Ardını oxu...
"Ənənəvi şəxsiyyət vəsiqəsi ilə örpənənlərin kimliyinin aşkar edilməsində mürəkkəblik iddia edilə bilərdi. Lakin biometrik vəsiqələrlə identifikasiya problemi tam aradan qalxır"
Azərbaycanda biometrik vəsiqələrin verilməsinə başlanılsa da, ölkəmizdə şəxsiyyət vəsiqələri üçün şəkil çəkdirənlərə hicab qadağası aradan qalxmayıb. Bu günlərdə bu məsələyə münasibət bildirən Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN Xidmət) sədri Ülvi Mehdiyev bildirib ki, Biometrik vəsiqələrin verilməsi "ASAN Ximdət"də Daxili İşlər Nazirliyi tərəfindən həyata keçirilir: "Əgər hicabın açılması qanunvericiliklə labüddürsə, düşünürəm ki, buna əməl etmək lazımdır. Mən bu məsələni nəzərimdə saxlayacam".

Agentlik sədri bu məsələni aidiyyəti qurumlarla əlaqə saxlayıb araşdıracağını bildirib:

"Əgər biometrik vəsiqə bu halın aradan qaldırılmasına vasitədirsə və qanunvericilik burada pozulmursa, o zaman biz bu məsələni aradan qaldıracağıq. Yox, əgər bu qanunvericiliyin ciddi tələbidirsə və təhlükəsizlik baxımından lazımdırsa, o zaman vətəndaşlarımızın anlayışla qarşılamağını xahiş edirəm. Hər bir halda mən bu məsələni öz nəzarətimdə saxlayacağam".
Sputnik Azərbaycan biometrik vəsiqələrin verilməsinin hicab qadağasını aradan qaldırmağa imkan verib-vermədiyini araşdırıb.

İlahiyyat üzrə fəlsəfə doktoru Elşad Mahmudov Sputnik Azərbaycan-a açıqlamasında bildirib ki, vətəndaşlar Azərbaycan dövlətinin iştirakçısı olduğu konvensiya və beynəlxalq hüquq normalarından məhrum edilirlər: "Amma ASAN xidmət bunu əsaslandıra da bilmir. Çünki vətəndaşlara hər zaman hüquq çərçivəsində xidmət göstərən qurum bu dəfə vətəndaşların birbaşa hüquqlarını pozaraq göstərmədiyi xidmətə "don geyindirə" bilmir. Yaylıqla şəkil çəkdirilməsinə qarşı çıxan qurum nəinki konstitusiya, həmçinin dünyanın mütləq əksəriyyətinin, eləcə də Azərbaycan dövlətinin tərəfdar çıxdığı Beynəlxalq Mülki Aviasiya Təşkilatının (ICAO) standartlarını heçə sayır.

Bəli, ASAN xidmətdə innovativ yeniliklər, vətəndaşlara xidmətdə hər zaman tətbiq olunan yenilənmiş siyasət sırf ölkə sakinlərinin razılığına, xarici ölkə vətəndaşlarına qarşı əvvəllər yönəlmiş süni əngəllərin isə aradan qaldırılmasına hədəflənib. Məsələ belə olduğu halda yaylıqlı qadınlara bu qanunsuz tələb nədən xəbər verir? Ölkə əhalisinin 96 faizinin inancından gələn geyim formasını mənimsəyən qadınlar təhlükə mənbəyidirmi? Bununla yanaşı, saçtökülmədən əziyyət çəkən və ya hər-hansı səbəbdən yaylıq bağlayan, bu geyimi özünə imic seçən qadınlar da var. Bəs, onların cəmiyyətdən gizlətdiyi bu çatışmazlığı ASAN xidmət niyə aşkar edir?

Yeni nəsil şəxsiyyət vəsiqələri irəli sürülən digər absurd iddiaları da kənarda qoyur. Belə ki, ənənəvi şəxsiyyət vəsiqəsi verilərkən yaylıqla örpənənlərin kimliyinin aşkar edilməsində mürəkkəblik iddia edilə bilərdi. Lakin yeni nəsil (biometrik) vəsiqələrin verilməsi ilə şəxsiyyət vəsiqəsinin identifikasiya problemi tam aradan qalxır. Çünki həmin vəsiqələr daktiloskopik məlumatları da (əl barmaq izləri) özündə ehtiva edir. Əl barmaq izləri isə şəxsiyyətin müəyyən edilməsi üçün (identifikasiya) istifadə edilən ən üstün üsuldur".

E.Mahmudov deyir ki, Azərbaycana qadınları yaylıqla örpənən, hicab və niqab geyinən xarici ölkə vətəndaşları gəlir. Lakin Dövlət Miqrasiya Xidməti əcnəbi xanımlara ölkəyə giriş və ya daimi yaşamaq üçün icazə vəsiqələrini hicablı fotoşəkillər əsasında verir:

"Baxmayaraq ki, bəzi ölkələrdə həmin vəsiqələr biometrik deyil. Deməli, yaylıq və hicab şəxsiyyəti müəyyən etməyə maneə deyil. Beləliklə, ASAN xidmətin bu cür geyimli qadınlara tətbiq etdiyi fotoşəkil qadağasının heç bir qanuni əsası yoxdur".
Daxili İşlər Nazirliyindən isə sorğumuza cavab olaraq bildirildi ki, tələblər şəxsiyyət vəsiqəsi meyarlarında öz əksini tapıb.

Qeyd edək ki, şəxsiyyət vəsiqəsi meyarlarında da hicab məsələsi yer almayıb. Meyarlarda göstərilir ki, Azərbaycan vətəndaşının şəxsiyyət vəsiqəsinin təsviri 85,6 mm x 54 mm ölçülüdür. Vəsiqənin üz tərəfinin sol hissəsində vəsiqə sahibinin 26 mm x 32 mm ölçüdə fotoşəkli üçün yer nəzərdə tutulur.

Bu fərmanın 3.3-cü maddəsinin yeni redaksiyasında qeyd olunub ki, şəxsiyyət vəsiqəsinin üzərində vətəndaşın Beynəlxalq Mülki Aviasiya Təşkilatının (İCAO) tələblərinə uyğun fotoşəkili yerləşdirilir. Azərbaycan Prezidentinin imzaladığı 7 fevral tarixli Fərmanla təsdiqlənən "Azərbaycan Respublikasının vətəndaşının şəxsiyyət vəsiqəsinin təsviri" adlı əlavə 1-də kriteriya daha dəqiq göstərilib. Orada qeyd edilib ki, şəxsiyyət vəsiqəsinin üzərindəki fotoşəkil İCAO-nun 9303 saylı sənədinin tələblərinə uyğun olmalıdır.
Ardını oxu...
"Stoloto" lotereyasında bir milyard rubl qazanan rusiyalı qadının adı açıqlanıb.

Cebhe.info xəbər verir ki, bu barədə "RİA Novosti" məlumat yayıb.

Moskva etrafında yaşayan Nadejda Bartoşa 31 dekabrda ad gününə lotereya bileti hədiyyə edilib və o, Yeni il tətilindən sonra yanvarın 9-da dövlət lotereyasının "Ən varlı qalibi" olub.

Bartoş uduşu rəsmiləşdirmək üçün lotereya mərkəzinə həyat yoldaşı və qızı ilə gəlib.

Qeyd edək ki, qalib öz uduşunu ilin birinci yarısına qədər götürə bilər, əks təqdirdə məbləğ dövlət büdcəsinə keçəcək.
Ardını oxu...
Hazırda ictimaiyyəti sarsıdan və diqqətləri özünə çəkən ötən ilin noyabrında itkin düşən və ötən gün meyiti tapılan 10 yaşlı Nərmin Quliyeva ilə bağlı faciəsi gündəmi məşğul edən ən həssas olaydı. Bu hadisəyə Millət vəkili Qənirə Paşayeva da etinasız qalmayıb və öz sosial hesabında Nərmin Quliyeva ilə bağlı paylaşım edib. Deputatın yazdıqlarına aparıcı Xoşqədəm Baxşəliyeva sərt reaksiya verib və onu qınayıb: "Nərmin itəndə sizi orada görmək istəyərdim, ölüsü ortaya çıxdıqdan sonra yox, hörmətli Qənirə xanım. Həftələrdir bu axtarış gedir.Bəlkə bir az sərt oldu, amma uman yerdən küsərlər, bağışla".

Adalet.az xəbər verir ki, aparıcı millət vəkili Qənirə Paşayeva haqqında bildirdiyi bu sözlər yeni bir qalmaqalın əsasını qoyub.

Q.Paşayeva Xoşqədəmin qınağına tutarlı cavab verərək bildirib ki, o dairənin Millət vəkili deyil:” Mən o dairənin Millət vəkili olmasam da, hüquq mühafizə orqanları ilə hər gün bu barədə danışırdıq. Mənim axtarış imkan və səlahiyyətim yoxdur. Daim maraqlana bilərəm, hüquq mühafizə orqanları da bu məsələ ilə bağlı nə qədər maraqlandığımı bilir.Əgər sizə maraqlı idisə özümdən və ya onlardan soruşa bilərdiniz. Fikrinizi necə ifadə etmək istəyirsiniz, o cür də edə bilərsiniz. Amma gerçəkləri bilin istədim"

Bu cavabdan qane olmayan aparıcı israrla öz dediyini təkrar edib: "Ola bilər, amma bu axtarışda şəxsən iştirak edən biri kimi bunun şahidi olmadım. Bunu yalnız sizə yaza bilərəm, uman yerdən küsərlər, dedim" sözləriniəlavə edib.

Qənirə Paşayeva yenidən təmkin və səbrlə aparıcıya səlahiyyətlərini və qanun çərçivəsində ancaq edə biləcəyi işləri söyləmək zorunda qalıb: "Hüquq mühafizə orqanlarına müraciət edirik. Millət vəkili olaraq bu cür addım atmalıyıq. Amma bu prosesdə sizin fəaliyyətinizdə başqa nəsə edə bilərdiksə, əmin olun, söyləsəniz edərdik. Bunu ən yaxşı siz bilirsiniz. Amma bu cür hadisələrdə davamlı hüquq mühafizə orqanlarına müraciət edirik və qanunla başqa səlahiyyətimiz yoxdur. "Uman yerdən küsərlər" fikrinizə sayğı ilə yanaşıram.Amma bu cür işlərdə ancaq qanunla daşıdığımız səlahiyyət çərçivəsində hərəkət edə bilirik" .

Yəqin ki, bu müzakirədə kimin reklam arxasınca qacması, kimin daha sanballı və düşünülmüş addım atması oxucuların hamısına məlumdu.

Dərhal ağlımıza bir fikir gəldi: Deputatın telefon nömrəsi əksəriyyətimizdə var. Zənnimizcə, "uman yerdən küsərlər” deyən aparıcı "küsdüyünü” ictimailəşdirmədən də ünvana çatdıra bilərdi.


Əntiqə Rəşid
Ardını oxu...
Ardını oxu...
Ardını oxu...

Amerikalılar təpəfindən Bağdadda iranlı general Qasım Süleymaninin məqsədli şəkildə öldürülməsi, hər şeydən əvvəl qanunsuzdur və beynəlxalq humanitar hüququ pozur. Bu barədə Birləşmiş Millətlər Təşkilatının (BMT) məhkəmədən kənar qətl məsələləri üzrə xüsusi məruzəçisi Aqnes Kallamar özünün «Tvitter»ində yazıb.

Bundan əvvəl Pentaqon Süleymaniyə qarşı əməliyyat keçirdiyini təsdiqləyib. Həm də xəbər verilib ki, əməliyyatın gedişində 5 nəfər şiə üsyançısı həlak olub. Həlak olanlar arasında üsançıların başçısının müavini Əbu Məhdi əl-Mühəndisi də olub. ABŞ dövlət katibi Mayk Pompeo onu dekabrın 31-lə ABŞ-ın Bağdaddakı səfirliyinə edilən hücuma görə günahlandırmışdı.

«Qasım Süleymaninin və Əbu Məhdi əl-Mühəndisinin məqsədli şəkildə öldürülməsi, hər şeydən əvvəl qanusuzdur və insan hüquqları sahəsində beynəlxalq qanunvericiliyi pozur» - xanım Kallamar yazıb.

Onun sözlərinə görə, aktiv hərbi əməliyyatların keçirilmədiyi şəraitdə pilotsuz uçan aparatların və ya məqsədli şəkildə insanın öldürülməsi üçün digər vasitələrin işədilməsi qanuni sayıla bilməz.

Kallamar qeyd edib ki, ölümcül və ya potensial ölümcül silahların məqsədli şəkildə istifadəsi beynəlxalq qanunvericiliklə o halda əsaslandırıla bilər ki, kiminsə həyatına birbaşa təhlükə olsun.

«Başqa sözlə, bu iki kişiyə kimin hücum etməsindən asılı olmayaraq, əsaslandırılmalı idi ki, onlar digər insanlar üçün birbaşa təhlükə mənbəyidirlər» - deyə, xüsusi nümayəndə yazıb.

Kallamar əlavə edib ki, bu zaman həmin adamın keçmişlərdə «terror» hücumunda iştirakı onun öldürülməsi üçün yetərincə əsas ola biməz.

AzPolitika.info

Ardını oxu...
Deputatlığa namizədlərin siyahısı açıqlandıqca, bir çoxlarının iç üzləri də üzə çıxır.


Sfera.az yenicag.az-a istinadla xəbər verir ki, kürd xalqının azadlığı uğrunda mübarizə apardığını iddia edən, Kürdüstan Fəhlə Partiyasını dəstəkləyən (PKK) mesajları ilə sosial mediada səs-küy salan Nurlana Cəlil 110 saylı Zaqatala dairəsindən bitərəf namizəd kimi Milli Məclis seçkilərinə namizədliyini irəli sürüb.

Dünyada terrorçu təşkilat kimi tanınan PKK-nı dəstəkləyən Nurlana Cəlilin hansı üzlə Azərbaycanda deputatlığa namizədliyini verir, bəlli deyil. Azərbaycanın Qarabağ boyda problemi ola-ola, erməni terroruna məruz qalan bir ölkənin vətəndaşı necə terrorçu qrupu dəstəkləyir, bu da ciddi suallar doğurur. Bundan əlavə dünyada Azərbaycanın haqq sözünü deyən, daim ölkəmizin yanında olan Türkiyə qarşı savaş açan, minlərlə günahsız insanı qətlə yetirən bir terror təşkilatına rəğbət göstərmək təbii ki, heç bir məntiqə sığmır.

Maraqldır ki, bu xanımı dəstəkləyənlər arasında sosial şəbəkədə tanınan aktivist Bəxtiyar Haciyev də olub. Belə ki, Bəxtiyar Hacıyev 31 dekabr tarixində, qeyri-adi bəyanatları ilə tanınan, 110 saylı Zaqatala dairəsindən bitərəf namizəd kimi Milli Məclis seçkilərinə namizədliyini irəli sürən Nurlana Cəlilə dəstək bəyanatı ünvanlayıb.

O Bəxtiyar Hacıyev ki, vaxtilə, hərbi qulluğa qatılmaqdan imtina etdiyi üçün bir müddət həbsxanada yatıb.

Bəxtiyar Haciyevin Nurlana Cəlilə dəstək mesaji sosial şəbəkə istifadəçiləri tərəfindən birmənalı qarşılanmayıb, belə ki, bəyanat ciddi tənqid atəşinə tutulub. Mübahisə etməyə və mesajını anlatmağa çalışsa da, Bəxtiyar Haciyev tənqid atəşinə tab gətirməyib, bir neçə saat sonra yayımladığı bəyanatını pozub. Daha sonra B.Haciyev mesajı yazma və onu sonradan pozma səbəbi ilə bağlı heç bir izahat verməyib.
 
 
Ardını oxu...
Qasım Süleymaninin qızı ABŞ vətəndaşı imiş: Girovluq, yoxsa əqidə mühacirliyi?


Keçmiş sovet sistemində bir insanı təhlükəsizlik və hərbi strukturlara işə götürəndə adamın 7 sülaləsini yoxlayırdılar. Ən çox araşdırılan məsələ isə həmin kadrın yaxın və uzaq qohumları arasında xaricdə yaşayanın olub-olmaması idi. Şayət Arazdan keçərkən və ya avtobusda gedərkən ayağını ayaqladıqlarından birinin hansısa qohumu xaricdə idisə, sənin də çırağın sönürdü. Xarici kəşfiyyat orqanlarının həmin şəxs vasitəsilə sənə təsir edib özlərinə çalışdırma ehtimalı nəzərə alınır və səni dərhal qara siyahıya salırdılar.

Sözsüz ki, kəşfiyyat sahəsində dünya liderlərindən olan SSRİ-nin məsələyə bu cür yanaşması səbəbsiz deyildi. Yəqin ki, dəfələrlə sınaqdan çıxarılmış təcrübələr xariclə hər hansı əlaqəsi olanların dövlət strukturlarında nəinki irəli çəkilməsinin, hətta kiçik vəzifədə işləməsinin belə təhlükəli olduğunu göstərirdi və SSRİ başbilənləri bu təcrübələrə əsaslanıb bu qaydanı kadr siyasətinin olmazsa olmazı kimi qəbul etmişdilər.

SSRİ dağıldıqdan sonra keçmiş ittifaq subyektlərində hakimiyyətə gətirilənlərin yaxın ətrafından mütləq birinin Moskvada yaşaması şərti vardı və bu ənənə indi də davam edir.



Bütün bunlar siyasi xadimlərin yaxın ətrafından birinin hansı dövlətdə yaşayarsa, bunun ölkələr arasında xoş münasibətlərin formalaşacağına və bir-birinə düşmən kəsilməyəcəyinə xidmət edəcəyi inancından irəli gəlirdi və bu inanc tarixən də diplomatik əlaqələrin vazkeçilməz prinsiplərindən sayılıb. Təsadüfi deyil ki, tarix boyu şahlar, xaqanlar bir başqa dövlətin liderləri ilə qohumluq əlaqələri qurur və maraqların birləşdirilməsini ortaq təhlükəsizlik amili kimi qiymətləndirirdilər.

Eyni sözləri dövlətlərin digər əyan-əşrəfi barədə də demək mümkündür. Bütün bu qohumluq əlaqələrinin qurulması təkcə köklü bir soyla nəsil artımı məqsədi güdmürdü, həm də dövlətlər qarşılıqlı etimad yaratmaq üçün bir-birinə ən dəyərli varidatlarını girov qoyurdular. İnsanın ən dəyərli varidatının isə övlad olduğu şəksizdir.

Övlad bir tərəfə, bir çox ölkələrdə hətta xaricdə biznesi olan şəxsin deputat seçilmək və ya nazir, iri məmur təyin olunmaq hüququ belə yoxdur. Çünki bu hal başqa dövlət qarşısında öhdəlik meydana gətirir və xaricdə olan girov ölkə maraqlarını layiqincə qorumasında çətinlik yaradır.

İran da böyük dövlətdir. Hətta Amerikaya, İsrailə, qlobal imperializmə qarşı üsyan bayrağı açacaq qədər güclüdür. Öz ölkəsində qurduğu rejimi dünyanın ən ədalətli sistemi kimi Yaxın Şərqə və İslam dünyasına yaymağa çalışır. Məntiqlə, bu rejimi idarə edənlər ən dəyərli varidatlarını da gözlərindən kənara buraxmamalı, xüsusilə övladlarının dünyanın ən xoşbəxt və ədalətli ölkəsində yaşamasında maraqlı olmalıdırlar. Eynilə onların övladları da öz doğma cənnət məkanlarını qoyub qlobal zülmün mərkəzində yaşamağa tamah salmamalıdırlar. Həm də qlobal imperializmə qarşı mübarizə aparan valideynləri və özlərinin isə doğmalarına qarşı girova çevrilmək ehtimalı varsa. Əks halda ortaya başqa nəticələr çıxır. Məlum olur ki, yüksək səlahiyyət sahibi valideynlərin xalqa və qonşu dövlətlərin insanlarına söylədiklərinə heç onların övları də inanmır və yer üzündəki cənnəti İslam dəyərlərindən uzaq diyarlarda axtarırlar.

Son zamanlar iranlı ictimai fəallarının sosial şəbəkələrdə yaydığı bir çox məlumatlar da İranı idarə edənlərin belə, öz ölkələrini bəyənmədiklərini göstərir. Belə ki, bir müddət əvvəl İranın qurucu lideri ayətullah Xomeyninin qız nəvəsinin ABŞ-da yaşadığı və üstəlik, hicab qaydalarından uzaq geyindiyi məlum olmuşdu. İndi isə bir neçə gün əvvəl ABŞ tərəfindən öldürülən əfsanəvi general Qasim Süleymaninin qızının Amerika vətəndaşı olduğu ortaya çıxıb. Adı Zeynəb olan 28 yaşlı xanımın şəxsiyyətinə dair məlumatlar ərəb mətbuatı tərəfindən ictimailəşdirilib və İrana aid sosial şəbəkələrdə yayılıb. Sənəddə Zeynəb Süleymaninin valideynləri bu şəkildə təqdim olunur:

Atası: Qasem Soleimani,

Anası: Adı bilinmir.

Ardını oxu...

Məlumdur ki, Qasim Süleymani elə-belə generallardan deyildi. 1979-cu ildən son nəfəsinə qədər ABŞ-la, İsraillə döyüşüb. Livandan Yəmənə, İraqa qədər Yaxın Şərqə nəzarət edib. Öz ölkəsində belə dini lider ayətullah Xamaneidən sonra ikinci qüdrət sayılıb. Sözsüz ki, onun övladları da atalarının bu şan-şöhrətindən, imtiyazlarından ən azı mənəvi cəhətdən faydalanıblar. Yəqin, İrandan tutmuş Livana qədər geniş coğrafiyada milyonlarla insan onların başına dolanıb, böyük sayqı ilə qarşılayıblar. Bütün bu imtiyazlara və hörmətə baxmayaraq, Qasim Süleymaninin qızı İran vətəndaşlığından belə çıxıb ABŞ-a sığınıbsa və onun vətəndaşlığınını qəbul edibsə, bu, sözün bitdiyi yerdir və sual doğurur: Ən imtiyazlı ailələr belə bu rejimdə yaşaya bilmirsə, bəs sadə vətəndaşlar nə etməlidir?



Suallar çoxdur. Bir-bir dilə gətirib oxucuları yormaq istəməzdik. Bizə görə, Qasim Süleymaninin qızının ABŞ vətəndaşı olmasının ortaya çıxmasından sonra beyinləri qurcalayan əsas sual isə belə olacaq: Övladı düşmən dövlətdə yaşayan bir generalın həmin dövlətə qarşı həqiqi mübarizə aparması mümkündürmü?

Ovqat.com
Ardını oxu...
Rusiyada canlı yayım zamanı xəbər aparıcısının başına maraqlı hadisə gəlib.

Axşam.az xəbər verir ki, "Taqil-TV” kanalında xəbər buraxılışı zamanı aparıcının azyaşlı qızı əlində ansının telefonu ilə studiyaya daxil olub. "Ana, sənə mesaj gəlib" deyərək telefonu anasına uzadan qızın bu hərəkətinə fikir verməyən aparıcı buraxılışı davam etdirmək istəyib. Lakin uşağın yenidən ona müraciətini görən ana gülüb və övladından studiyanı tərk etməyini xahiş edib.

Canlı yayımda baş verən bu görüntü qısa vaxt ərzində sosial şəbəkələrdə yayılıb və böyük maraqla qarşılanıb.
Ardını oxu...

Hillari Klinton Şimali İrlandiyadakı Kraliça Universitetinin rektoru təyin olunub. AzərTAc xəbər verir ki, Klinton Belfastda yerləşən 175 yaşındakı universitetə növbəti beş il ərzində rəhbərlik edəcək. O, bu universitetə təyin olunan ilk qadın rektordur.

42-ci ABŞ Prezidenti Bill Klintonun həyat yoldaşı, 44-cü ABŞ Prezidenti Barak Obama administrasiyasında Dövlət katibi olan Hillari Klinton universitetə rektor təyin edildiyi üçün məmnun olduğunu deyib.

Ardını oxu...
Pakistanlı TikTok ulduzu (TikTok-qısa videoların yayılması üçün sosial şəbəkə platformasıdır, son vaxtlar dünyada sürətlə populyarlaşır) Harem Şah ölkəsini tərk edərək Azərbaycana qaçıb. Və buradan Kanadaya getməyə hazırlaşır.
Virtualaz.org “Pakistan Today” nəşrinə istinadla xəbər verir ki, Harem Şah hazırda Bakıdadır və Kanada vətəndaşlığı üçün müraciət edib. “Mən Kanadaya uçacağam, çünki Kanada vətəndaşlığı üçün ərizə vermişəm və Pakistana geri qayıtmaqla bağlı heç bir planım yoxdur. Mən Bakıdan Kanadaya uçacağam”,-o sosial şəbəkələrdə bildirib.

Harem Şah Peşəvər şəhərinin kasıb rayonlarından birində anadan olub, o, universitet tələbəsi idi. Lakin təhsili yarımçıq qoyub və sosial şəbəkələrdə karyera qurmağa başlayıb. Yaraşıqlı olduğu üçün o, Facebook-da sürətlə populyarlaşıb. Habelə TikTok platforması üzərindən videolar paylaşmağa başlayıb.
Ardını oxu...
Harem Şah
Harem Şahın Pakistanın məşhur şəxsləri ilə bağlı videoları internetdə virus kimi yayılıb. Xüsusən də onun nazirlərlə və hökumət məmurları ilə, o cümlədən baş nazir İmran Xanla videoları böyük populyarlıq qazanıb. Bir neçə həftə əvvəl Harem Şah baş nazirin ofisindən video paylaşıb. Həmin videoda o, İmran Xanın kreslosunda oturur, hökumət binasının konfrans zalında görünür. Habelə bundan əvvəl Harem Şah Xarici İşlər Nazirliyinin binasından video paylaşıb və hökumət bu video ilə əlaqəli araşdırma başladıb. Paytaxtın ən mühüm hökumət binalarından birinə sosial şəbəkə ulduzunun kim tərəfindən buraxıldığını araşdırmaq üçün.

Harem Şahın baş nazirin ofisindən video paylaşması da qalmaqal yaradıb. Onun hökumət başçısının ofisinə necə keçdiyi, kimlərin belə şərait yaradığı məlum deyil.

Növbəti qalmaqal isə Pakistanın federal dəmiryolları naziri Şeyx Rəşidlə bağlı yaşanıb. Belə ki, Harem Şahın adından sosial şəbəkədə yayılan videoya əsasən o, nazirlə videozəng vasitsilə danışır. Söhbətin bir məqamında Harem Şah nazirin ona göndərdiyi intim videoları xatırladır və Şeyx Rəşid dərhal söhbəti kəsir, videoəlaqə dayanır.

İndi pakistanlı sosial şəbəkə ulduzunun Bakıdan bildirdiyinə görə, bəzi adamlar onun adından bir neçə saytlarda və sosial şəbəkələrdə saxta hesablar yaradaraq təbliğat aparırlar. “Həmin saxta hesablar üzərindən yayılan informasiyaların mənə dəxli yoxdur. Mənim təkcə bir hesabım var-“Hareem Shah Official”. İnternetdə iddia etdikləri kimi, mənim baş naziri təhdid etdiyim haqda deyilənlər də uydurmadır”,-o bildirir.

Dəmiryolları naziri ilə bağlı videoya gəldikdə isə Hareem Şah deyir ki, nazir iki gün əvvəl onunla əlaqə saxlayıb və həmin videonun yayılmasına görə qəzəblənib. O isə deyib ki, həmin videonu özü yaymayıb və kimlərin bunu internetə sızdırdığını bilmir.
Ardını oxu...

Türkiyənin Sakarya vilayətində hüquq-mühafizə orqanlarının keçirdiyi əməliyyat nəticəsində fahişəliklə məşğul olan beş qadın tutulub.

Virtualaz.org yerli KİV-ə istinadən bildirir ki, asayiş keşikçilərinin üç fərqli ünvanda həyata keçirdikləri əməliyyat zamanı Azərbaycan vətəndaşı olan 24 yaşlı Maqsud H, əvvəllər fahişəliyə görə həbs edilmiş 44 yaşlı N.A, 43 yaşlı G.B, 29 yaşlı H.Y, 36 yaşlı G.A adlı qadınlar və onlarla pul qarşılığında qeyri-qanuni münasibətlərdə olan beş kişi saxlanılıb.

Saxlanılanlardan Azərbaycan vətəndaşı olan Maqsud.H Türkiyədən deportasiya olunub.

Dünyapress TV

Xəbər lenti