Laçnın deputatı varmı, yoxmu... - BİLİNMİR! - Axtarış...

Parlamentin adı “lal deputatlar” siyahısında yer alan bir üzvü də Laçın rayon seçki dairəsindən mandat almış Mahir Abbaszadədir. Adam MM-də varlığı ilə yoxluğu bilinməyən o deputatlardandır ki, küçədə dayanıb bir sorğu keçirsəniz, onu tanıyan olmayacaq.

Hətta yaxın zamanlarda jurnalistlər arasında keçirilən sorğuda da böyük əksəriyyət deputatı tanımadığını bildirmişdi. Yalnız bir nəfər – A. Niftiyev onu, sadəcə, bank müdiri kimi tanıdığını demişdi. “Deputat kimi onun hər hansı fəaliyyətindən və çıxışlarından xəbərim yoxdur. Bəlkə, Mahir müəllimin özü də unudub ki, millət vəkilidir…”

Doğrudan da, Mahir Abbaszadə deputat fəaliyyətinə kimi bir çox banklarda məsul vəzifələrdə çalışıb. O, 2001-2003-cü illərdə Azərbaycan Beynəlxalq Bankının Sumqayıt filialında xidmət bölməsi üzrə mütəxəssis, 2003-2004-cü illərdə “Zaminbank” ASC-nin “Gənclik” filialında mühasib, xəzinə müdiri, 2004-cü ildən isə həmin filialın müdiri işləyib.

2015-ci ildə Laçın seçki dairəsindən Milli Məclisin deputatı seçilən M. Abbaszadənin deputatlıq fəaliyyətindən heç laçınlıların da xəbəri yoxdur. Amma deyəsən onun “lallar” siyahısında yer alması ölkə rəhbərliyinin maraqlarına uyğun gəlir. Belə ki, 2018-ci ildə o daha önəmli bir vəzifəyə, Məcburi Köçkünlərin Sosial İnkişaf Fondunun direktoru vəzifəsinə təyin olunub. Bu ilin iyun ayında mətbuat deputatın qardaşının adının korrupsiya işində hallandığını gündəmə gətirərək, onun Fondun rəhbərliyindən kənarlaşdırılacağını yazdı. Belə ki, Bakı Ağır Cinayətlər Məhkəməsində mənimsəmədə və rüşvət almaqda təqsirləndirilən “Nikoil” bankın filialının vəzifəli şəxsləri arasında onun qardaşı “NİKOİL” bankın Sumqayıt filialının müdir müavini Zahir Abbasov da vardı. Məlum olmuşdu ki, Korrupsiyaya qarşı Mübarizə Baş İdarəsi filialın müdiri Ruslan Talıbovun filialın digər vəzifəli şəxsləri ilə birlikdə 92 min manat məbləğində vəsaiti mənimsəmələrinə görə cinayət işi başladıb. Saxlanılan şəxslərin vətəndaşların kredit ilə aldıqları 451 min manat məbləğində olan əmlaklarını və nağd pul vəsaitlərini fırıldaqçılıqla ələ keçirdikləri iddia olunurdu.

Həmin cinayət işində məsələlərin nə yerdə olduğunu bilmirik, amma Mahir Abbaszadə Fond rəhbəri kimi fəaliyyətinə əvvəlki qaydada davam edir.

Laçınlı deputatın səsi parlament tribunasından eşidilməsə də, mətbuatda tez-tez eşidilir. O, sorğuda adının “lal deputatlar” siyahısına salınmasını da “mətbuat vasitələrinin qara “piar”ı” adlandırır. “Əgər siz mənim seçicilərimlə ünsiyyətə girsəniz, onlardan soruşsanız, görərsiniz ki, mən aktiv olaraq seçicilərimlə ünsiyyətdəyəm. Müraciətlərin 50 faizi demək olar ki, həllini tapıb, yerdə qalanı isə tapmaq üzrədir.” “Amma internetdə axtarış verəndə seçicilərin sizi tapa bilməməsi, onlar yaşayan ərazilərdə öz biznesinizlə məşğul olmağınız barədə yazılar çıxır” sualına deputat belə cavab verir: “Mən bizneslə məşğul olmuram. İqtisad elmləri üzrə fəlsəfə doktoruyam. Deputat fəaliyyətimə qədər bank sektorunda filial müdiri işləmişəm. Hazırda doktoranturada oxuyuram. Əgər həqiqətən biznesim varsa, onu yaradıb qura bilərəmsə, sadəcə, mən bununla qürur duyardım. Amma yoxdur. Laçınlıların bu gün yaşadığı ərazilərdə heç biznes yaratmaq üçün şərait də yoxdur. Gedib, orada yaşayan laçınlılardan soruşsanız, şahidi olarsınız ki, həqiqətən heç nəyim yoxdur.” İndi bizdən də “seçicilərin sözünə inanardınız, yoxsa deputatın” deyə soruşsalar, şübhəsiz, seçicilərin sözünü deyəcəyik. Çünki bu ölkədə deputat statuslu kimsənin sözünə zərrəcən inam qalmayıb. //siam.az//

Bölmənin digər xəbərləri

19 Noyabr 2019 Göygölün "dımbılı cuvar"ı "ÖLÜM İŞİ"ndən necə sıyrılıb? - ŞOK FAKTLAR+Fotolar
19 Noyabr 2019 Füzulidə yeni korrupsioner şəbəkə
19 Noyabr 2019 Ekologiya nazirliyində şübhəli tender - “Köhnə hava“da olanlar kimlərdir?
18 Noyabr 2019 Vüqar Əliyev qaynı İnam Kərimova arxayın olub artıq özünü Müşfiqabadın "seçilmiş bələdiyyə sədri" kimi görür
18 Noyabr 2019 MASALLIDA DƏHŞƏTLİ “EKOLOJİ TERROR” HÖKM SÜRÜR – NAZİRƏ MÜRACİƏT
18 Noyabr 2019 Nazir Oqtay Şirəliyev TSEK-ə forma -88 göndərilməsini qadağan edib? 7 saylı poliklinikanın baş həkimi Şəlalə Səfərovanın növbəti özbaşınalığı
18 Noyabr 2019 Daha bir icra başçısından şikayət var - Lerik sakini Prezidentə müraciət etdi
17 Noyabr 2019 16 saylı Texniki-Humanitar Liseyinin direktoru bəzi müəllimləri özünün əlaltısına çevirib?
17 Noyabr 2019 AĞDAM İCRA BAŞÇISI APREL QAZİSİNİ İNCİDİR: ”İSTƏDİYİ ADAMI QƏBULDAN QOVUR, İSTƏDİYİN HƏBS ETDİRİR”-VİDEO
17 Noyabr 2019 "30 ildir Ermənistana sinə gərən Tərtər başçı tərəfindən çökdürülür." - Məşhur "Qarabağın Həcəri" İlham Əliyevə müraciət etdi...
17 Noyabr 2019 Tərtərin bir tərəfində şəhid adına olan susuz bulaq, bir tərəfində isə İcra başçsının sayı hesabı biinməyn obyektləri!"
16 Noyabr 2019 ZAKİR FƏRƏCOVUN ADI DAHA BİR QALMAQALA QARIŞIB - 8 MİLYON MANAT ÖDƏNİLMƏYİB
16 Noyabr 2019 YARDIMLI MEŞƏSİNDƏN ŞİKAYƏT VAR – 500-DƏN ARTIQ AĞAC MƏHV EDİLİB
16 Noyabr 2019 Bərdədə aksiya keçirildi, nazir müavini çətin vəziyyətdə - Foto
16 Noyabr 2019 Cavid Qara: Şəkidə 2500 hektar yaşıllıq ərazisi məhv edilib – (VİDEO)
16 Noyabr 2019 Abşeronda baş memar Akif Əliyev prezidentin “rüşvət gündəlikdən silinməlidir” əmrinə tabe olmur?
16 Noyabr 2019 ADAU-DA DEKANLIQ QALMAQALI - İnam Kərimov bu biabırçılığa nə deyəcək?
15 Noyabr 2019 Bu qədər sərvət, sizdə hardandır, cənab rektor? - ŞÜBHƏ
15 Noyabr 2019 Azərbaycan Gömrüyündə Azərbaycan qanunları işləmir - Azərbaycandan Azərbaycana gömrük rüsumunu kim tətbiq edib?
15 Noyabr 2019 QARABAĞ DÖYÜŞÇÜSÜ: “MƏNİ İCRA BAŞÇISI DÖYÜDÜRÜB” – VİDEO

Dünyapress TV

Xəbər lenti