Goranboyda icra başçısı ilə müavinin rüşvət əməliyyatları: ayaqyolunadək…


Azərbaycan Respublikası Prezidentinin 05 aprel 2019-cu il tarixdə imzaladığı Sərəncam əsasında, Goranboy rayon İcra Hakimiyyətinə başçı təyin olunan​ Quliyev Məhərrəm Böyükağa oğlunun ötən illər ərzində göstərdiyi müəmmalı fəaliyyəti, bu gün də daha çox söz-söhbətə səbəb olan, əksər media qurumlarının gündəmini zəbt edən mövzulardan birinə çevrilməkdədir.

Gundemxeber.Az bildirir ki, bununla bağlı cumhuriyyet.az-ın media üzərindən apardığı araşdırmalara, bəzi çevrələrdə dolaşan söz-söhbətlərə görə, Goranboya lazımınca bələd olmayan yeni icra başçısı ilk gündən köhnə kadrlarla işləyə bilməyəcəyini bəyan edir. Elə ki, günlər keçir o halda Məhərrəm Quliyev ciddi kadr problemi ilə üz-üzə qalır. Belə olan halda o, özünün həmyerlisi olan, hal-hazırda Siyəzən rayon İcra Hakimiyyətinə rəhbərlik edən Novruz Novruzovun məsləhətlərinə qulaq asmalı olur. Yəni, adı çəkilən şəxs ona bildirir ki, “Vaxtilə mənimlə və məndən sonrakı icra başcıları ilə də işləmiş bəzi kadrlardan istifadə et. Ələxüsus, kecmiş 1-ci müavin Ceyhun Həsənovu tap və onun imkanlarından yararlanmağa çalış” deyə, Məhərrəm Quliyevə öz məsləhətlərini verir. Çox keçmir ki, “ağsaqqal” bildiyi bu şəxsin məsləhətinə qulaq asan icra başçısı, dərhal Ceyhun Həsənovu tapır və çox keçmir ki, Goranboy rayon İcra Hakimyyəti Aparatında illər öncə bu şəxsin üzünə bağlı qalan qapılar “taybatay açılır”.
​Düzdür, belə bir halın varlığı müəyyən çevrələrdə dolaşan, kimlərinsə məlumatlı olduğu söz-söhbətlər olsa da, bugünə kimi əksəriyyətin bilmədiyi məqamlar da var. Həmin məqamların varlığını, baş verən proseslərin mahiyyətini cumhuriyyet.az-ın oxucularının diqqətinə çatdırmağı qərara aldıq. Belə ki, illər öncə Novruz Novruzov Goranboy rayon İcra Hakimiyyətinin başçısı vəzifəsini daşıyarkən, Ceyhun Həsənov başçının 1-ci müavini olur. Həmin vaxtlarda icra başçısı bu şəxsdən 200 (iki yüz) min manat məbləğində “haqq-hesab” alır və “Mən yaxın vaxtlarda Bakıətrafı rayonlardan birinə başçı təyin olunacağam, o halda səni Goranboya başçı təyin etdirəcəyəm” deyə, ona bu yöndə “yağlı vəd” də verir. Bir qədər vaxt keçdikdən sonra Novruz Novruzov Prezidentin imzaladığı Sərəncam əsasında Siyəzən rayon İcra Hakimiyyətinin başçısı​ təyin olunur. Belə olan halda onun düzüb-qoşmaq istədiyi plan baş tutmur və Ceyhun Həsənov bir daha yeni təyin olunan icra başçına 1-ci müavin olur. Bir neçə il Goranboy RİH Aparatinda 1-ci müavin vəzifəsini daşıyan Ceyhun Həsənov, yalnız​ Nizaməddin Quliyev icra başçısı təyin olunduqdan sonra, məhz daşıdığı vəzifəsinə “əlvida” deməli olur. Buna da əsas səbəb, daşıdığı vəzifəsini icra edərkən çoxsaylı qanunsuzluqlara, hədsiz dərəcədə mənimsəmə faktlarına və s. qol qoyması olur. Elə ki, Ceyhun Həsənov işdən çıxarılır, o halda o, Novruz Novruzova verdiyi 200 min manat “haqq-hesab”ı ondan geri tələb edir. Belə bir olayla üz-üzə qalan Novruz Novruzov, son anda məcbur olub onu Mingəçevirdə əmlak məsələləri sahəsində səlahiyyətli vəzifəyə təyin etdirir.

Goranboyda icra başçısı ilə müavinin rüşvət əməliyyatları: ayaqyolunadək…


Ceyhun Həsənov bir müddət bu sahədə çalışsa da, yenə də “bəxti gətirmir”. Yəni, çalışdığı sahədə qol qoyduğu qanunsuzluq əməllərinə görə, rəhbərlik onu “yola salmaq” məcburiyyətində qalır. Belə olan halda Ceyhun Həsənov dirəniş göstərir və Novruz Novruzova verdiyi 200 min manat “haqq-hesab”ı ondan geri tələb edir. Çıxılmaz durumda qalan Siyəzən rayon İcra Hakimiyyətinin başçısı, son anda aldığı 200 min manat pulun 100 min manatını geri qaytarmağa məcbur olur. Belə bir vaxtlarda Ceyhun Həsənov heç də boş dayanmır və özünə hansısa yollarla əlillik sənədi düzüb-qoşdura bilir.
Hadisələrin bu cür cərəyan etməsinə baxmayaraq, yuxarıda qeyd etdiyimiz kimi Məhərrəm Quliyev Novruz Novruzovun məsləhətini əsas tutur və ilk əvvəl Ceyhun Həsənovu Goranboy RİH Aparatında şöbə müdiri təyin etsə də, iki aydan sonra isə, onu özünə 1-ci müavin təyin edir. Belə bir addımın atılması əksəriyyəti şoka salsa da, hər kəs o haqda da məlumatlı olur ki, indiyə kimi Azərbaycan dövlətinin idarəçilik tarixində təqaüddə olan, özünə əlillik dərəcəsi düzüb-qoşan, vaxtilə dövlət qulluğunda olarkən biznes fəaliyyəti ilə məşğul olub hədsiz dərəcədə kapital toplayan, illər öncə​ 1-ci müavin daşıyan bir şəxs, heç bir halda belə bir təyinatla ödüllənməyib. Yəni, Məhərrəm Quliyev Azərbaycan Respublikasının idarəçilik tarixində belə bir addımını atmaqla, bir növ adını tarixə yazmış oldu. Hətta, Məhərrəm Quliyev​ bu yolda ona maneə ola biləcək bütün sədləri zamanında təmizləyir ki, Ceyhun Həsənovdan lazımınca yararlana bilsin.
​Bəzi iddialara görə, illər öncə Ceyhun Həsənov 1-ci müavin vəzifəsini daşıyarkən, Goranboyda həddi-hüdudu bilinməyən sayda çoxsaylı qanunsuzluqlara imza atır, hətta bu şəxsin vasitəçiliyi ilə RTŞ-nin 20-dən çox vəzifəli şəxsi barədə cinayət işi də qaldırılır. Bəzi iddialara görə, Məhərrəm Quliyev Göranboya icra başcısı təyin olunduqdan və vəzifəsinin icraasına başladıqdan bir qədər sonra, bir necə idarə-müəssisə, təşkilat rəhbərlərinə xəbər göndərir ki, “ya kreslonuza əlvida deməlisiniz, ya da ki, mən deyən olmalıdır. Kim vəzifəsində qalmaq istəyirsə, o halda “tasa oturmalıdır” deyə, həmin şəxslərə öz mesajlarını çatdırır. Məsələn, cumhuriyyet.az-a rayondan daxil olan məlumata görə, icra başçısı rayonun Telekommunikasiya Qovşağının rəisini vəzifədə saxlamaq üçün, ondan 70 (yetmiş) min manat məbləğində “şirinlik” alır. Rayonun “Sukanal” idarəsinin müdirini də oxşar aqibətlə üz-üzə qoyur. Göranboy Səhiyyə şöbəsinin müdirinə isə, məhz fərqli münasibət bəsləyir. Yəni, şöbə müdirini ayda 2-3 min “haqq-hesab” verməyə razı salır. Rayonun təhsil müəssisələrində çalışan hər bir müəllimdən, yəni şəhər məktəblərində çalışan müəllimlərdən 20 AZN, kənd məktəblərində çalışan müəllimlərdən isə, ayda 10 AZN pul toplanması haqda, RTŞ-nin müdirinə “şanlı tapşırığını” verir. Rayon sakinləri arasında belə bir söz-söhbət də dolaşır ki, son vaxtlar bəzi icra başçıları həbs olunduqlarından, Məhərrəm Quliyev rüşvət alarkən işini olduqca ehtiyatlı tutur və bu yöndə yeni qaydalar tətbiq edir. Məsələn, bəzi çevrələrdə söylənilir ki, icra başçısı kimdən rüşvət alırsa, həmin rüşvəti RİH-nə məxsus ayaqyolunda alır.
​Son vaxtlar isə, Məhərrəm Quliyevin bir neçə nəfərə məxsus torpaq sahələrini ələ keçirməsi yöndə də, müəyyən söz-söhbətlər dolaşmaqda davam edir. Düşündürücü haldır ki, bir tərəfdə ölkə rəhbəri cənab İlham Əliyev hər bir vəzifə sahibinə, ələlxüsus icra başçılarına lazımi tapşırığını verir, digər tərəfdə isə bəzi vəzifə sahibi olan şəxslər, o cümlədən Goranboy rayon İcra Hakimiyyətinin başçısı ölkə rəhbərinin verdiyi tapşırıqları saya salmır. Belə bir halın varlığı, bu gün də ortaya çoxsaylı sualların çıxmasına səbəb olmaqdadır. Mövzuda adı çəkilən hər kəsin mövqeyini dinləyə bilərik.

Bu yöndə araşdırmalarımız davm edəcək.

Gundemxeber.Az

Bölmənin digər xəbərləri

05 Aprel 2020 Azərbaycan insanına koronavirus bəlası yetişməzdən xeyli qabaq Azərbaycan ekologiyasına korrupsiya virusu gəlmişdir
05 Aprel 2020 Nazirin nəzərinə: Lerik meşələrində soyqırım davam edir- ŞİKAYƏT
05 Aprel 2020 11 saylı İnternat məktəbində təhlükəli durum – İDDİA
05 Aprel 2020 “Əli Nağıyev əməkdaşlarını Abşeron icra başçısının kabinetinə göndərsin”
05 Aprel 2020 Sabunçuda koronovirusun yaratdığı şəraitdən sui-istifadə edən vəzifə sahibi kimdir - ​FOTO/VİDEO
05 Aprel 2020 "Alimpaşa Məmmədov Prezidentin xeyirxah təşəbbüsünə niyə qoşulmur?" – Şəmkir Şampan Zavodunun direktoru Hafiz İbrahimovdan şok ittiham
05 Aprel 2020 Zakir Fərəcovun rəhbəri olduğu şəhərdə ağaclar kütləvi şəkildə kəsildi – VİDEO
04 Aprel 2020 Gülnarə Abdullayeva internatda uşaqlara sudan başqa nə verir?
03 Aprel 2020 "Kim borcunu ödəmirsə işığını kəsib-tökün" - ŞOK SƏS YAZISI
03 Aprel 2020 Yazımıza Oqtaysayağı reaksiya: Xəstəni danladılar -VİDEO
03 Aprel 2020 Bir-birini yumruqlayan qohumlar - Abıyevlərin sərgüzəstləri
03 Aprel 2020 Rektor koronavirus qadağalarına əməl etmir - Müəllimləri məcburi işə çağırır...
03 Aprel 2020 Kəndin örüş torpaqları alınıb kəndlilərə qaytarılsın... - GİLEY
03 Aprel 2020 Bakıda qoçular avtomobili əhatəyə alıb sürücünü təhqir etdi — VİDEO
03 Aprel 2020 Xanım İcra başçısının maşını "protiv" getdi: Yol polisi görüb "çest" verdi - VİDEO
02 Aprel 2020 Bərdədə səfalət içində yaşayan ailənin Prezidentə müraciəti
02 Aprel 2020 Şirvanda nə baş verir! İlqar Abbasovun ETİBARı SABİTliyi pozdu
01 Aprel 2020 Lənkəran məmurları: keçmiş qatil, cinayətkar oğulun "dayağı" və "humanitar diktator"
31 Mart 2020 Tikinti şirkətinin Xırdalanda “yaşıl soyqırımı” – Fotolar
31 Mart 2020 Xaçmazda abadlığın arxasında gizlənən fəlakət: VİRUS və EPİDEMİYA MƏNBƏYİ - VİDEO

Dünyapress TV

Xəbər lenti