Ceyhun Bayramov gəlib bu siniflərdə yarımca saat otura bilsə... - Lerikdə dəhşətli mənzərə...
İndi payızdır. Lakin Lerikin Monidigah kəndinə qış çoxdan gəlib. Qış, ucqar dağ kəndinə fəsil olaraq deyil, həm də problemləri ilə daxil olub.

Monidigah kənd orta məktəbinin şagirdləri indidən başlarına papaq, əyinlərinə qalın jilet geyinməyə məcburdur. Ancaq onlar bu qəzalı məktəbdə daha çox kitab açmağa, qələm tutmağa həvəsli olmalı idilər. Reallıq isə başqa şeyi deyir.

Şagirdlər dərsə yox, qışa hazırlaşırlar

Bu məktəbdə vəziyyət olduqca acınacaqlıdır. Artıq şagirdləri dərsdən daha çox soyuq sinif, odun sobasının nə zaman işə düşəcəyi düşündürür. Halbuki, onlar cəmi bir neçə metr aralıqda modul tipli məktəbə köçə bilərlər.

Yanmayan sobada "yanan" təhsil

Prezident İlham Əliyevin tapşırığına əsasən, qəzalı vəziyyətdə olan məktəblər modul tipli məktəblərlə əvəz edilməlidir. Lakin Lerikin Monidigah kəndində modul tipli məktəbi tenderdə qalib gələn PDL şirkəti tikməyə başlasa da, öz işini sona qədər çatdırmayıb. Adıçəkilən şirkət tərəfindən işlər 2018-ci ilin avqustunda başlanılmalı, bu ilin analoji dövründə bitməli idi. Başqa sözlə, şagirdlər builki tədris ilinə yeni modul tipli məktəbdə start verməli idi.

Lakin görünən budur ki, PDL şirkəti məktəbi təhvil verməməklə öz işinə laqeyd yanaşıb. Dolayısı ilə Prezidentin tapşırığına məhəl qoyulmayıb. Modul tipli 96 nəfərlik məktəb binasının işə salınmalı olduğu halda, hələlik kənd məktəbi ora köçə bilmir. Beləcə, 63 şagird öz təhsilini qəzalı məktəbdə davam etdirir.

Məsafə yaxın, yeni məktəb uzaq

Məktəbdən şirkətə dəfələrlə müraciət olunsa da, onların səslərinə səs verən tapılmır. Nəticədə bütün bunlardan şagirdlər və müəllim heyəti əziyyət çəkir. Əslində, iş görülüb, sadəcə məktəbin ətrafında son tamamlama işləri aparılmalı və təhsil ocağı təhvil verilməlidir. PDL şirkətinin məsuliyyətsizliyi onlarla şagirdin rahat təhsil almasına maneə törədir. Bu şagirdlər gələcəyin həkimi, müəllimi və digər peşə sahibi olmağa layiqdir. Ancaq onlara layiq olanı hələlik verə bilmirik.

Qeyd edək ki, modul tipli məktəblərin yaradılmasının üstünlüyü onların azməsrəfli olması ilə yanaşı, qısa müddətdə istənilən relyefdə quraşdırılması, asan daşınması, burada sinif otaqlarının sayının şagirdlərin sayına uyğun şəkildə rahatlıqla azaldılıb-artırılmasıdır.

Monidigah kəndində istifadəyə verilməyən modul tipli məktəb

Belə məktəblərin digər üstünlüyü budur ki, qəzalı vəziyyətdə olan təhsil müəssisələrində təmir-tikinti işləri aparılarkən, tədris prosesi dayandırılmır və bu məqsədlə müvəqqəti olaraq səyyar məktəb quraşdırılır.

Bir çox ölkələrdə iqtisadi baxımdan daha səmərəli, yüksək keyfiyyətli və sənaye üsulu ilə hazırlanan modul tipli məktəblərdən istifadə olunur. Belə məktəblərin daxilində və xaricində istifadə olunan materiallarda insan sağlamlığı üçün heç bir ziyanlı maddə yoxdur, yanğına, sukeçirməyə, nəmlənməyə, çürüməyə, isti və soyuğa qarşı daha dayanaqlıdır. İnşaat işləri əsaslı tikintiyə nisbətən kiçik maliyyə vəsaiti tələb edir.

Dövlət başçısının tapşırığına əsasən, modul tipli məktəblərin ucqar kəndlərdə inşa olunması xüsusi əhəmiyyət kəsb edir. Lerikin Monidigah kəndində nəzərdə tutulmuş modul tipli məktəb də məhz bu qəbildəndir.

Ümid edirik ki, bu reportajdan sonra aidiyyatı qurumlar işə keçəcək, cavabdeh şirkət öz işini başa çatdıracaq və yekunda əziz balalarımız yeni məktəbə ən qısa vaxtda qədəm qoya biləcək.
Demokrat.az
b_400_300_16777215_00_http___teref.az_uploads_posts_2019-11_1573106053_2.jpg
b_400_300_16777215_00_http___teref.az_uploads_posts_2019-11_1573106107_3.jpg
b_400_300_16777215_00_http___teref.az_uploads_posts_2019-11_1573106069_4.jpg
b_400_300_16777215_00_http___teref.az_uploads_posts_2019-11_1573106060_5.jpg
b_400_300_16777215_00_http___teref.az_uploads_posts_2019-11_1573106087_6.jpg
b_400_300_16777215_00_http___teref.az_uploads_posts_2019-11_1573106107_49c9bce3-ba72-4fb6-bc6f-ceb1c497b018.jpg

Bölmənin digər xəbərləri

01 İyun 2020 ŞOK: Zərdab rayonu Alıcanlı kənd bələdiyyəsinin sədri Habil Əsədovun cənab Prezidentə XƏYANƏTİ
01 İyun 2020 İcra başçısı ''lipa'' nömrəli avtomobildə gəzir, müavini isə, adam döyməklə ad çıxarır
01 İyun 2020 Neftçalanın gənc başçısı sakinlərlə yola getmir - Belə deyirlər...
01 İyun 2020 "Saatlı rayon Mərkəzi Xəstəxanasında bizdən açıq-aşkar rüşvət istəyirlər" - GİLEY
01 İyun 2020 "Qocalar evi"nin sakinləri və işçiləri etiraza qalxdılar. - VİDEO
01 İyun 2020 İCRA BAŞÇISINDAN ŞƏHİD ADINA HÖRMƏTSİZLİK - BAXIMSIZ ORTA MƏKTƏB, YOXA ÇIXAN 100 MİN MANAT (VİDEO)
01 İyun 2020 Vasif Novruzov Qobustanda kimdən və niyə gizlənir?
01 İyun 2020 “Azəriqaz”ı keçmiş rüşvətxorların,talançıların məskəninə kimlər çevirib?
01 İyun 2020 Fuad Hacıyevin 43400 manata avtomobil alması hansı zərurətdən yaranıb?
31 May 2020 Bakı İcra Hakimiyyətinin şöbə müdirinin milyonluq obyekti – Sənəd
31 May 2020 CƏLILABADDA QƏBRISTANLIĞI ŞUMLATDIRIB YERINDƏ TAXIL ƏKDIRƏN KIMLƏRDIR?- VİDEO
31 May 2020 Kürdəmir Regional Mədəniyyət və Turizm İdarəsi rəisi Elman Məmmədovun "Mədəni korrupsiyası".....
31 May 2020 ADAU rektorunun daha bir villası tapıldı - Pullar hardandı?
31 May 2020 İcra başçısı “Şamaxıda kişi yoxdur” deyib? – ŞOK İDDİA
31 May 2020 Bakıda klinika və ticarət obyektləri tikdirənlər kimlərdi? – Tanış ADLAR
31 May 2020 Cavid Qurbanov hekayəsi:qumar, xəyanət, korrupsiya... VIDEO
31 May 2020 İLHAM ƏLİYEVİN HÜQUQ-MÜHAFİZƏ SİSTEMİNDƏ İSLAHATLAR MESAJI VƏ İLHAM RƏCƏBOV KİMİ KADRLARIN BƏDBİN PERSPEKTİVLƏRİ
30 May 2020 "CƏNAB PREZİDENT, BİZİ ƏHƏD ABİYEVİN RÜŞVƏTİNDƏN QURTARIN!"-ŞOK VİDEO
30 May 2020 11 saylı cəzaçəkmə müəssisəsində nə baş verir? - İDDİA
30 May 2020 Beyləqanda PETrolçu hacının sərgüzəştləri: Atasının əməlləri məmur oğlunun karyerasını bitirə bilər

Dünyapress TV

Xəbər lenti