soccar (3)

Azərbaycanın müxtəlif çaplı dövlət məmurlarının qanunlara zidd olaraq, biznes və digər qadağan edilmiş fəaliyyət növləri ilə məşğulluqlarına dair məlumatların ardı-arası kəsilmir. Mediada və sosial şəbəkələrdə yüksək dövlət vəzifələrində çalışan şəxslərin, o cümlədən, onların ailə üzvlərinin qurduqları biznes şəbəkələri haqda sənədli-sübutlu materiallar dərc edilməkdədir. Hətta o məlumatların yayımlanmasında intensivlik o qədər artıb ki, bu və ya digər məmurun ölkə xaricində biznesə malik olduğunu təsdiqləyən materiallar artıq heç kəsi təəccübləndirmir.

Redaksiyamıza daxil olan bu kateqoriyaya aid növbəti informasiya da dövlətin strateji şirkətində yüksək post tutan məmurun öz övladlarının gələcəyinə “sərmayə yatırımı” ilə bağlıdır. Söhbət Dövlət Neft Şirkətinin (SOCAR-ın) Xarici Sərmayələr İdarəsinin rəisi, “SOCAR Türkiye”nin İdarə Heyətinin sədri Vaqif Əliyevdən gedir.

Xatırlatmaq yerinə düşər ki, Vaqif Əliyev son illərdə adı mətbuatda neqativ planda davamlı hallandırılan məmurlar sırasında xüsusi yer tutur. İlk növbədə FETÖ terror şəbəkəsi ilə sıx bağlılıqda, “SOCAR Türkiye”ni gülənçilərin “plasdarm”ına və maliyyə qaynağına çevirməkdə ittiham olunan Əliyevin bu zərərli fəaliyyəti Türkiyə mediasında da geniş işıqlandırılıb. Doğrudur, FETÖ-nün 15 iyul dövlət çeüvrilişinə uğursuz cəhdindən sonra gülənçilərin “SOCAR Türkiye”də yerləşdirdikləri bır sıra mühüm kadrlar zərərsizləşdirildi. Bununla belə, Vaqif Əliyevin həm Azərbaycan, həm də Türkiyə üçün misilsiz əhəmiyyətə malik şirkətin başında qalaraq, qardaş ölkəyə kapital qoyuluşlarını idarə etməsi onun imkanlarını daha da genişləndirib.

Təbii, Vaqif Əliyevin fəaliyyətində FETÖ-nün dirçəlməsi və Türkiyədə itirdiyi mövqeləri geri qaytarmağa hesablanmış xətt əsas yer tutur. Ancaq “SOCAR Türkiye”nin rəhbəri heç də “ideal ictimaiyyətçi” olmadığını burada da göstərməyə imkan tapıb. İsveçrə banklarından birində onun azyaşlı oğlunun adına olan 28 milyon dollar (47,6 milyon manat) oturdulmuş bank hesabının dondurulmasına dair ötən il verilmiş qərar hələ də müzakirə olunmaqdadır. Vaqif Əliyevin azyaşlı oğlunun hesabna köçürülmüş milyonların mənbəyi haqda sual isə bütün hallarda ritorik xarakterlidir. Dövlət vəsaitlərinə sərəncam vermək səlahiyyəti əldə etmiş Vaqif Əliyev o pulları “xalqın sərvəti” sayaraq, ailə üzvlərinin payını özbaşına ayıracaq qədər irəli getməyə cəsarətlənib. Həm də o 28 milyon dolların “dərya damla olduğunu” bilmək xüsusi istedad tələb etmir.

Vaqif Əliyevin adının qarışdığı məsələlər yuxarıda sadalananlarla məhdudlaşmır. Onun baldızının oğlu, bir neçə ay əvvələ qədər “Azfen” Birgə Müəssisəsində mühüm vəzifə tutan Ncat Qarayevin həbsi Vaqif Əliyevi və oğlunu yenidən diqqət mərkəzinə gətririb. Üzə çıxan faktlara əsasən, Nicat Qarayev Vaqif Əliyevin oğlu Orxan Əliyevin payçısı olduğu “Scanex Enterprises Limited” xarici şirkətinin Azərbaycanda fəaliyyət göstərən filialı vasitəsilə “Azfen” üçün müəyyən işlər həyata keçirib. Lakin xalası oğlunun bir qrup vətəndaşa qarşı külli miqdarda dələduzluq etdiyini iddia edən Orxan Nicatla bağlı hüquq-mühafizə orqanlarına, daha konkret Baş Prokuror Yanında Korrupsiyaya Qarşı Mübarizə İdarəsinə şikayət edib. Ortada olan dələduzluq faktından zərər çəkənlər isə Vaqif Əliyevlə oğlunun bu yolla törətdikləri qanunsuz əməllərdən “sığortalanmağa” çalışdıqlarını bildiriblər. Hazırda məsələ ilə bağlı cinayət işi açılıb və istintaq davam edir. Zərərçəkənlər bütün dələduzluq əməllərinin arxasında Vaqif Əliyev və oğlu Orxan Əliyevin dayandığını israrla bildirirlər. Görünən idur ki, bu “qohum qalmaqalı”nin davamı daha maraqlı faktları aşkarlayacaq.

Ancaq bu da Vaqif Əliyevin adının hallandığı son qalmaqal deyil. “SOCAR Türkiye” rəhbərini yenidən ön plana çıxaran məsələ bu dəfə daha ciddi və dövlətin əleyhinə yönələn fəaliyyət kateqoriyasına aiddir. Əldə olunan məlumatlara görə, törətdiyi qanunsuz əməllərin qarşılığında cəzasız qalmağın yeganə yolu kimi Azərbaycanda xaotik proseslərin başlamasını görən Vaqif Əliyev artıq radikal müxalifətin maliyyələşdirilməsi üçün hərəkətə keçib. Qeyd olunur ki, bu məqsədlə xüsusi kanallar yaradan “SOCAR Türkiye” rəhbəri bu işə yaxın çevrəsindəki ən inandığı şəxsləri cəlb edib. O baxımdan, vurğulanan dəstək müxalifətin radikal kəsiminin ciddi maliyyə tələb edən kütləvi tədbirlər hazırlığı üçün “sponsor dəstəyi”nin istiqaməti barəsində təsəvvür yaradır.

Vaqif Əliyevin adının gündəmdən düşməməsi, FETÖ-yə bağlılığı və korrupsiya əməlləri fonunda siyasi müxalifətə maddi dəstək verməyə qalxması hər halda, dövlətin müvafiq strukturlarının diqqətini cəlb etməlidir. Əks halda, yenə də gec olacaq.

AFN-in Analitik Qrupu

KK-1-300x52-3-300x52.jpg

Bölmənin digər xəbərləri

28 Fevral 2020 Cəlilabad xəstəxanasında karantin: “Antisanitar vəziyyət hökm sürür, nə yoxlayan var, nə yemək verən…” - FOTOLAR
28 Fevral 2020 Beyləqanda həbs həyacanı: bu şəxslər həbs oluna bilərlər
28 Fevral 2020 Peşə liseyinin keçmiş direktoru haqda ŞOK İTTİHAMLAR - VİDEO
28 Fevral 2020 İradə Gülməmmədovanın "eparxiya" sında nələr baş verir: Abşeronun tender qalibləri, alınan “Tərəqqi” medalları və təmirsiz yolları
28 Fevral 2020 Xanım başçı haqda prezidentə və DTX-ya müraciətə baxıla bilər - Mənimsəmə
27 Fevral 2020 Əhməd Əhmədzadə: Xocalı soyqırımı bütün bəşəriyyətə qarşı törədilmiş cinayətdir
27 Fevral 2020 Göygölün başçısına ittihamlar: “Niyə həbs edilmir?”
27 Fevral 2020 Biləsuvarın təhsil şefi haqda nazirə inanılmaz faktlar- Olmazın iş...
27 Fevral 2020 ADPU-nun Ağcabədi filialının direktoru haqda sensasion faktlar
27 Fevral 2020 Millət vəkilinin qardaşı tərəfindən aldadılan vətəndaş yenidən I vitse-prezidentə müraciət edir
27 Fevral 2020 Şahmar İbadovun maklerləri vətəndaşa hədə qorxu gəlir..- NİYƏ? VİDEO
26 Fevral 2020 Tovuzda dövlətin pulu belə havaya sovrulub - Atəşfəşanlıq, bir paket yardım...
26 Fevral 2020 "Kirayədə yaşayıram" deyən İmişli İcra başçısının çoxmilyonluq sərvəti- SİYAHI
26 Fevral 2020 Bakının Nizami rayonunda “yaşıl soyqırım” – Video
26 Fevral 2020 Pambıq zavodu prorablığından BDYP-ya geden yol - Nömrə baronu Bahəddin Leysanov kimdir?(VİDEO +QİYMƏTLƏR)
26 Fevral 2020 TOVUZDA “APTEK SAHIB” HƏR KƏSƏ “BARMAQ SILKƏLƏYIR”-ŞOK FAKTLAR
25 Fevral 2020 Saatlıda qanunlar necə ayaqlar altına atılır... - İLGİNC
25 Fevral 2020 Xırdalanda düz yolun ortasında "novostroyka" - Yolu bağlayıb "İcranın binası"-nı kimlər tikir FOTO Başçı və qardaşı Rövşən Quliyevin adını çəkirlər...FOTO
25 Fevral 2020 "Bu vətəndən Astaranın icra başçısına nə?.." - GİLEY
25 Fevral 2020 Dəmiryolu ərazisində obyekt tikdirən kimdir? - Sakinlərlə qarşıdurma

Dünyapress TV

Xəbər lenti