 |
|
|
Kaxovka SES-in partladılmasının nəticələri təkcə Ukrayna deyil, Dneprin sol sahilindəki Rusiya işğalçı ordusu üçün də ciddi problemlər yaradacaq.
“AzPolitika.info” xəbər verir ki, Ukraynanın Nikolayev vilayətinin başçısı Vitali Kim bəndi partladan rusiyalıların məqsədinin Dneprin deltasındakı adalarda yerləşən ukraynalı hərbçiləri məhv etmək olduğunu bildirib: “Lakin bu, texnogen fəlakətə səbəb oldu və Rusiya ordusunun özü üçün xoşagəlməz nəticələr verdi”.
Donbas separatçılarının sabiq “lideri” və “dnr”-in sabiq “müdafiə naziri” İqor Strelkov(Qirkin) isə öz “telegram” kanalında partlayışın Ukrayna tərəfindən törədildiyinə əmin olduğunu bildirib və bunun Rusiya ordusu üçün ağır nəticələr verəcəyini qeyd edib: “Partlayış əvvəldən hazırlanmış məqsədli xarakter daşıyır və düşmənin əks-hücum planında xüsusi yer tutur. Məqsəd bizim sol sahildəki qoşunlarımızı “axıtmaqdır””.
O, iddia edib ki, Rusiya suya qərq olan ərazidəki bütün hərbi texnikasını çıxara bilməyəcək, sialh-sursat anbarları, müdafiə istehkamları və mina sahələri isə suyun altında qaldığından heç bir əhəmiyyət daşımayacaq.
Strelkov yazıb ki, nəticədə Ukrayna Kinburn yarımadasını ələ keçirmək imkanı qazanacaq. Eyni zamanda, Dnepr çayı Nova Kaxovkanın üst hissəsində xeyli daralacaq və Ukrayna ordusu bu ərazilərdə çayın sol sahilinə daha asan keçmək imkanı qazanacaq. O, həmçinin əlavə edib ki, Rusiya sözügedən ərazilərdə yaşayan və ona nifrət edən 30-50 min yeni qaçqına sığınacaq vermək məcburiyyətində qalacaq.
Ukraynalı hərbi ekspert Sergey Qrabski isə Nova Kaxovkanı partladan Rusiyanın “öz ayağına güllə vurduğunu” bildirib. Çünki bununla da Ukraynanın əks-hücumunun qarşısını almaq istəyən Rusiya Dneprin sol sahilindəki qruplaşmasını müdafiə istehkamlarından məhrum etmiş, bloklamış olub: “Bizim qüvvələr Azov sahillərinə çıxa bilsələr, həmin ərazi faktiki olaraq bloklanacaq”.
Ukrayna hərbçiləri Baxmut istiqamətində müxtəlif mövqelərdə irəliləyiblər.
“Report” “RBC-Ukraina”ya istinadən xəbər verir ki, bu barədə Ukrayna müdafiə nazirinin müavini Anna Malyar telemarafonun efirində bildirib.
Bəzi yerlərdə 1 600 metrə qədər ərazi rusiyalı hərbçilərdən geri alınıb.
O, qeyd edib ki, bu günlərdə ukraynalı döyüşçülər Baxmut istiqamətində uğurlar əldə ediblər.
A.Malyar bildirib ki, Ukraynanın “Xortitsa” Operativ Strateji Qüvvələr Qrupunun qoşunları şərq cəbhəsində hücum əməliyyatları həyata keçirir.
“Vaqner” özəl hərbi şirkətin rəhbəri Priqojin Rusiya ordusunun polkovnik-leytenantının etiraflarını əks etdirən görüntü paylaşıb.
Axar.az xəbər verir ki, Priqojin onu özü danışdırıb və etirafa məcbur edib.
Polkovnik-leytenantın sözlərindən belə məlum olur ki, o, tabeliyində olan əsgərlərə vaqnerçilərə atəş açmaq əmri verib. Zabit bunun səbəbi kimi şəxsi düşmənçiliyini və vaqnerçilərdən zəhləsi getdiyini göstərib.
O, vaqnerçilərə niyə nifrət etdiyini izah edə bilməyib.
Sudanın paytaxtı Xartum sakinləri bazar günü Səudiyyə Ərəbistanı və ABŞ-ın vasitəçiliyi ilə rəqib hərbi qruplaşmalar arasında əldə edilmiş atəşkəs razılaşmasının başa çatmasından sonra paytaxtın bir neçə bölgəsində toqquşmaların kəskin şəkildə artdığını bildirib.
Şahidlər, həmçinin böyük paytaxt bölgəsini təşkil edən Nil çayının qovuşduğu yerdəki üç şəhərdən biri olan Omdurmanda hərbi təyyarənin qəzaya uğradığını bildiriblər.
Aprelin 15-də başlayan və böyük humanitar böhrana səbəb olan qarşıdurmada paytaxta yayılmış yarı-hərbi Çevik Dəstək Qüvvələrini (RSF) hədəf almaq üçün döyüş təyyarələrindən istifadə edən ordudan şərh verilməyib.
Səudiyyə Ərəbistanı və ABŞ keçən həftə atəşkəsin uzadılması ilə bağlı danışıqların dayandırılmasına baxmayaraq, Ciddədə qalan ordu və RSF nümayəndə heyətləri ilə gündəlik əlaqə saxlamağa davam etdiklərini bildiriblər.
Atəşkəs razılaşması mayın 22-də başlayıb və şənbə günü axşam başa çatıb. Bu, döyüşlərin intensivliyinin müəyyən qədər azalmasına və humanitar yardımın məhdudlaşmasına səbəb olsa da, əvvəlki barışıq sazişləri kimi o, dəfələrlə pozulub.
Bazar günü döyüşlərin getdiyi bölgələr arasında Xartumun mərkəzi və cənubu və Şimalda Mavi Nil çayının o tayındakı Bəhri də var.
Paytaxtdan kənarda uzun müddət davam edən münaqişə və böyük humanitar problemlərdən əziyyət çəkən Darfurun ucqar qərb bölgəsində də ölümcül döyüşlər olub.
Yeddi həftə davam edən münaqişə 1,2 milyon insanı ölkə daxilində köçkün vəziyyətinə salıb və daha 400 min insanın qonşu ölkələrə qaçmasına səbəb olub.
Rusiya Müdafiə Nazirliyi Ukraynanın Belqorod vilayətinə növbəti dəfə hücum cəhdi etdiyini açıqlayıb.
APA-nın Moskva müxbiri xəbər verir ki, Rusiya MN iyunun 4-də dövlət sərhəd mühafizə bölmələri Ukrayna silahlılarından ibarət diversiya təxribat qrupunun Belqorod vilayətinin Novaya Tavoljanka ərazisində çayı keçmək cəhdini aşkar etdiyini bildirib.
Qeyd olunub ki, Ukrayna silahlılarına artilleriya zərbəsi endirilməsi nəticəsində onlar geri çəkilib.
Krasnodar diyarında dronlar neft emalı zavoduna hücum edib
"Paralel.az" xəbər verir ki, Krasnodar diyarında mayın 30-na keçən gecə pilotsuz təyyarələr Afipski neft emalı zavoduna hücum edib, bu barədə regionun rəhbəri Veniamin Kondratyev bildirib.
“Severski rayonunda Afipski Neft Emalı Zavodunun ərazisində yanğın var. mazut distillə edən qurğulardan biri yanır. Biz artıq 100 kvadratmetr sahədə yanğını lokallaşdıra bilmişik”, - qubernator teleqram kanalında yazıb.
Kondratyevin sözlərinə görə, hücum zamanı xəsarət alan olmayıb. Daha sonra qubernator yanğının söndürüldüyü barədə məlumat verib.
Gecə vaxtı dronlar Krasnodar diyarında Afipski Neft Emalı Zavoduna hücum edib.
Hücum səhər saat 3-4 radələrində baş verib, bundan sonra ərazidə güclü yanğın başlayıb. Mazutu distillə edən qurğulardan biri yanıb, yanğın tez bir zamanda söndürülüb, xəsarət alan olmayıb.
Telegram kanalları gecə saatlarında İlski neft emalı zavoduna da hücum edildiyini bildirir. Baza-nın məlumatına görə, neft emalı zavodunda pilotsuz təyyarənin qəzaya uğraması nəticəsində partlayış baş verib. Heç kim xəsarət almayıb, yanğın olmayıb. Eyni zamanda Şot yazır ki, pilotsuz uçan aparat düşsə də partlamadı. Regionun hakimiyyət orqanları hələ ki, İlski Neft Emalı Zavoduna hücumu şərh etməyiblər.
Rusiyanın Ukraynaya genişmiqyaslı işğalı başlayandan bəri Rusiya bölgələri mütəmadi olaraq pilotsuz təyyarələrin hücumuna məruz qalır. Məsələn, mayın 3-də Krasnodar diyarında neft məhsulları olan çən yanıb. Daha sonra Baza Telegram kanalı yanğının səbəbinin pilotsuz təyyarələrin hücumu olduğunu yazıb. Mayın 4-də pilotsuz təyyarələr Krasnodar neft emalı zavoduna hücum edib.
Mayın 26-da Krasnodara hücum edildi. Pilotsuz təyyarələr Morskaya küçəsində binalara ziyan vurub. Telegram kanalları hücumun hədəfinin eyni küçədə yerləşən hücrə qülləsi ola biləcəyini yazıb.
Gün ərzində rus qoşunları yenidən bir neçə istiqamətdə hücuma keçmək istəsələr də, buna nail ola bilməyiblər.
Bu barədə Ukrayna Silahlı Qüvvələrinin Baş Qərargahı məlumat yayıb.
Qeyd olunur ki, gün ərzində Ukrayna Müdafiə Qüvvələrinin bölmələri düşmənin 16 hücumunu dəf edib:
“Düşmən Xarkov vilayətinin Masyutovka şəhərinin qərbində, Luqansk vilayətinin Novoselovski və Stelmaxivka istiqamətlərində bir sutka ərzində uğursuz hücum əməliyyatları keçirib”.
Ukraynanın Zaporojye vilayətinin Rusiya ordusunun işğalında olan Melitopol şəhərində güclü partlayış baş verib.
Axar.az xəbər verir ki, bu barədə şəhər meri İvan Federov məlumat verib.
O bildirib ki, rusların hərbi bazaya çevirdiyi zavod ərazisi raket zərbəsinə məruz qalıb.
Əlavə məlumat verilməyib.
Ukraynanın özünü qanuni şəkildə müdafiə etmək hüququ var və ölkə hüdudlarından kənara da gücünü yönəldə bilər.
Bu sözləri Böyük Britaniya xarici işlər naziri Ceyms Kleverli “Skay Nyus”a deyib.
O, Moskvaya dron hücumu ilə bağlı olayları şərh etməkdən imtina edib və bildirib ki, Ukraynanın qanuni müdafiə hüququ var.
Müharibə Rusiya ərazisinə inikas olunub. Rusiyanın Ukrayna ilə sərhədə yaxın Belqorod şəhəri ətrafında döyüşlər, Moskva səmasında isə Ukrayna istehsalı savaş dronları qeydə alınıb.
Müharibənin gedişində Rusiyada keçmiş aylarda olduğu kimi neftayrıma zavorlarında müəammalı partlayışlar da baş verə bilər.
Rusiya Ukraynaya qarşı bir ildən çoxdur işğalçı müharibə aparır, minlərlə günahsız insan həlak olub, şəhərlər dağıdılıb, paytaxt Kiyev tez-tez raket atəşinə tutulur.
Buna cavab olaraq Ukrayna müharibəni tədricən Rusiya ərazisinə keçirməyə çalışır. Bu Kiyevin Rusiya cəmiyyətinə mesajıdır ki, işğalçı müharibəni davam etdirdiyiniz halda bizim kimi sizin rahat həyatınız da pozulacaq. Bu bir növ Birinci Çeçenistan savaşında çeçen mücahidlərin əks-həmlələrinə bənzəyir.
Çeçenistan şəhərlərinin və kəndlərinin dağıdılmasına, minlərlə dinc sakinin qətlinə cavab olaraq çeçen mücahid Şamil Basayev dəstəsi ilə Rusiyanın Budyonovks şəhərinə hücum əməliyyatına baş vurmuşdu. Ukrayna hazırda keçmişdə çeçen mücahidlərin həyata keçirdiyi strategiyadan istifadə edir.
Elxan Şahinoğlu
Teref.az