacaq. Dünyanın müxtəlif ölkələrindən olan azərbaycanlı sahibkarların əldə etdikləri bu investisiyalar zəhmətlə, alın təriylə qazanılıb və yatırılan hər dollar həm Azərbaycan dövləti və vətəndaşları, həm də investorlar üçün faydalı olmalıdır.

Ümid edirəm, təklifimiz Sizi, cənab Prezident, Milli Məclisi və Azərbaycan vətəndaşlarını maraqlandıracaq.

Hörmətlə,
Aleksandr Dilbazi"

Ardını oxu...
2020-ci ilin sentyabrından sonra Azərbaycan üçün yeni era başlayıb. Biz artıq məğlub deyil, müzəffər ölkəyik, qalib xalqıq. Bu şərəfli adı biz şəhidlərimizin müqəddəs qanı ilə əldə etdik. İndi gücümüzə daha çox inanır və gələcəyə daha nikbin baxırıq. Bununla belə, erməni təxribatlarına, müharibə variantına da hazır olmalıyıq. Ermənilərin Xankəndindəki təxribatlarının fonunda tez-tez “Azərbaycana Ermənistanla növbəti müharibə lazımdırmı” sualı səslənir. 3-cü Qarabağ savaşı bizə sərf edərmi? Yoxsa indən belə müharibədən sonra qalan problemləri siyasətlə, diplomatiya ilə həll etməliyik?

“Atlas” Araşdırmalar Mərkəzinin rəhbəri Elxan Şahinoğlu “Yeni Müsavat”a deyib ki, ermənilər konstruktiv mövqeyə gəlib çıxsalar, Dağlıq Qarabağdakı separatçılar tərk-silah olunsalar, orada yaşayan ermənilər bizim qanunları qəbul etsələr, pasportlarımızı daşısalar müharibə ehtimalı olmayacaq: “Amma antiterror əməliyyatı ola bilər. 10 noyabrdan sonra bir neçə belə əməliyyat keçirdik. Biz imkan vermərik ki, meşələrdə, dağlıq ərazilərdə silahlı separatçılar, terrorçular yerləşsinlər. Böyük müharibənin olacağını zənn etmirəm. Çünki ermənilər elə ”böyük yumruq" aldılar ki, ən azı 30-40 il bizimlə müharibə etməyə halları yoxdur. Ermənistan artıq qərar verib ki, Dağlıq Qarabağa əsgər göndərməsin. Bu da ondan xəbər verir ki, ermənilər durumları ilə barışıblar. Müharibə ehtimalının bu baxımdan böyük olduğunu hesab etmirəm. Amma yenə də bizi narahat edən məqamlar qalır. Elə ərazilər var ki, bizim nəzarətimizdə deyil. Həmin ərazilərdə də nəzarətimiz təmin olunmalıdır. Laçında bizim sərhədçilər dayanmalıdır. Bütün bu işləri görməliyik. Bununla belə, bütün bu işləri görərkən müharibə ehtimalının böyük olduğunu zənn etmirəm. Müharibə Rusiyanın da maraqlarına cavab vermir. Bu gün Rusiya hərbçiləri Dağlıq Qarabağın ərazisindədir. Bu o demək deyil ki, biz öz şərtlərimizi diqtə etməməliyik. Şərtlərimizi hər zaman diqtə etməliyik və Ermənistan da qeyd-şərtsiz bizim şərtləri yerinə yetirməlidir".

Onun sözlərinə görə, Azərbaycan bütün dünyaya sübut etdi ki, Qarabağ probleminin müharibə yolu ilə həlli mümkündür: “Bundan sonrakı mərhələdə isə diplomatiya, anlaşma, razılaşma yolu ilə qalan məsələlərin həllinə böyük səylər göstərilməldir. Alınmayacaqsa, Ermənistan konstruktiv mövqe tutmayacaqsa, yenə də müharibə yolu seçilə bilər. Məsələn, işğaldan azad edilmiş ərazilərdə hansısa terrorçu qrup meşədən çıxıb bizim hərbçilərə hucum etsə, zərbə vursa, xəsarət yetirsə, biz antiterror əməliyyat keçirməli olacağıq. Bu, müharibə hesab oluna bilməz. Müharibə üçün qarşı tərəf güclü olmalıdır. İndiki halda qarşı tərəf taqətsiz hala gəlib”.

Politoloq deyir ki, bu gün Dağlıq Qarabağ ərazisində yaşayan ermənilər də ümumilikdə Azərbaycanda yaşayan bütün xalqların nümayəndələri kimi Azərbaycan pasportunu daşımalıdır. Bunun alternativi yoxdur: “İstənilən normal dövlətdə yaşayan şəxs həmin ölkənin pasportunu daşımalıdır, həmin ölkənin qanunlarına riayət etməlidir. Bu gün Dağlıq Qarabağın bəzi hissələrində ermənilər Azərbaycan pasportu daşımırlar, bu faktdır. Amma bu əbədiyyətə qədər davam edə bilməz. Tədricən Azərbaycan pasportunu qəbul etməli, Azərbaycan qanunları o ərazilərdə işləməlidir. Xankəndinə, Xocalıya, Şuşanın kəndlərinə və digər ərazilərimizə o yerlərin əzəli sakinləri olan azərbaycanlılar qayıtmalıdır. Qarşımızda böyük vəzifələr dayanır. Həmin vəzifələri həyata keçirməyin diplomatik yolları var”.

Politoloq deyir ki, Ermənistanın baş naziri Nikol Paşinyan Şuşada yallı gedib Qarabağ Ermənistandır deyirdi: “İndi isə o ritorikanı dəyişib. O, yerli televiziya kanallarından birinə geniş müsahibəyə ehtiyac duyub. Paşinyanın bu taktikası özünü doğruldub. Çünki Paşinyan müsahibəsində elə detallara toxunub ki, keçmişdə hakimiyyətlərdə olan hazırkı müxalifət nümayəndələri üçün həmin detalları inkar etmək çətin olacaq. Üstəgəl, Paşinyan müsahibəsində ona inananlara gərginlik və müharibə deyil, əməkdaşlıq və inkişaf vəd etməyə çalışıb.

Birincisi, Paşinyan keçmiş prezident və hakimiyyətdən devirdiyi Serj Sərkisyanı susdurub. Sərkisyan bir neçə gün əvvəl böyük səs-küy yaradan müsahibəsində demişdi ki, Paşinyan 44 günlük müharibənin ilk günlərdə vaxtilə Rusiyadan alınan “İsgəndər” raketlərindən istifadə etməyib və guya məğlubiyyətdə bu amilin rolu olub. Paşinyan isə müsahibəsində deyib ki, müharibənin ilk günlərindəcə həmin “İsgəndər” raketlərindən Azərbaycana qarşı istifadə ediblər, ancaq həmin raketlər partlamayıb. Paşinyan cümləsinin sonunda Rusiyaya atmaca atmaqdan da çəkinməyib: “Bəlkə bu raketlər 80-ci illərdə hazırlanıb?”

İkincisi, Paşinyan müsahibəsində deyib ki, əsas vəzifələrindən biri əsirlərin geri qaytarılmasıdır. O, Azərbaycanı əsirlər məsələsində ittiham edərək deyib ki, guya rəsmi Bakı 10 noyabr anlaşmasının əsirlərlə bağlı bəndinin reallaşdırılmasını gecikdirir. Paşinyanın “əsir” dediyi şəxslər 10 noyabr bəyanatından sonda əli silahlı ələ keçiriliblər. Halbuki 10 noyabr bəyanatına görə Ermənistan əli silahlı bütün vətəndaşlarını dərhal Dağlıq Qarabağdan çıxarmalı idi. Buna baxmayaraq, Paşinyan əsirlər mövzusunda danışarkən, ləng olsa da, prosesin irəlilədiyini və nəticə əldə olunduğunu etiraf edib. Misal üçün, o, 69 əsirin Ermənistana təhvil verildiyini xatırladıb. Paşinyan Rusiya vasitəsilə Azərbaycanla təmasların davam etdiyini vurğulayıb.

Üçüncüsü, Paşinyan 10 regional layihələrdən danışarkən maraqlı fikirlər söyləyib: “Regional layihədə bütün dövlətlər, o cümlədən Rusiya, Gürcüstan, İran, Türkiyə və Azərbaycan maraqlıdırlar. Bu, Ermənistanın da maraqlarına uyğundur. Kommunikasiya xətlərinin açılması bölgəyə barış və inkişaf gətirəcək. Bunun Ermənistan iqtisadiyyatına da müsbət təsiri olacaq”. Paşinyan bu açıqlamasıyla da rəqiblərinə mesaj göndərir ki, regional layihələrdə iştirak Ermənistanın xeyrinədir. Halbuki onun rəqibləri, o cümlədən bəzi erməni iqtisadçılar vurğulayırlar ki, guya kommunikasiya xətlərinin açılması Ermənistana fayda gətirməyəcək.

Dördüncüsü, Paşinyan müsahibəsində Sünikdəki duruma da aydınlıq gətirib: “Həll edə bilməyəcəyimiz problem yoxdur. Sünikdə qonşumuzla sərhəd müəyyənləşir. Əlbəttə, bu həmin bölgədə yaşayan vətəndaşlarımızda müəyyən suallar yaradır. Ancaq bir müddət sonra gərginliyin azalacağına inanıram. Biz Sünik bölgəsində sosial və infrastuktur çalışmalarını sürətləndirəcəyik”. Bu açıqlama da ona hesablanıb ki, ermənilər Azərbaycanla qonşuluqda yaşamağa öyrəşməlidirlər.

Beləliklə, Nikol Paşinyan son müsahibəsi ilə müharibədən əvvəlki ritorikasından geri çəkilmiş kimi görünür. Bir vaxtlar Şuşada yallı gedən, “Qarabağ Ermənistandır” deyən şəxs hazırda Azərbaycanla və Türkiyə ilə əməkdaşlıq imkanlarından, kommunikasiya xətlərinin açılmasından danışır. Paşinyan növbəti açıqlamalarının birində Ermənistanın Azərbaycan və Türkiyəyə qarşı ərazi iddialarının olmadığını da vurğulayarsa, regional əməkdaşlığa real töhfəsini vermiş olacaq".

Politoloq deyir ki, müharibədən sonra Ermənistan hakimiyyətinin ritorikası getdikcə konstruktivləşməyə meyllənir. Hazırda önəmli olan bütün erməni cəmiyyətində ritorikanın dəyişməsidir: “Bu gün erməni cəmiyyəti məğlubiyyətin həzmetmə dövrünü yaşayır. Bu dövr hələlik bitməyib. Bu dövr də sona çatacaq və barışmaqdan başqa çarələri qalmayacaq. Bundan sonra 3-cü müharibəyə də ehtiyac olmayacaq”.
“Yeni Müsavat”
 
Ardını oxu...
İran Elmi Hövzələri İdarəetmə Mərkəzi tərəfindən təşkil edilən ilk "Beynəlxalq 17 Rəbiul-əvvəl Qarabağ Konfransı" 1 may 2021-ci il tarixində Qum şəhərində keçiriləcək.

Ovqat.com İran mətbuatına istinadən xəbər verir ki, konfransda İranın Ali rəhbəri Ayətullah Seyyid Əli Xameneinin 3 noyabr 2020-ci il tarixli Dağlıq Qarabağ böhranı ilə əlaqədar çıxışı dəyərləndiriləcək.

Məlumata görə, tədbirdə İran, Azərbaycan və Qafqazdan aparıcı İslam alimləri iştirak edəcəklər və "Azərbaycan torpaqları azad edilməlidir", "Qarabağ ərazilərindəki ermənilərin təhlükəsizliyi təmin edilməlidir", "İki tərəf beynəlxalq sərhədləri pozmamalıdır", "Terroristlər İran sərhədlərinə yaxınlaşsa kəskin cavab verəcəyik" mövzu başlıqları müzakirə ediləcək.

Maraqlıdır ki, sözdə guya şiə dünyasının ən böyük dini-elmi mərkəzlərindən sayılan Qumda keçirilməsi planlaşdırılan konfransda ilk baxışda Azərbaycanın ərazi bütövlüyü və suverenliyi müdafiə olunur. Tədbirdə müzakirə olunacaq məsələlərin başlıqları isə 2-1 hesabı ilə ermənilərin xeyrinə göstərilir.

Ardını oxu...

Ermənilərin xeyrinə olan müzakirə mövzularından biri Qarabağda ermənilərinin təhlükəsizliyi ilə bağlıdır. Nədənsə Azərbaycanın ərazisində erməni canıyananlığından çıxış edən İran unudur ki, bu gün Ermənistan ərazisində bir azərbaycanlıya da rast gəlmək mümkün deyil. Rusiyanın 200 illik imperialist siyasəti nəticəsində Azərbaycan türkləri öz əzəli torpaqlarından kütləvi şəkildə sürgün edilib və yerlərinə ermənilər doldurulub. Təkcə ötən əsrdə 4 dəfə böyük departasiya hadisəsi yaşanıb, dədə-baba yurdlarımız erməniləşdirilib. İlk dəfə 1905-1910-cu illərdə yürüdülən bu siyasət, daha sonra 1918-1920-ci illərdə daha geniş vüsət alıb. Üçüncü böyük deportasiya hadisəsi 1948-1953-ci illərdə, sonuncusu isə 1988-1992-ci illərdə baş verib. Bu sürgünlər zamanı Qərbi Azərbaycanda yaşayan azərbaycanlılara məxsus yüzlərlə yaşayış məntəqəsi yerlə yeksan edilib, onminlərlə evlər dağıdılıb, yandırılıb, qoca, uşaq və qadınlar da daxil olmaqla, 140 mindən çox insan vəhşicəsinə qətlə yetirilib, 1 milyona yaxın azərbaycanlı Qərbi Azərbaycandan didərgin salınıb. Bundan başqa, ermənilər Qərbi Azərbaycandan müsəlman izini itirmək məqsədilə buradakı qəbiristanlıqları, tarixi mədəni abidələri, dini müəssisələri, məktəb, xəstəxana və digər binaları darmadağın ediblər.

İran isə bu müddət ərzində bir dəfə də olsun, səsini çıxarıb ermənilərə və ruslara “gözün üstə qaşın var”, - deməyib. İndisə Azərbaycanın hətta beynəlxalq arenada tanınan ərazilərində öz suveren haqlarını bərpa etmək şansı yarananda yenə İranı ərazilərimizə “sülhməramlı qoşunlarını” göndərərək Qarabağ probleminin həllinə mane olan Rusiyanın və müsəlman qanına susamış ermənilərin yanında görürük.

Üstəlik, İran Elmi Hövzələri İdarəetmə Mərkəzinin təşkilatçılığı ilə keçirilən konfrans Xocalı soyqırımının ildönümü ərəfəsinə düşür və tədbirdə müsəlmanların qanını içən “ermənilərin təhlükəsizliyinin təmin olunması” tələb edilməsi nəzərdə tutulur. Halbuki Rəbiül-əvvəl ayının 17-ci günü İslam Peyğəmbərinin (s), eləcə də altıncı imamımız imam Sadiqin (ə) mövlud günüdür. İranın din xadimləri müsəlman Azərbaycan xalqına hörmət etmirlərsə, etməsinlər, heç olmasa İslam peyğəmbərinə və şiə məzhəbinin əsasını qoyan İmam Cəfər Sadiqin əziz ruhuna sayqı duysunlar. O kəslərə ki, “Çində bir müsəlmanın ayağına tikan batsa, mənim ürəyimə qılınc sancılır” deyərək İslam həmrəyliyini təbliğ edirdilər.

Ardını oxu...

Konfransın müzakirə mövzularından digəri birbaşa ermənilərlə bağlı olmasa belə, hər halda onların əsassız iddialarını təsdiqləmək məqsədi güdür. Məlum olduğu kimi, 44 günlük savaş boyunca ermənilər daş atıb başlarını tuturdular ki, guya, Azərbaycan Suriyadan, Yaxın Şərqdən muzdlu terrorçular gətirib Qarabağda savaşdırır. Halbuki, Azərbaycan əsgərinin bu müharibəni ən müasir silahlarla, texnikalarla apardığını ermənilərin özləri belə etiraf edirlər. Ordumuzun hansısa terrorçunun bacara bilməyəcəyi, yalnız hərbi mütəxəssislər tərəfindən aparılan bu müharibənin metodları dünyanın ən qüdrətli hərbi strukturları tərəfindən öyrənilir. Belə mübarizəni terrorçuların ayağına yazmaq Azərbaycan ordusunun ortaya qoyduğu dəyanəti xor görməklə yanaşı, müasir hərbi texnologiyalardan başı çıxmamağın göstəricisidir. Ya da sadəcə qısqanclıq hissindən qaynaqlanır.

Sirr deyil ki, İran da Azərbaycan ordusunun 44 günlük müharibədə dosta-düşmənə verdiyi dərsdən nəticə çıxarmış və Rusiyadan sifariş etdiyi bir çox silahları almaqdan boyun qaçırmışdı. Məhz bu səbəbdən İranın ermənilər tərəfindən irəli sürülən “muzdlu terrorçular” versiyasına inandığının düşünmürəm. Belə çıxır ki, Tehranın yeganə məqsədi Azərbaycan ordusunun uğurlarını ört-basdır etməkdir. Bu da məsələyə qısqanc yanaşmanın əlaməti və Dağlıq Qarabağ uğrunda aparılan son döyüşlərdə şəhadət şərbəti içən 3 min əsgərimizin fədakarlığına, qəhrəmanlığına kölgə salmaq kimi qiymətləndirilə bilər.

Digər tərəfdən “Terroristlər İran sərhədlərinə yaxınlaşsa kəskin cavab verəcəyik" sözləriylə Qum müctehidləri nə demək istəyirlər? Onlar anlamalıdırlar ki, sərhəd deyiləndə iki dövlət arasındakı birinin ərazilərinin bitib digərinin torpaqlarının və bu torpaqlar üzərindəki suverenlik haqlarının başladığı yer nəzərdə tutulur və bu məkanda terrorçular yox, sərhədçilər dayanırlar.

Ardını oxu...

Üstəlik, sərhədlərin mühafizəsi Qum ayətullahları tərəfindən yox, beynəlxalq hüquqla tənzimlənir. Beynəlxalq hüquqa əsasən isə, İranın sərhəddə açdığı mərmi ən uzağı Arazın ortasına qədər gələ bilər. Arazın ortasında havada donub qalmasa, bu, sərhədlərin pozulması anlamına gələr və savaş səbəbi sayılar. Ayətullahlar da gərək bu məqama diqqət yetirə və atəş açmamışdan əvvəl mərmilərə harda dayanmasına qərar verəcəyini anlaması üçün ağıl duası yaza, onların üzünə üfləyə. Əks halda, İran sərbazlarının da adekvat cavab almaları qaçılmaz ola bilər. Baxmayaraq ki, Azərbaycan dövləti bunu arzulamır və Qum müctehidlərindən fərqli olaraq İranla sərhədə “dostluq və qardaşlıq tellərinin qovşağı” kimi baxır. Amma qardaş ərköyünlüyünə dözəcək qədər çarəsiz və “üzüyola” də deyil.

Ən əsası isə, Qarabağ Azərbaycan ərazisidir və bu torpaqda yaşayan hər bir vətəndaşın təhlükəsizliyini qorumaq ölkəmizin 1 nömrəli vəzifəsidir. Hər bir müstəqil dövlət kimi Azərbaycan da öz hüquq və vəzifələrinin xaricilər tərəfindən yada salınmasını daxili işlərə qarışmaq kimi qiymətləndirməli və buna təşəbbüs edənlərə “evin şüşədənsə qonşunun dəmir qapısına daş atma” aforizmini xatırlatmalıdır. Xüsusilə daş atan əgər İrandırsa... Zira bu ölkədəki 40 milyon türkdən fərqli olaraq, bir ovuc Qarabağ ermənisinin öz dilində yazıb oxumaq hüququ hər zaman olub, bu gün də var, özlərini bu ölkənin vətəndaşları (klassik təbirlə desək adam) kimi apara bilsələr, sabah da olacaq. Hesab edirəm ki, Azərbaycan XİN bu mesajı açıq şəkildə İranın diqqətinə çatdırmalı və Qumda keçirilməsi planlaşdırılan konfransın dərhal dayandırılmasını tələb etməlidir.

Ardını oxu...

Yeri gəlmişkən, bizim anlamadığımız ən maraqlı xüsus erməni “canıyananlığı”na xidmət edən bu konfransda Azərbaycanın din alimlərindən kimin iştiraka hazırlaşması ilə əlaqədardır. Qafqaz Müsəlmanları İdarəsi zəhmət çəkib bu suala da aydınlıq gətirməlidir. Dövlətin müvafiq qurumları Şeyxülislam həzrətlərinə başa salmalıdır ki, Azərbaycan onun üçün Çexiyadakı müəssisələri deyil, istədiyi kimi hərəkət edə. Burası yeni müstəqillik qazanmasına baxmayaraq, minillik dövlətçilik ənənəsinə və şüuruna malik ölkədir və din xadimlərimiz də bu şüurla hərəkət etməyi bacarmalıdırlar.

Xatırladaq ki, Qumda keçiriləcəyi planlaşdırılan konfrans İran dini lideri Ayətullah Seyyid Əli Xameneinin 3 noyabr 2020-ci il tarixli Dağlıq Qarabağ böhranı ilə əlaqədar çıxışının tezislərinə həsr olunur. Müharibənin bitməsinə bir neçə gün qalmış dini lider tərəfindən dilə gətirilən bu tezislər “toydan sonra çalınan nağara” səsinə bənzəyirdi və problemin mahiyyətinə zidd xaric səslərlə dolu idi. Qum müctehidləri bu gecikmiş “nağara səsini” unutdurmaq əvəzinə, yenidən yada salmaqla Xamenei həzrətlərinə nəinki düzgün xidmət göstərmirlər, əksinə, onun öz ölkəsinin sərhədlərində baş verən hadisələri vaxtında qiymətləndirəcək qədər uzaqgörən olmadığını bir daha təsdiqləməyə çalışırlar. Biz hələ müsəlman dini liderin öz dindaşlarının əvəzinə təcavüzkar erməniləri dəstəkləməsindən danışmır və Maidə surəsinin 51-ci ayəsini onun yadına salmırıq: “Ey iman gətirənlər! Yəhudi və xaçpərəstləri (özünüzə) dost tutmayın! Onlar bir-birinin dostudurlar. Sizdən kim onlarla dostluq edərsə, o da onlardandır. Allah zalım tayfanı düz yola yönəltməz!”

Heydər Oğuz,
Ovqat.com
 
 
Ardını oxu...
Ermənistan tərəfindən hərbi təyinatı olmayan Azərbaycan torpaqlarının minalanmasına təsadüfi əməl kimi baxılmamalıdır.

Bunu Trend-ə AMEA Fəlsəfə İnstitutunun aparıcı elmi işçisi, dosent, politoloq Faiq Ələkbərli deyib.

Onun sözlərinə görə, Ermənistan rəhbərliyi havadarlarının yardımı ilə vaxtilə işğal etdiyi torpaqlarımızdan bir gün rədd olub gedəcəklərini yaxşı dərk etdikləri üçün hərbi təyinatı olmayan ərazilərimizi də minalayıblar ki, gələcəkdə Azərbaycana və onun əhalisinə zərər vura bilsinlər:

"Açıq-aydın görünür ki, Ermənistan rəhbərliyi və onun havadarları belə qeyri-insani yollardan istifadə edərək həm mülki şəxslərin öz doğma torpaqlarına qayıtmasını çətinləşdirməyi, həm də onların həlak olmasını əvvəlcədən planlaşdırıblar. Bu baxımdan, hərbi təyinatı olmayan ərazilərimizdəki minaların xəritəsini də müxtəlif bəhanələrlə vermək istəmirlər. Onlar Azərbaycanda minalardan təmizlənmə işini ləngitməklə öz doğma torpaqlarına qayıtmaq istəyən mülki azərbaycanlıların minalara düşməsi nəticəsində ölməsinə şərait yaradır, bununla yanaşı, onlar arasında vahimə yaratmaq istəyirlər".

Politoloqun fikrincə, ermənilərin cinayətkar niyyəti daha çox mülki insanların minalara düşməsi və həlak olması, bunun da nəticəsində vətəndaşlarmızın doğma ata-baba torpaqlarına qayıtmasını uzatmaqdır:

"İşğaldan azad olunmuş torpaqlarımız minalardan nə qədər tez təmizlənərsə, vaxtilə Dağlıq Qarabağ bölgəsində yaşamış vətəndaşlarımız da öz yurd-yuvalarına dönmələri tez olacaq".

F.Ələkbərli qeyd edib ki, ermənilərin anti-insani əməlləri - hərbi təyinatı olmayan ərazilərimizin minalanması barədə məlumatlar vaxtında beynəlxalq ictimaiyyətin diqqətinə çatdırılmalıdır. Bununla bağlı beynəlxalq hüquqa və konvensiyalara da müraciət edilməlidir.
 
 

Qarabağda baş verən son hadisələr heç də ürəkaçan deyil.

KAİM.az xəbər verir ki, aşağıdakı videoda siz endirilən Ermənistan bayrağının yenidən Qarabağda necə dalğalandırılmasından, Ermənistan nazirinin Azərbaycan sərhədini pozaraq Xankəndiyə necə daxil olmasından, həmçinin son yaşanan olaylardan xəbərdar olacaqsınız.

Daha ətraflı videoda:

 

 

Dünyapress TV

Xəbər lenti