ADAU-DA DEKANLIQ QALMAQALI - İnam Kərimov bu biabırçılığa nə deyəcək?
Azərbaycan Dövlət Aqrar Universitetinin "Baytarlıq təbabəti və Zoomühəndislik" fakultəsi dekan seçkilərinə hazırlaşır. Seçkilərə qısa zaman qalsa da, fakultənin ayrı-ayrı kafedra və müəllimləri prosesin gedişatından narazıdır. Rektorluq tərəfindən "elan" edilən dekanlıq seçkisinə süni maneə və təzyiqlər var. Şəxsən rektor İbrahim Cəfərovun özünün istəyilə bu vacib seçkinin adi təyinata çevrilməsi cəhdləri müşahidə olunur.

"Demokratik.Az"-ın məlumatına görə, əvvəllər Gəncədə bir neçə Dairə Seçki komissiyasının sədri olmuş İbrahim Cəfərov universitetdə dekan seçkisində şəffaflığı və ədaləti təmin etmək əvəzinə, birokratik əngəllərlə fakultədə çalışan professor-müəllim heyəti arasında seçmək və seçilmək azadlığını buxovlayaraq boğur. Əslində bu "boğulma" ölkənin yeganə aqrar təhsil ocağında axsayan tədrisin, elmi fəhimsizliyin səbəbinin növbəti çılpaq nümunəsidir.

Namizədliyi əlindən alınmış dosent Zahir Ələsgərov

1573846716_2.jpg

Rektor "öz adamı"nı asan yolla deyilən fakültəyə dekan "təyin etmək" üçün artıq tam hərəkətə keçib. O, dünən dekanlıq seçkisinə ən şanslı namizəd olan dosent (Mikrobiologiya və parazitologiya kafedrasının müdiri-red) Zahir Ələsgərovu yanına çağırıb, namizədliyini geri götürməyə məcbur edib. Kollektiv və tələbələr yanında kifayət qədər nüfuzu olan Zahir Ələsgərov da şansına küsərək rektorun şərtini icra etməyə aciz qalıb.

1573846701_3.jpg

ADAU-DA DEKANLIQ QALMAQALI - İnam Kərimov bu biabırçılığa nə deyəcək?

Ardından da,rektorun özünün təkidlə fakültə dekanlığına irəli sürdüyü namizədin kimliyi xeyli maraq və təəccüb oyadıb. Belə ki, rektor Universitetdə və fakültədə şəxsi keyfiyyətləri və nüfuzu mübahisələr doğuran bir professora - Famil Nəsibova dekanlıq yolunda öz "yaşıl işığını" yandırıb.

Bəs, rektorun özünün dekan etmək istədiyi əndirəbadi namizədi kimdir?

Hazırda bir həftə sonra baş tutacaq dekan seçkilərindən sevinmək əvəzinə, xeyli narahatlıq keçirən fakültədə əksər "seçici" Famil Nəsibovun namizədliyinin irəli sürüldüyündən narazıdır. İkrah doğuran və rektorluğun özbaşınalığını ehtiva edən ilk və ən diqqətçəkici hal isə professor Famil Nəsibovun seçkiyə alternativsiz atılmasıdır. Rektorluq bu adamı favorit edərək fakültəyə rəqabətsizlik bəxş edib. Təsəvvür edin ki, başqa hansısa namizədi "olmayan", və ya alternativ imkanlar tanımayan bir fakültə ya Famil Nəsibova səs verməli, ya da yeganə namizədi "seçməli" olacaq. Bu situasiya adi məntiqlə də rektorun birbaşa dekan təyinatından elə də fərqlənmir. Amma, dərd tək bu deyil.

"Demokratik.Az" xatırladır ki, dekanlığın bir addımlığındakı adıçəkilən professorun "dosye"si nöqsanlarla, töhmət və qüsurlarla, illərlə "daşıdığı" vəzifədə qeyri-səmimi davranışlarla xeyli zəngindir. Xatırlayırsınızsa, Famil Nəsibov adı 2016-cı ilin 8 avqustunda sabiq Kənd Təsərrüfatı naziri Heydər Əsədovun təşkil etdiyi kollegiya iclasında yarıtmaz fəaliyyəti ucbatından işdən qovulmuş "alim" - korrupsioner və özbaşına bir direktor kimi yaddaqalan olub.

Həmin illərdə KTN-in "Heyvandarlıq Elmi-Tədiqiqat" İnstitunu ağlar günə qoymuş, dələduz qohum-əqrəbasını başına yığaraq korrupsiya burulğanı yaratmış, nazirinin etimadına xəyanət edərək daşıdığı məsul vəzifədən sui-istifadə etmiş birinin indi aqrar təhsil ocağında dekanlığa əvəzedilməz aday kimi irəli çəkilməsi sizcə nə deməkdir? Sosial şəbəkədə abiturientlərə "Gəlin ADAU-ya - baytar olun!"- deyə çağırış edən rektor bu cür zərərli iş üslublu alimi dekan "təyin" edərək gələcəkdə baytar mütəxəssislər hazırlamağı biz bilmədiyimiz hansı məntiqlərlə hədəfləyir ki? Axı, ötən tədris ilinin sonunda Famil Nəsibovun həm də qeyri-etik hərəkətləri ucbatından kafedranın iki xanım əməkdaşı işindən olub və bunu İbrahim Cəfərovun gözləri önündə ediblər!

Nə nümunəvi əxlaqı, nə elmi və idarəçilik üstünlükləri olmayan bir şəxs üçün belə canfəşanlıq yersizdir!

Əslində, ADAU rektoru bunca mənfi reputasiyaya sahib olan alimə həmişə kömək əli uzadıb. Rektor sabiq nazirin iradəsinin əksinə, korrupsiya və digər cinayət əməllərində məsuliyyətə cəlb edilən Famil Nəsibovu "Yoluxmayan xəstəliklər" kafedrasında müəllim saxlayaraq, qısa zaman sonra həmin kafedranın bölgüsündən törəyən ayrıca kafedraya müdir təyin etdirib ki, bununla da rektor ADAU-da "mütəxəssis hazırlığının qayğısını çəkib" deyə bilmirik. İndi isə F.Nəsibovu dekanlıqla taclandırmaq istəyi rektor İbrahim Cəfərovda hansı maraqlardan qaynaqlanır, deyə bilmərik.

Onu da bildirək ki, rektorun irəli sürdüyü dekan namizəd barədə qısa jurnalist təhqiqatı da apardıq və onu da əldə etdik ki, Famil Nəsibovun bir sıra elmi məqalələri və elmi-tədqiqat materialları fantaziyadan və quruca yalanlı söz yığınından ibarətdir. Belə ki, onun özünün və bir neçə rus soyadlı (əsasən, S.V.Fedotov və A.V.Pankratova - O.N) həmmüəlliflərin müxtəlif illərdə dərc etdirdikləri elmi məqalə və dərslikdə göstərilir ki, guya F. Nəsibov və qeyriləri 2009-2012-ci illərdə Rusiyanın Voloqda vilayətində ümumilikdə 22380 iribuynuzlu heyvan (inək) üzərində təcrübələr aparıblar. Guya heyvanlarda reproduktiv funksiya pozğunluqlarını, ətlik və südlük mal-qarada ginekoloji, daxili orqanların analiz təhlillərini müəyyənləşdiriblər. Belə bir təhlillərin F.Nəsibov tərəfindən aparılmaması, heç o tədqiqat işlərində iştirak etməməsi alimin həmin illərdə Azərbaycandan Rusiyaya səfər edib-etməməsi ilə tam müəyyənləşdirilə bilər. Bundan başqa, təhlillərdə 22 mindən artıq inəyin tədqiqat subyekt kimi qeyd edilməsi özü də bu təhlilin yalan olduğunu üzə çıxarır.

Famil Nəsibovun guya o yazdıqlarını özünün ayrıca etməsi üçün Voloqdada gedib orada ən azı 2-3 il qalması, hər gün isə azı 30-40 inəyi analiz etməsi vacibdir. Bu isəo illərdə Voloqdada olmayan, orada o illərdə yaşamayan alim üçün həm nəzəri, həm də fiziki imkanlar xaricində olan uydurmadır. (İstinad sənəd: (Jivotnovodstvo) Vestnik, Altayskoqo Qosudarstvennoqo Aqrarnoqo Universiteta N10(108) 2013 )

***

Onsuz da zaman-zaman eşidirik ki, universitetlərdə rektorun istəyi kimədirsə, o da dekan seçilə və ya kafedra müdiri ola bilir. Formallıqda normal seçkiyə dayanan proses isə ifşadan heç də sığortalanmayıb. Məncə, yuxarıdakı yazılanlar - ADAU-da qeyri-şəffaf "dekanlıq seçimləri"nin ifşası ola, qarşısı alınmaqla növbəti dekanlıq və digər seçkili vəzifələrin formalaşmasına stimullaşdırıcı amil ola bilər...

Ümidvaram ki, ölkə başçısının yüksək etimad və inamına sığınaraq nazir adı daşıyan cənab İnam Kərimov və ölkənin təhsil nazirliyi ADAU-ya diqqət ayıracaq, hazırda rektorun diqtəsilə universitetin "Baytarlıq təbabəti və Zoomühəndislik" fakultəsinə kimin dekan "təyin" ediləcəyini aydınlaşdıraraq biabırçılığı durduracaqlar. Bunun üçün isə KT naziri sələfi Heydər Əsədovun imzaladığı 08.08.2016-cı il tarixli kollegiya qərarında yarıtmaz sabiq direktor Famil Nəsibov barədə yazılan sətirləri oxumaq, nəticə hissəsi ilə tanış olmaq kifayətdir.

ADAU-da şəffaf və ədalətli seçkilər yolu ilə dekan adını ləyaqətlə daşıya biləcək alimləri görmək ümidilə nazir İnam Kərimova özəl sayğılarımla...

Osman Nərimanoğlu

Demokratik.Az-dan: Sözügedən dekanlıq seçkisi barədə universitetin koridorlarında danışılır ki, fakultənin seçki marafonuna namizədliyin qeydə alınması ötən ayın 28-də yekunlaşıb. Həmin müddətə isə yalnız Zahir Ələsgərovun namizədliyi tanınıb. Seçkiyə bir həftə qalmış birdən-birə Famil Nəsibovun ortaya atılması, bəlkə də adının köhnə tarixə namizəd olaraq "qeyd" edilməsi, şanslı namizədə rektor tərəfindən açıq təzyiq edilməsi seçkinin qeyri-şəffaf mühitə dayandığına işarə edir.

Bölmənin digər xəbərləri

07 Dekabr 2019 "Oksigen"də əməliyyat olundu, sonu faciə ilə bitdi - İTTİHAM
07 Dekabr 2019 Füzuli rayonunun məktəbəqədər müəsissələrində saxta diplomlular - Növbə onlara da çatacaq
06 Dekabr 2019 Füzuli Diaqnostika Mərkəzində Şaiq – Vüqar – Lalə “trio”su – RAYON SƏHİYYƏSİ ŞÜKÜROVLARIN REANİMASİYASINDA
06 Dekabr 2019 Bərdədə bu təhsil ocağında bazar açıblar
06 Dekabr 2019 Ağdaşda İcbari Tibbi Sığortanın büdcəsi RƏSMƏN TALANIR... - İTTİHAM
06 Dekabr 2019 Ucarda baş verən yeyinti araşdırılarsa... - İDDİA
06 Dekabr 2019 Land Cruiser sürücüsü ölüm ayağında olan xəstənin yolunu kəsdi - VİDEO
06 Dekabr 2019 “Həkim 200 manat artıq qazanmaqdan ötrü qızımı öldürdü”
05 Dekabr 2019 İqbal Məmmədovun daha bir şirkəti haqda qalmaqal - İDDİA
05 Dekabr 2019 Xaçmazda bazar qalmaqalı... - Hələ də davam edir...Xaçmazda bazar qalmaqalı... - Hələ də davam edir...
05 Dekabr 2019 Saxta vəsiyyətnamə ilə qərar çıxaran hakimlərdən prezidentə ŞİKAYƏT
05 Dekabr 2019 Xırdalan sakinlərindən Eldar Əhmədova ETİRAZ: Biz “maklerə” səs verən deyilik…
05 Dekabr 2019 Abşeronda torpaqları kim satır? - Gerçək bir xaosun izi ilə - araşdırma
04 Dekabr 2019 Cavid Qurbanovun bu dələduzluqdan xəbəri varmı?-"...yoxsul, ac vəziyyətdəyik"
04 Dekabr 2019 SİYAHIYAALMA QALMAQALI: ŞƏMKİRDƏ MƏMUR ONLARLA SAYICININ MAAŞ KARTLARINI ƏLİNDƏN ALDI - “VAZEH MEHDİYEV ÜSTÜMƏ ADAM GÖNDƏRDİ, HƏDƏ-QORXU GƏLDİ...”
04 Dekabr 2019 Başçının keçmiş müavini indi də qəsəbə sakinlərini bezdirib... - GİLEY
04 Dekabr 2019 GDU-da rektorun rüşvət piramidası
04 Dekabr 2019 Kollec direktorundan dəbdəbəli toy: onu Qüdrət Şükürov taleyi gözləyir...
04 Dekabr 2019 "Qardaşım polislərin verdiyi işgəncədən dünyasını dəyişdi..." - Müəmmalı ölümlə bağlı sensasion iddia (FOTOLAR)
04 Dekabr 2019 Şair Alxasovdan prezidentə şikayət olundu - Müraciət...

Dünyapress TV

Xəbər lenti