Şahin Məmmədov korrupsionerə necə vəzifə verib? – İDDİA
Cinayətkarın cəzasız qalması, günahsızın cəzalandırılması bütün cəmiyyətlərdə ən böyük ədalətsizlik sayılaraq dövlətin, dövlətçiliyin təməlini sarsıdan, xalqla hakimiyyət arasındakı körpünü laxladan əsas səbəblərdən biri hesab olunur. Təəssüf ki, çağdaş Azərbaycan cəmiyyətində də buna dair çoxlu misallar çəkmək olar. Acınaqcaqlı burasıdır ki, korrupsiya cinayətləri ilə bağlı problemlər çox vaxt məsələ KİV müstəvisində ictimailəşdiriləndən sonra rəsmi qurumlar hərəkətə keçirlər. Nəticə də bu olur ki, cinayətkarı uzaqbaşı cinayəti törətdiyi vəzifəsindən kənarlaşdırmaqla kifayətlənirlər. Bununla da ictimai narazılığı səngidirlər. Amma ara sakitləşəndən sonra həmin şəxsə başqa bir mühüm vəzifəni etibar edirlər. Məlum olur ki, onun dosyesində birinci vəzifəsindən azad olunmasının səbəbi kimi nəinki cinayətə qol qoyması, hətta səhlənkarlığa belə yol verməsi də göstərilməyib. Sən demə, adam öz ərizəsi ilə könüllü olaraq işdən azad edilibmiş.

Məsələn, məlumdur ki, 2016-cı ilin avqust ayında Ağcabədi Rayon Təhsil Şöbəsinin müdiri Mehdi Əhmədov barəsində Baş Prokurorluq yanında Korrupsiyaya Qarşı Mübarizə Baş İdarəsi tərəfindən cinayət işi açılıb. Mehdi Əhmədov barəsində cinayət işinin açılmasına səbəb isə Maliyyə Nazirliyi tərəfindən aparılan yoxlamalar zamanı Ağcabədi məktəblərində ciddi maliyyə hüquqpozmalarının üzə çıxması – 897,0 min manat vəsaitin mənimsənilməsi faktı ilə bağlı idi.

Xatırladaq ki, Maliyyə Nazirliyinin Dövlət Maliyyə Nəzarəti Xidməti Agcabədi rayon məktəblərində apardığı yoxlamalar barədə 13 iyul 2016-cı il tarixli DX-03103-05-1131 nömrəli məktubu ilə redaksiyamızın sorğusuna rəsmi cavab da vermişdi:

«Sizin adınızdan Agcabədi rayon məktəblərində Maliyyə Nazirliyinin Dövlət Maliyyə Nəzarəti Xidmətinin 10 saylı Regional Müfəttişliyi tərəfindən yoxlamaların obyektiv aparılmaması, həmin yoxlamaların dayandırılaraq başqa orqanlar vasitəsilə həyata keçirilməsinin təmin edilməsi barədə Respublika Baş Prokurorluğuna daxil olmuş və Baş Prokurorluq tərəfindən araşdırılması üçün Maliyyə Nazirliyinə göndərilmiş müraciətə Nazirliyin Dövlət Maliyyə Nəzarəti Xidmətində baxılmışdır… Məlumat üçün bildiririk ki, mövcud qanunvericiliyə uyğun olaraq dövlət büdcəsini yerli xərclərindən ayrılan vəsaitlərin təyinatı üzrə xərclənilməsi üzərində nəzarəti təmin etmək məəqsədilə Dövlət Maliyyə Nəzarəti Xidməti tərəfindən təsdiq edilmiş «İş planı»na uyğun olaraq Xidmətin 10 saylı Regional Maliyyə Müfəttişliyi Agcabədi Rayon Təhsil Şöbəsinin fəaliyyətini yoxlamış və nəticədə ciddi nöqsanlara yol verildiyi aşkar edilmişdir… Aşkar edilmiş nöqsanların ciddiliyini nəzərə alaraq, nöqsanlara hüquqi qiymət verilməsi üçün yoxlamanın nəticəsi üzrə tərtib edilmiş sənədlər Respublika Baş Prokurorluğuna göndərilmişdir».

Həmin vaxt Mehdi Əhmədov işdən kənarlaşdırıldı, amma necə kənarlaşdırıldığı olduqca təəccüb doğurdu. Hələ də həmin məsələlərlə bağlı qaranlıq məqamlara aydınlıq gəlməyib. Korrupsiya cinayətinə görə Anti-korrupsiya idarəsində dindirilən və ardından işdən çıxarılan Mehdi Əhmədov nədənsə qol qoyduğu korrupsiya cinayətinə görə yox, məhz öz ərizəsi əsasında vəzifəsindən azad edilmiş kimi təqdim olundu. Bu da çox maraqlı idi.

Əslində Mehdi Əhmədovun işdən çıxarılmasına səbəb kimi onun korrupsioner fəaliyyəti göstərilməli olduğu halda, nədənsə bu, ört-bastır edildi. Daha qəribə burasıdır ki, Antikorrupsiya idarəsində 897,0 min manat maliyyə pozuntusuna rəvac verdiyinə görə vaxtilə “məhşər ayağına” çəkilən Mehdi Əhmədov Ağcabədi Rayon İcra Hakimiyyətinin başçısı Şahin Məmmədovun əmri ilə Ağcabədi rayon Ağabəyli kənd inzibati ərazi üzrə icra nümayəndəsi təyin edilib. Söz yox ki, elə Mehdi Əhmədovu o vaxt da “qanadı altına alan” və ona hamillik edən də məhz Şahin Məmmədov idi.

Təəccüblüdür ki, korrupsioner bir şəxsin necə cəzasız qalmağı bir yana dursun, dövlət vəsaitini tarı-mar etdiyi unudularaq ona necə yenidən dövlət qulluqçusu vəzifəsi etibar olunub? Hələ o vaxt Baş Prokurorluq yanında Korrupsiyaya qarşı Mübarizə Baş İdarəsi redaksiyamıza cavab verərək bildirirdi ki, Ağcabədi rayon, təhsil şöbəsinin müdiri vəzifəsində işləmiş Mehdi Əhmədov barəsində İdarədə istintaq edilən 162026172 №-li cinayət işinin istintaqı zamanı redaksiyanın müraciətində göstərilən xüsusatlar tam, hərtərəfli və obyektiv araşdırılaraq nəticəsindən asılı olaraq qanuna müvafiq qərar qəbul olunması təmin ediləcəkdir.

Amma belə görünür, cənab Şahin Məmmədovun Antikorrupsiya İdarəsinin yekun qərarlarını gözləməyə hövsələsi çatmayıb.

Qarşı tərəfin mövqeyini dinləməyə və dərc etməyə hazırıq.

RealMedia.az

Bölmənin digər xəbərləri

25 May 2020 Travmatologiya inisitutunda rüşvət verə bilməyən xəstəyə ''xərçəng diyaqnozu'' qoyuldu - RƏZALƏT
25 May 2020 ADAU rektoru müəllimə qarşı qərəzini davam etdirir - NAZİRƏ MÜRACİƏT
25 May 2020 Nazir olma sevdasına düşən İcra başçısı – Yaxın çevrəsi ilə birgə öz kabinetində şampan məclisi düzənlədi
25 May 2020 İcra başçısı ilə İsgəndər Həmidovun qardaşı oğlu arasında qalmaqal: SENSASİON FAKTLAR - VİDEO
25 May 2020 Seymur Orucovun qayınatası ilə milyonluq fırıldağı – Şok faktlar
25 May 2020 Şəhid məzarlığına ögey münasibət bəsləyən icra başçısı - RƏZALƏT
25 May 2020 "Şikayətim “OBA market”in saxta qəbzlərindəndir” - GİLEY
25 May 2020 NAZİR QOVULDU, MÜAVİN HƏBSDƏ, BİRİNCİ MÜAVİN İŞ BAŞINDA... - “Vaqif Əliyev, sən hara baxırdın?!”
25 May 2020 Xan Şuşinski küçəsindəki "moyka" fəaliyyətə başladığı gündən, bu obyektin ətrafinda yaşayan onlarla ailənin rahatlığına da son qoyulub -- ŞİKAYƏTÇİ NARAHATLIĞI
24 May 2020 Villasının görünməməsi üçün liseyin pəncərələrini hördürən icra başçısından daha bir addım - FOTO
24 May 2020 Həbs olunan DSX polkovnikinə federasiyanın vitse-prezidenti “krışa”lıq edirmiş? – ŞOK TƏFƏRRÜAT
24 May 2020 Zakir Qaralov Kanal 13-ü susdurmaq istəyir: SAHİBİ OLDUĞU AKKORD İSƏ MİLLƏTİ ÜSYANA SÖVQ EDİR – VİDEO
24 May 2020 Mingəçevir Dövlət Dram Teatrında DAHA BİR RƏZALƏT
23 May 2020 Mingəçevirdə kirvələr hakimiyyəti- Qanunlar ayaqlar altında-FOTO
23 May 2020 “METRO ZAUR”UN PADŞAHLIQ ARZUSU – Və yaxud Zaur Hüseynovun ad günündən qalmaqallı görüntülər…
23 May 2020 Beyləqanda PETrolçu hacı ŞANTAJLA məşğuldur - İDDİA
23 May 2020 Mingəçevirdə son həbslərdən nəticə çıxarmayan JEK müdirləri - onlar niyə düzəlmir…!?
23 May 2020 Milyarder həyatı yaşayan yol rəisi-BƏRDƏDƏ
23 May 2020 İcra başçısı liseyin pəncərələrini hördürdü: Villasının həyəti göründüyü üçün - SENSASİYA
22 May 2020 GORANBOYUN ICRA BAŞÇISININ BƏNZƏRI OLMAYAN VƏ HƏR KƏSI ŞOKA SALAN QANUNSUZ ƏMƏLLƏRI — FAKTLAR İTTİHAM EDİR

Dünyapress TV

Xəbər lenti