Ardını oxu...
Müsahibimiz Dilarə Əliyeva adına AQHMC-nın sədri, tanınmış hüquq müdafiəçisi Novella Cəfərovadır.
-Novella xanım, ömrünüzün böyük bir hissəsini sovet dönəmində yaşamısınız. Necə düşünürsünüz, sovet dövründəki və indiki qadın haqlarının qorunmasında və gender bərabərliyində hansısa fərqlər varmı?

-Fərqlər əlbəttə ki, çoxdur. Ən əsası dövr, quruluş, sistem fərqi var. Lakin o dövrün müsbət cəhətləri də var idi. Sovet dövründə pozitiv ayrı-seçkilik, yəni iş yerlərində kvota var idi. Məsələn, on kişi işçi var idisə, on qadın işçi də olmalı idi. Müəssisədə kişilərlə yanaşı, qadınlar da işləməli idi. Ona görə istəsələr də, istəməsələr də, süni şəkildə olsa da, qadınlara vəzifə verilirdi. Qadın millət vəkillərimiz, qadın polislərimiz var idi. Ancaq təbii ki, onlar sərbəst şəkildə işləyə bilmirdilər. Sistemdən, dövrdən irəli gələn mədudiyyətlər var idi. Sovet dönəmində qanunlar qadınları irəli çəkirdisə, indi artıq qadınlar özləri inkişaf edir və müxtəlif sahələrdə uğur qazanırlar. İndiki dövrdə qadınların inkişafının qarşısıalinmazdır. Qadınlarda özlərinə inam yaranıb, özlərinə hörmət etməyə başlayıblar, gənc qızlarımız öz təhsillərini daha yüksək səviyyəyə çatdırırlar. Artiq öz güclərinin fərqindədirlər və potensiallarını hər sahədə göstərirlər.

Bu dövrün ən gözəl xüsusiyyətlərindən biri də odur ki, gender bərabərliyi haqqında, zorakılıq haqqında qanun qüvvəyə minib. Sovet dönəmində də qanunlar var idi, amma icra olunmurdu. Qadınlar, demək olar ki, polisə həyat yoldaşının onu döydüyü barəsində şikayət etmirdi. Ancaq indi qadınlar polisə gedir, zorakılıq haqqında şıkayət edir, bizə gəlir, kömək istəyirlər. Bunlar böyük addımdır. İndi qadınlar öz üzərində işləyir. Mən qadınlar tanıyıram ki, bələdiyyələrdə işləyir və çox gözəl işlər görürlər. Təəssüf ki, bütün bunlar çox azdır, gender bərabərliyi bizdə aşağı səviyyədir.

-Sizin bir çox uğurlu layihələriniz olub. Bu layihələr həm də dövlət idarə olunma orqanlarında qadınların iştirakı ilə bağlıdır. Sizcə, hazırda dövlət idarə olunma müəssisələrində vəziyyət necədir, arzu olunan səviyyədədirmi? Layihələrə ehtiyac varmı?

- Sözsüz ki, vəziyyət arzu olunan səviyyədə deyil. Layihələrə gəlincə, həmişə ehtiyac var. Yenidən qadınların maarifləndirilməsinə ehtiyac var. Çünki rayonlara gedirik, sanki sovet işğalından qurtulduğumuz o dövrə qayıtmışıq. Sovet hakimiyyəti dövründə qızlara məcburi təhsil verilirdi. Valideyn istəsə də, istəməsə də, qızlar 8-ci sinfi bitirməli idi. Ancaq indi qızlarını 3-cü sinfə qədər oxudan valideynlər var. Onlar düşünür ki, qız uşaqları ad-soyadını yazmağı öyrəndisə, artıq oxumağına ehtiyac yoxdur. Bu, çox mənfi cəhətdir. Bununla mübarizə aparmaq lazımdır.

Bir dönəm qızlarını 12 yaşında, 13 yaşında ərə verən valideynlər vardı. Sonra bununla bağlı qanun qüvvəyə mindi, proseslər bir az səngidi. Ancaq yenə də həmin hadisələr baş verir.

- Novella xanım, mətbuatda, sosial şəbəkələrdə yayılan məlumatlarda belə təsəvvür yaranır ki, qadınlara qarşı zorakılıq artmağa başlayıb. İstər fiziki, istər cinsi, istər psixoloji zorakılıq. Bunu nə ilə əlaqələndirirsiniz? Qarşısının alınması üçün nə etmək lazımdır?

-Bilirsiniz, ailə standartları itib. Bizim vaxtımızda az qazanırdıq, ancaq o azı ailə ilə birgə yeyirdik. Şorba da olsa, pendir-çörək də olsa, ailə birgə süfrəyə otururdu. Bizim atamız bizə nə alsa, biz onu geyinərdik. İndi qızlar gedir məktəbə, baxır ki, digərləri daha qəşəng geyinir.

İndiki gənclər iqtisadi cəhətdən təmin olunmur. Televiziyalar çox pis işləyir. Kanallarda tərbiyəvi əhəmiyyətli, ailə ənənələrini əks etdirən verilişlər göstərilmir. Şəhər televiziyaları rayon televiziyaları var, efirə xırda-xırda şoular verirlər. Baxırsan ki bir balaca səsi olan xanım çıxır efirə. Kiminsə hesabına, pul hesabına. Bütün bunlar gənc qızlara pis örnək olur.
Düzünü demək lazımdır ki, ailədə kişi evə məvacib gətirməyəndə çox söz-söhbətlər olur. O vaxtlar hamı bilirdi ki, məndə yoxdursa, qonşuda da yoxdur. Ancaq indi ailələr arasında fərq çoxdur. Bütün bunlar ailədə münaqişələr yaradır. Uşaqlar da bu münaqişələrə məruz qalır. Ailədə qadın və kişi dil tapa bilməyəndə bu uşaqlara da təsir edir.

Zaman var idi ki, kəndlərdə məktəb arzusunda olan uşaqlar var idi. Maddi imkansızlığa baxmayaraq, onlar məktəbə getməyə can atırdılar. Parçadan çantalar tikir, dəftər kitablarını bu çantalara qoyub məktəbə gedirdilər. Oxumağa həvəs var idi. İndi o həvəsi öldürülüb. Regionlarda da, Bakıda da.

-Bildiyimiz kimi, milli azadlıq hərəkatında qadın hərəkatının önündə gedən tarix yazan qadınlardan biri olmusunuz. Necə oldu ki, sovet dövründə qadınlar Azadlıq hərəkatında öndə getdilər.

- Onlar azadlıq istədilər. Nə qədər desək ki, evin böyüyü kişilərdir, ancaq evdə həmişə aparıcı qadınlar olub.

Qadın o zaman da, bu zaman da evin həm prezidenti, həm daxili işlər naziri, həm xarici işlər naziri, həm də iqtisadiyyat naziri olub. Bütün bu işləri evdə qadın həll edir. Kişi evə pul gətirir, qadın hər şeyi tənzimləyir. Qadın evi idarə edirdi, indi isə istəyir ki, cəmiyyətdə də bunu etsin. Artıq kişilərin əksəriyyəti onlara mane olmur. Kişilər şüuraltı bilirlər ki, evi qadınlar idarə edir. Ona görə də qadın irəli çıxanda kişi də fəxr edirdi ki, bizim xanımlarımız bizlə bərabər gedir.

Sovet basqısından qurtulmaq üçün biz qadınlar da mübarizə aparırdıq. Kişilərdə istəyirdi ki, xanımları onlarla birlikdə mübarizəyə qatılsın. Ailə birlikdə mitinqə gəlirdi. Evdə bulka, kökə bişirib, getirirdilər, camaata paylayırdılar. Bizim nəsildən heç kəs o zamanı unuda bilməz. Qadınlar çox böyük həvəslə azadlıq uğrunda mübarizə aparırdılar. Türk qadınları hər zaman müharibələrdə öndə olublar.

-Bizim qadınların tarixi rolunu necə izah edırdiniz?

-Bir söz var, deyirlər ki, türklərin əlinə bir ağac ver, üstünə bir bayraq as, hara desəniz, sizinlə savaşa gedər. Türklər tarix boyu böyük ərazilər fəth edib. Tarixə baxsanız görərsiniz ki, türk savaşçıların yanında həmişə qadınlar var. Türk qadını həmişə savaşan kişinin yanında olub. Bizim qadınlarda olan savaşçı ruh qandan gəlir.

- Necə düşünürsünüz, sizcə, kişilərin qadına qarşı yalnış davranışında qadınların, valideyn tərbiyəsinin rolu varmı?

-Sözsüz ki, övladın tərbiyəsində valideyn böyük rol oynayır. Bizim cəmiyyətdə valideynin oğlan övladı olduqda bunu özünə şöhrət bilir. Bax, elə qadınların hüquqlarının pozulmağı buradan başlayır. Bu düşüncələri aradan qaldırmalıyıq. Qadının hüquqları pozulmağa ailədən başlayır. Valideynlər fəxrlə deyilir ki 3 dənə oğlum var. Oğlan və qızı evdə bərabər hüquqlu olmalıdır. Ana da ata da bilməlidir ki, ən sonda qapını acan sizin qızınız olacaq. Ana da, ata da bilməlidir ki, qocaldıqda valideynə baxan da, onun yükünü öz üzərinə götürən qız övladlar olur.

-Azərbaycan qadınlarına nə arzu edirsiniz?

-Mənim nənəm ziyalı qadın idi. Özü ziyalı ailədə anadan olmuşdu. Həmişə deyirdi ki, nə olur olsun qıza bir sənət verməlisiniz. Oğlanlar daşda daşıya bilər, ancaq qadınların mütləq sənəti olmalıdır.

Qadınlara tövsiyə edirəm ki, qız və oğlan övladları arasında fərq yaratmasınlar. Özləri güclü olsunlar, əyilməsinlər, sınmasınlar.

Mən gücümü anamdan almışam. Atam 42 yaşında rəhmətə getdi. Onda anamın 36 yaşı var idi. 4 övladını, birdə bibimin qızını təkbaşına böyütdü. Hər birimizə ali təhsil verdi. Güclü qadın idi, gecə-gündüz işləyirdi. Hər şənbə günü naxçıvanlı və ucarlı tələbə qohumları başına yığırdı və bizə deyirdi ki, bir-birinizlə ünsiyyətdə olun, bir-birinizə kömək olun. İndi bütün qohumlarım anama rəhmət oxuyur. Onların hər birinin oxumağında onun əli olub.

Anam 42 yaşlı həyat yoldaşını, 47 yaşlı oğlunu, 21 yaşlı nəvəsini itirdi, ancaq yenə də sınmadı, heç kimə baş əymədi. Mən belə qadınlar görmək istəyirəm. Nə qədər çətinlik də olsa, nə qədər əzab-əziyyətlər də olsa, bizim qadınlarımıza öz ayaqları üzərində durmağı tövsiyə edirəm. Türk qadınları hər zaman güclü olub. Dünya da heç bir millətin xanımları bizim xanımlarımıza bərabər ola bilməz

Yazı “Qadın haqları və Gender Bərabərliyi “ İctimai Birliyinin “Qadın hüquqlarının qorunması və gender bərabərliyi“ mövzusunda həyata keçirdiyi layihə çərçivəsində hazırlanıb.

Layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası maliyyə dəstəyi ilə həyata keçirilir.
Ardını oxu...
Türkiyə KİV-ləri az qala hər gün ölkənin bu və ya digər vilayətində polisin fahişəliklə məşğul olan qadınlara qarşı keçirdiyi əməliyyatlar barədə xəbərlər yayır. Və bu xəbərlərdə hər dəfə Azərbaycandan olan qadınların da adları keçir. Elə iki gün əvvəl polis əvvəlcə imkanlı qocalara ərə gedib Türkiyədən oturum alan, daha sonra boşanıb fahişəlik edən 14 azərbaycanlı qadının, onları “bazarlayan” 3 türkiyəlinin saxlanılması barədə xəbərlər yayılmışdı.

Ötən il ərzində Azərbaycanda 144 insan alveri cinayəti qeydə alınıb. İnsan Alverinə Qarşı Mübarizə üzrə Milli Koordinatorun 2018-ci il üçün açıqladığı hesabata görə, bununla bağlı 28 nəfərdən ibarət 13 cinayətkar qrup zərərsizləşdirilib, 51 nəfər barəsində axtarış elan olunub, təqsirləndirilənlərdən 34-ü tutulub.

Bunlar insan alveri qurbanları ilə bağlı bir il üçün olan rəsmi rəqəmlərdir. Heç kim inkar etmir ki, əslində statistika rəsmi rəqəmlərdən dəfələrlə böyükdür. Bəs azərbaycanlı qadınları insan alverinin qurbanına çevirən nədir? Kimlərin qurban olma ehtimalı daha yüksəkdir?

Əsas marşrutlar: Türkiyə və Birləşmiş Ərəb Əmirliyi

Ardını oxu...

İnsan alverini silah alverindən sonra ən çox gəlirli sahə adlandırırlar. Qurbanlar arasında uşaqlar və kişilərə də rast gəlinsə də, əsas zərərçəkmişlər qadınlardır. Araşdırmalar nəticəsində məlum olur ki, Azərbaycanda bu sahədə əsas marşrutlar Türkiyə və Birləşmiş Ərəb Əmirliklərinədir. Amma bu klassik yoldur, bundan əlavə, insan alveri qurbanlarının Hindistan, İran, Suriya, İraq və digər ölkələrə də aparılması hallarına rast gəlinir. Bundan başqa, Azərbaycan Moldovadan, Özbəkistandan, Qazaxıstandan Türkiyəyə fahişəliyə aparılan qadınlar üçün həm də tranzit ölkə rolu oynayır.

Seksual istismara, qul kimi işlədilməyə məruz qalan azərbaycanlı qadınlar daha çox yay aylarında – Türkiyənin dəniz sahili turizm bölgələrində - Trabzon, Antalya, Bodrum və həmçinin, İstanbul və Ankaraya aparılaraq əxlaqsızlığa vadar edilir. Bunlar daha çox maddi vəziyyəti aşağı olan, evsiz, köməksiz qadınlar, bəzi hallarda isə internatda böyümüş gənc qızlardır. Onları daha çox yüksək məvacib təklif edən iş elanları ilə cəlb edirlər.

Ardını oxu...

İnternetdə kiçik bir araşdırma aparsaq, heç bir ali təhsil və ya dil biliyi tələb olunmadan Türkiyədə yüksək məvacibli iş təklif edən xeyli sayda elana rast gələrik. Daha çox Antalya, Bodrum, İstanbul və digər şəhərlərdə iş təklif edən bu şirkətlərdə tələblər nə qədər zəif olsa da, məvacib kifayət qədər yüksəkdir – min manatdan , üç min manata qədər.

“Nəinki ali, orta təhsiliniz də yoxdursa olar...”

Belə şirkətlərdən birinə zəng edib şərtlərlə maraqlanırıq. Operator xanım cır səslə izah edir ki, bu qədər maaşı bizə demək olar ki, heç bir ali təhsil haqqında sənəd və ya dil biliyi olmadan verəcəklər:

“Əlbəttə sizin ali təhsiliniz varsa, bu daha yaxşıdır, daha çox maaş alma imkanınız var. Çünki məvaciblər bundan asılı olaraq arta bilər. Amma yoxdursa da, problem deyil. Bizdə nəinki ali, orta məktəbi bitirmək də şərt deyil. Amma bilməlisiniz ki, təyyarə bileti və “oturum izni” üçün ödəniş sizlikdir”, -dəstəyi götürən Kəmalə adlı xanım bildirir.

Həmsöhbətimizi hürkütmədən son vaxtlar iş adı ilə fahişəliyə cəlb edən firmaların yayılmasından bir qədər narahat olduğumuzu bildiririk və bu şirkətin nə qədər etibarlı olub-olmadığını soruşuruq. Həmsöhbətimiz izah edir ki, onların şirkəti rəsmi şirkətdir və xaricə göndərəcəyi işçi ilə müqavilə bağlayır: 

“Bizim ofisimizə yaxınlaşın, sizə daha ətraflı məlumat verək. Bizə müraciət edənlər çoxdur və demək olar ki, hər gün Türkiyəyə işçi göndəririk. Bunu gəlsəniz öz gözlərinizlə görə bilərsiniz. Müqaviləyə görə isə cəmi 30 manat zəhmət haqqı alırıq. Bundan əlavə 1500 manat oturum izni üçün köçürməlisiniz. Biz sizi qalmağa yerlə təmin edirik. Heç narahatlığa əsas yoxdur”.



“İndi Türkiyəyə ancaq qadınları göndəririk...”
Ardını oxu...
Digər şirkətdən – “AHB İş Mərkəzi”ndən də eyni şərtləri eşidirik. Hər iki işə düzəltmə şirkətində bizə yalnız qadınları işə götürdüklərini deyirlər: “Kişilərlə bağlı vakansiyalarımız hazırda yoxdur. İndi Türkiyəyə ancaq qadınları göndəririk. Orada nə iş istəsəniz var – uşaq baxıcısı, oteldə xadimə, masajçı və sair, seçim sizin özünüzdən asılıdır”, - şirkətin əməkdaşı deyir.

Sosial şəbəkələrdə də xeyli sayda belə iş elanları yayan şirkətlərə rast gəlirik. Cəmi bir-iki işçisi olan belə şirkətləri elə sosial şəbəkə elanlarının altında yazılan şərhlər ifşa edir. Məsələn, “Facebook”da azərbaycanlı qadınlara Türkiyədə ər tapan səhifələrin birində hər paylaşıma yüzlərlə şərh yazılır. Tanışlıq üçün öz mobil nömrələrini yerləşdirən türk kişilərin çoxu ciddi niyyətdə olduğunu, evlənmək üçün də məhz azərbaycanlı qadın axtardığını yazsa da, bəziləri niyyətlərini açıq şəkildə yazaraq əylənmək üçün qız axtardıqlarını deyirlər. İnstagram sosial şəbəkəsində də xeyli belə səhifəyə rast gəlirik. Əksəriyyəti bir neçə il əvvəl açıldığından orada yerləşdirilən telefon nömrələrinə zəng çatmır.

“Borc verib özlərindən asılı hala salırlar…”

Dövlət Miqrasiya Xidməti yanında İctimai Şuranın sədri Azər Allahverənov açıqlamasında bildirir ki, insan alveri qurbanları ən çox klassik yolla - xaricdə iş vədi verməklə, iş təklifi etməklə məşğul olan xüsusi qruplaşmalar tərəfindən aldadılırlar. Amma bu tək üsul deyil, digər üsullar da var.

“Müəyyən qruplaşmalar var ki, onlar sosial şəbəkələr vasitəsilə müəyyən məlumatlar paylaşmaqla potensial qurbanlar axtarırlar. Bu klassik üsuldur və bu üsulun zaman-zaman müxtəlif formaları ortaya çıxa bilər. Amma hamısısnın kökündə bu məsələ durur. Daha çox xanımlara xaricdə iş təklif olunur. Hədəf işsiz, natamam ailələrdən olan zümrələrdir. Sosial şəbələkər belə qruplar üçün daha əlverişlidir. Digər tərəfdən də, bu üsulun özündə də yeniliklər tətbiq olunur. Həmin qruplaşmalar yalançı, uydurulmuş tarixçələrdən istifadə edirlər: guya kimsə getdi, iş tapdı, indi həyatı da gözəldir. Hətta yalançı şəkillər də paylaşılır. Bunlar saxtadır və əsasən “fake” profillər vasitəsilə tirajlanır”.

Ardını oxu...

A.Allahverənov deyir ki, bəzi hallarda isə xaricdə yaşayan şəxslər müəyyən məsləhətlər almaq və ya işə düzəlmək üçün belə şirkətlərə yaxınlaşır və həmin qruplaşmanın üzvləri tərəfindən tora salınır: “Bəzən onlara borc verirlər və nəticədə özlərindən asılı hala salırlar. Bəzən sənədlərini alıb qaçaq yollarla, qeyri-qanuni üsullarla xaricə miqrasiyaya kömək edirlər. Bu halda da onlar həmin qruplaşmanın təsiri altına düşürlər. Bəzən də olur ki, şəxslərlə müqavilə bağlayan, möhürü olan şirkəti araşdıranda məlum olur ki, əslində heç müvafiq dövlət orqanlarında qeydiyyatdan keçməyib”.

Amma bu o demək deyil ki, bütün xaricdə iş elanlarının hamısı təhlükəlidir. A. Allahverənov deyir ki, bir çox hallarda həqiqətən xaricdə iş təklif edən şirkətlərə də rast gəlinir. Belə hallardan qaçmaq üçün isə bütün sadalanan məsələlərin hamısını hüquq müstəvisində həll etməyə çalışmaq lazımdır. Çünki qeyri-qanuni yollarla miqrasiya etməyə çalışanlar əsas potensial qurbanlardır.(Virtualaz.org)
Ardını oxu...
"Victoria's Secret" brendinin 100-dən artıq modeli şirkətə narahatlıqlarını ifadə edən məktub ünvanlayıb.

Teleqraf.com xəbər verir ki, onlar son həftələrdə modellərə qarşı təcavüzün artmasını bildiriblər:

"Son həftələr ərzində modelləri hədəfə alan təcavüz halları artıb. Şirkətdən bunun üçün önləm alınmasını istəyirik".

Məktuba moda dünyasınn önəmli isimləri də imza atıblar.
Ardını oxu...
Türkiyənin Yalova şəhərində azərbaycanlı qadınlara qarşı əməliyyat keçirilib.Virtualaz.org yerli KİV-ə istinadən bildirir ki, polisin keçirdiyi əməliyyat nəticəsində 14 azərbaycanlı qadın və 3 Türkiyə vətəndaşı kişi saxlanılıb.

Məlum olub ki, saxlanılan qadınlar Türkiyədə yaşama icazəsi almaq məqsədilə 60-75 yaşlı imkanlı kişiləri aldadaraq onlarla evlənib, daha sonra həmin şəxslərdən ayrılıb fahişəliklə məşğul olmağa başlayıblar.

Məsələdən xəbər tutan Yalova polisi 10 müxtəlif ünvanda qadınların axtarışını aparıb. Şübhəli şəxslər saxlanılaraq polis idarəsinə aparılıblar.

Hazırda faktla bağlı araşdırma aparılır.
Ardını oxu...
BMT-nin Narkotiklər və Cinayətlər üzrə İdarəsinin məlumatına görə, qeyd alınmış qurbanların təxminən 72 faizini qadın və qızlar təşkil edir, zərərçəkmiş uşaqların sayı isə 2004-cü ildən indiyə kimi iki dəfədən çox artıb. Azərbaycanda isə insan alverinə qarşı mübarizəyə 2005-ci ildən başlanılıb və bu sahədə bir çox nailiyyətlər əldə olunub. Nazirlər Kabinetinin insan alveri qurbanları üçün təyin etdiyi kompensasiya əvvəl 33 manat idisə bu gün artıq həmin məbləğ 700 manata qaldırılıb.

Moderator.az-a açıqlamasında “Türk-Azəri” Qadınları Birliyinin sədri Tənzilə Rüstəmxanlı bildirdi ki, insan alverinə qarşı hər zaman ciddi mübarizə aparılmalıdır:

“İnsan alveri təkcə bizdə deyil, bütün dünyada var. Bu əlbəttə hansı ölkədə olursa, olsun buna qarşı ciddi mübarizə aparılmalıdır. O cümlədən də Azərbaycanda yadımdadır insan laverinə qarşı çox ciddi sistem qurulmuşdu və bizim indiki daxili işlər naziri general-polkovnik Vilayət Eyvazov buna rəhbərlik edirdi. Bununla yanaşı, ictimai təşkilatlarla əməkdaşlıq edirdilər. İnsan alveri deyəndə təkcə qız uşaqları deyil, oğlan uşaqlarının da adı bura aiddir. Düşünürəm ki, bu yenə də davam etməlidir. Baxmayaraq ki, bu qədər tədbirlər görülür, amma yenə bunun qarşısı yetərincə alınmayıb. Görünür bunun üçün başqa yollar da düşünülməlidir. Dünyanın bütün ölkələrində insan alveri var və buna qarşı çox ciddi şəkildə mübarizə aparılmalıdır. Qadın və qız alveri hansı millətə aid olmasından asılı olmayaraq qəbuledilməzdir. İyirmi birinci əsrdə belə bir hadisənin baş verməsi və davam etməsi insanlığın üz qarasıdır”.
Ardını oxu...
Hindistan Parlamenti müsəlmanların "ani boşanma" təcrübəsini (Üç dəfə talaq) qadağan edən və onu cinayət tərkibi kimi müəyyən edən qanun qəbul edib.

“Report” xəbər verir ki, bu barədə "Times of India" nəşri yazıb.

İslama görə "Üç dəfə talaq" kişiyə üç dəfə "talaq" (ərəb dilində "boşanma") dedikdən sonra rəsmi prosedur olmadan öz həyat yoldaşı ilə nikahını pozmaq imkanı verir. Bu təcrübə 2017-ci ilin avqustunda Hindistanın Ali Məhkəməsinin qərarı ilə qanunsuz hesab olunub, lakin qadağa yalnız hökumətin fərmanı ilə nizamlanır.
Ardını oxu...
Londonun Yüksək Ədalət Məhkəməsində Dubay əmiri Şeyx Məhəmməd bin Rəşid Əl-Məktum və bu yay onu tərk edən altıncı həyat yoldaşı Şahzadə Həyya bint Əl-Hüseynin boşanma məhkəməsinə start verilib.

Teleqraf.com xəbər verir ki, dinləmələr məhkəmənin ailə palatasında keçirilir.

Mənbənin məlumatına görə, şahzadə qaçandan sonra ilk dəfə üzə çıxıb və prosesdə şəxsən iştirak edib.

Hər iki tərəf məhkəməyə boşanma və iki övladlarının qəyyumluğu haqqı ilə bağlı iddia irəli sürüb.

Şahzadə boşandıqdan sonra şiddət və təcavüzdən qorunmaq üçün xüsusi təminat da tələb edir.

Qeyd edək ki, şahzadə iki uşağı ilə birlikdə iyunun sonunda Avropaya qaçıb və özü ilə 39,3 milyon dollar götürüb. Sonradan onun Londonda 107 milyon dollar dəyərində evdə yaşadığı xəbəri yayılıb.

Ardını oxu...Ardını oxu...
Ardını oxu...
“Ailə münaqişləri zamanı qadınlarımızın intihara cəhd etməsinin səbəbi cəmiyyətdə olan biganəlikdir”

Teref.az xəbər verir ki, bunu Moderator.az-a açıqlamasında Azərbaycan Qadın Hüquqları Müdafiə Cəmiyyətinin sədri, hüquq müdafiəçisi Novella Cəfəroğlu ailə münaqişləri haqda danışarək deyib. N.Cəfəroğlu bu istiqamətdə maarifləndirici tədbirlərin keçirilməsinə böyük ehtiyac olduğunu bildirib:

“Ailə münaqişləri zamanı qadınlarımızın intihara cəhd etməsinin səbəbi cəmiyyətdə olan biganəlikdir. Biz neçə dəfədir ki, bu məsələni qaldırmışıq. Əslində bunu Ailə, Qadın və Uşaq Problemləri üzrə Dövlət Komitəsi qaldırmalıdır. Həm şəhər, həm də kənd bələdiyyələrində qadın otaqları olmalıdır ki, qadın polisə şikayət edə bilmir, amma bələdiyyə onlarla söhbət apara bilər. Həmin otaqlarda psixoloq və vəkil olmalıdır. Bununla yanaşı, televiziyalarımızda ailə məsələləri ilə bağlı maarifləndirici verilişlər olmalıdır. Bu şoulardan qurtarmaq lazımdır”.

N.Cəfəroğlu cəmiyyətin torpaqlarımızın işğal altında qalmasına da biganə olduğunu deyib: 

“Bu gün cəmiyyət hər şeyə biganə olub. Torpaqlarımızın getməsinə, ermənilərin Qarabağda yol çəkməsinə biganəyik. Biz hamımız intihar içindəyik. Qarabağda çəkilən yollara görə millətin susması məni sızladır. Əgər biz torpağımızı seviriksə, müxalifətli, iqtidarlı hamısı pul, vəzifə davası yox, torpaq davası qaldırsınlar. Ona görə də çox hirsliyəm. Bu gün insanlarımızda vətənpərvərlik ruhunun yüksəldilməsinə ehtiyac var”.
Ardını oxu...
Xəbər verildiyi kimi, iyulun 25-də Azərbaycanın aparıcı banklarından olan «AtaBank» ASC-nin səhmdarlarının növbədənkənar yığıncağı keçirilib.

“Yeni Sabah” xəbər verir ki, bankın əsas səhmdarının da iştirak etdiyi toplantıda ciddi qərarlar qəbul edilib, o cümlədən bankın hazırki rəhbərliyi – Müşahidə Şurası və İdarə Heyətində dəyişikliklər elan olunub. 

Maliyyə bazarındakı mənbələr FED.az-a bankda gedən son proseslər barədə ətraflı məlumat verib. Məlumata görə, «AtaBank»ın Müşahidə Şurasının rəhbəri dəyişib. İndiyədək bu postu tutan Fərid Hüseynovun yerinə yeni kadr - Xumar Əsədzadə təyin edilib: «Müşahidə Şurasına təyinat alan şəxs birbaşa səhmdarın kadrıdır və onun tapşırıqlarını yerinə yetirir»-deyə mənbə bildirib.

Məlumata görə, Müşahidə Şurasının sədri vəzifəsinə təyin edilən xanım Xumar Əsədzadə hüquqşünasdır, xaricdə təhsil alıb və «City university of London»un hüquq ixtisası üzrə məzunudur və peşəkar kadrdır. 

Mənbənin sözlərinə görə, səhmdarın ona etimadı və peşəkarlığına etimadı elə böyükdür ki, bankın fəaliyyətinə nəzarət ona həvalə edilib: «X.Əsədzadəyə böyük ümidlər bəslənilir. Səhmdar arxayındır ki, MŞ-nın yeni sədri qarşıya qoyulan bütün vəzifələrin öhdəsindən gələ biləcək və onun etimadını doğruldacaq». Mənbənin məlumatına görə, toplantı və Müşahidə şurasının yeni rəhbəri təyin olunandan sonra bankda ciddi yeniliklər başlayıb.

Qeyd edək ki, «AtaBank»ın özündən isə bildirilib ki, toplantı və dəyişiliklərlə bağlı rəsmi açıqlama yalnız gələn həftənin əvvəlində veriləcək.

Dünyapress TV

Xəbər lenti