"Baku Medical Plaza"da ölüm hadisəsi - Həkim səhvinin qurbanı, yoxsa?...
"Baku Medical Plaza" klinikasında ölüm hadisəsi baş verib. Qurbanova Aygün Bəysəfa qızı qeysəriyyə əməliyyatından sonra həyatını itirib.

Bu barədə onun qayınatası Qurbanov Abdulqafur Abdurrahman oğlu Baş prokuror Kamran Əliyevə ünvanladığını müraciətdə bildirib. O, müraciətin bir surətini də redaksiyamıza yollayıb.

Şikayətçi yazır ki, hamilə olan gəlini 19 fevral 2021-ci il tarixdə "Baku Medical Plaza" klinikasına müraciət edib. Oranın həkimi Natı Musalı Aygün Qurbanovanı müayinə edərək bətnindəki körpənin sağlam olduğunu bildirib.

“Gəlinim bundan əvvəl də bir neçə dəfə - 29 yanvar və 15 fevral tarixlərində Natı həkim tərəfindən müayinə olunub. Həkim hər müayinədən sonra uşağın ana bətinində normal inkişaf etdiyni bildirib. Qeyd edilən tarixlərdə gəlnim Gülnurə həkim tərəfindən USM müayinəsi edilib. USM müayinəsindən sonra Natı həkim doğuşun 26 fevrala tarixi təyin olunduğunu, ancaq həmin gün Xocalı faciəsinin ildönümü olduğundan, həm də özünün Türkiyəyə gedəcəyi səbəbindən 24 fevraladək Aygünün doğum üçün gəlməsini deyib”, - Abdulqafur Qurbanov yazır.

Onun sözlərinə görə, fevralın 18-də Natı Musalı Aygün Qurbanovaya zəng edərək ona fevralın 19-u səhər 07.00-da "Baku Medical Plaza" klinikasına gəlməyi tapşırıb. “Həmin tarixdə Aygün klinakda olub və doğuş üçün qəbul edilib. Bundan sonra heç bir məlumat əldə edə bilməmişik” deyən şkayətçi əlavə edib ki, fevralın 19-da saat 16.00-da Aygün Qurbanova tibb müsəssisəsindən evlə əlaqə saxlayaraq ağrılarının dözülməz olması səbəbindən doğuşun qeysəriyyə əməliyyatı ilə həyata keçirilməsini və bu barədə həkimə bildirməyimizi xahiş edib: “Biz dərhal Natı həkimə əlaqə saxlayaraq qeysəriyyə əməliyyatı edilməsini xahiş etdik. O isə narahatçılığa heç bir əsas olmadığını, doğuşun təbii üsulla, öz vaxtında olacağını bildirdi.

Həmin gün saat 19:00-da Aygün yenidən tibb müəssisəsinin stasionar telefonu ilə əlaqə saxlayaraq ağrıların kəskin, dözülməz olduğu səbəbindən qeysəriyyə əməliyyatı edilməsinə təkid etdi. Biz yenə Natı həkimlə əlaqə saxlayaraq qeysəriyyə əməliyyatı edilməsini bir daha xahiş etdik. O isə bildirdi ki, əgər həmin əməliyyatı etsələr yenidən ödəniş etməli olacaqlar. Biz Aygünün sağlamlığı və övladının salamat olması üçün bütün zəruri ödənişləri ödəməyə hazır olduğumuzu bildirdik. Natı həkim isə 2 saat daha gözləməli olduğumuzu, əgər nəticə olmasa, Aygünü əməliyyata götürəcəyini bildirdi.

Həmin gün iki saat keçdikdən sonra dəfələrlə Natı həkimə telefonla zəng vurduq. Nəhayət, Natı həkim bizim onu telefon zəngləri ilə bezdirdiyimizi, özünün də körpə övladlarını evdə qoyub səhər tezdən burda olduğunu və bizdən daha çox narahat olduğunu, həmçinin özünün bu sahənin uzmanı olduğunu bildirərək narahat olmamağımızı, uşağın və ananın sağlamlığının tam yerində olacağını bildirdi.

Həmin gün saat 23:45-də isə Natı həkim bildirdi ki, Aygündə tromboliya var. Aygün əldən gedir, uşaqlığını götürmək üçün ərinin razılığı lazımdır. Biz isə nə zəruri müdaxilə lazımdırsa, etmələrini xahiş etdik.

20 fevral gecə saat 00:30-da isə Natı Musalı bildirdi ki, Aygün qıc olduğu üçün məcburi əməliyyata götürülüb, əməliyyat zamanı qanaxma da baş verib. Əlavə etdi ki, mən öz işimi yekunlaşdırmışam, qalanı mənlik deyil, reanimatorluqdur. Həmin gün saat 01:00-da reanimasiya həkimi bildirdi ki, Aygünün yaşama şansı 1%-dir. Səhər saat 09:30-da isə Aygünün ölümü barədə məlumat verdilər.

Qeyd etmək istərdim ki, biz həkim səhvinin qurbanı olmuşuq. Natı həkimin və digərlərinin səhlənkarlığı, səriştəsizliyi və ya ehtiyatsızlığı nəticəsində gəlinim ölüb".

Şikayətçi hesab edir ki, gəlini həkim səhvinin qurbanı olub. Ona görə də Baş prokurordan faktla bağlı başlanmış cinayət işinin obyektiv araşdırılmasını və təqsirkar olan şəxslərin müəyyən edilməsini və qanuna müvafiq qaydada cəzalandırılmasını xahiş edir.

Bizimxeber.az
 
 

Bölmənin digər xəbərləri

12 Aprel 2021 “Ağstafa Aqropark”a qarşı vergi cəzası yoxsa “VOROVSKOY” YÜKLƏMƏ - Səməd Vəliyev mühüm şirkəti necə batırır?
12 Aprel 2021 "Maaşlarımız verilmir, prezidentin ayırdığı vəsaiti İlham mənimsəyir" - Şirvan Xəstəxanasından Etiraz
12 Aprel 2021 Cəlilabadda qazılan qanunsuz göl QALMAQALA SƏBƏB OLDU…
12 Aprel 2021 Sən məni tutdura bilmərsən, Vaqif Həsənov..." - Şəhid övladı ÜSYAN ETDİ
12 Aprel 2021 Bərdədə ekoloji terror – Qanunsuz tikilən körpü bir kəndi su altında qoya bilər
12 Aprel 2021 mişli prokurorluğundan və polisindən prezidentə ŞİKAYƏT
12 Aprel 2021 Qəbiristanlıqda kartof əkən şəxs bu dəfə qanunsuz göl yaratdı-CƏLİLABADDA QALMAQAL…
12 Aprel 2021 Kərəm Həsənova maraqlı sual: daydayın “meydan tv” ilə nə əlaqəsi?-ŞOK
12 Aprel 2021 14 il əvvəl ləğv olunan qurum 1,1 milyon manatlıq tender keçirib? – FOTOFAKT
11 Aprel 2021 MƏDƏNIYYƏT İDARƏSININ RƏISI QARŞIDURMA YARATDI-ŞOK OLAY
11 Aprel 2021 NAZIRLIYIN BEŞ AYDA AYIRDIĞI IKI MILYON YUXARI ŞIRVAN KANALINDA BELƏ “YUYULUR”
11 Aprel 2021 Fuad Mayılov "fenomeni", YPX-dən günlük tələblər - BDYP-də nə baş verir?
11 Aprel 2021 Nərimanov rayon prokuroru və müavini yol hərəkəti qaydalarını kobud surətdə pozdular - VİDEO
10 Aprel 2021 Ağdamda dövlətin 2 milyonu "YOXA ÇIXDI" - Məmurların büdcə"OYUNU"....
10 Aprel 2021 Gigiyena və Epidemiologiya Mərkəzində NƏ BAŞ VERİR? - İDDİA
10 Aprel 2021 "BAXIN, SÜBUT EDİRƏM İCRA BAŞÇISI İNSANLARI NECƏ ALDADIB" - Jurnalist Cəmil Məmmədlinin məhkəməsindən
10 Aprel 2021 Şəmkir rayon M.Süleymanov adına Seyfəli kənd tam orta məktəbin direktoru ancaq öz qanunları ilə işləyir.. - İDDİA
10 Aprel 2021 Rafil Hüseynov Şəhid Ailəsinə qarşı... - NARAZILIQ!
10 Aprel 2021 “ATU-nun həkimi «New med”lə əlbir olub, xəstələri soyur” – 350 manatlıq biopsiya…
10 Aprel 2021 Suraxanıda COVİD-19-la bağlı dəhşət saçan qalmaqal- Abşeronun icra başçısı İradə Gülməmmədovanın bacısı, 15 saylı Birləşmiş Şəhər Xəstəxanasının baş həkimi Ramella Quliyevanın 500 COVİD vaksini ilə bağlı bağışlanmaz cinayəti

Dünyapress TV

Xəbər lenti